پانچ لاکھ احادیث کا خلاصہ

 ✦  *پانچ لاکھ احادیث کا خلاصہ*✦

  امام ابوداودؒ فرماتے ہیں: کہ میں نے نبی کریمؐ کی پانچ لاکھ احادیث لکھی ہیں , ان میں سے چار ہزار آٹھ سو احادیث کا انتخاب کرکے انہیں اپنی کتاب " سنن ابوداود" میں ذکر کیا ھے پھر ان چار ہزار آٹھ سو احادیث میں سے صرف چار احادیث کا انتخاب کیا اور یہ چار احادیث ایسی ہیں جو انسان کو دیندار بنانے کیلیے کافی ہیں:

1) اعمال کا دار و مدار نیتوں پر ھے( بخاری 1)

2) آدمی کے اسلام کی خوبی و کمال یہ ھے کہ وہ فضول کاموں اور باتوں کو بھی چھوڑدے( ترمذی 2317)

3) آدمی اس وقت تک کامل مومن نہیں ہوسکتا جب تک وہ اپنے بھائی کیلیے وہ پسند نہ کرے جو اپنے لیے پسند کرتا ھے( ترمذی 2515)

4) حلال بھی واضح ھے اور حرام بھی واضح ھے , اور ان دونوں کے درمیان کچھ چیزیں مشتبہ ہیں جو شخص ان مشتبہ چیزوں سے بچتا رہا تو اسکا دین اور اس کی عزت بچ گئ ۔ ( بخاری 52)

اس بات کا حوالہ مطلوب ھے!!!

••• *باسمہ تعالی* •••

*الجواب وبہ التوفیق:* 

  جی یہ بات درست ھے , حاجی خلیفہؒ نے کؔشف الظنون میں یہ بات لکھی ھے: 

▪️سنن ابي داود، سليمان بن الاشعث السجستاني، المتوفي سنة: 275، خمس و سبعين ومأتين، قال:  كتبت عن رسول الله صلى الله عليه وسلم خمسمائة ألف حديث، انتخبت منها ما ضمنته هذا الكتاب - يعني كتاب السنن - جمعت فيه أربعة آلاف وثمانمائة حديث ذكرت فيها الصحيح وما يشبهه ويقاربه، وما فيه وهن شديد بينته، ويكفي الإنسان لدينه من ذلك أربعة أحاديث:

أحدها: قوله صلى الله عليه وسلم: ((الأعمال بالنيات)).

والثاني: قوله صلى الله عليه وسلم: ((من حسن إسلام المرء تركه ما لا يعنيه)).

والثالث: قوله صلى الله عليه وسلم: ((لا يكون المؤمن مؤمناً حتى يرضى لأخيه ما يرضاه لنفسه)).

والرابع : قوله صلى الله عليه وسلم: (( الحلال بين والحرام بين، وبين ذلك أمور مشتبهات.

٭ المصدر: كؔشف الظنون

٭ المؤلف: حاجي خليفةؒ 

٭ المجلد: 2

٭ الصفحة: 1004

٭ الطبع: دار إحياء التراث العربي، بيروت، لبنان.

والله تعالي اعلم

✍🏻... كتبه: *محمد عدنان وقار صؔديقي*

28جولائي، 2021؁ء