Showing posts with label سچے واقعات. Show all posts
Showing posts with label سچے واقعات. Show all posts

Wednesday, July 23, 2025

وہ عورت جو شوہر کی یاد میں شعر گنگنا رہی تھی

 ▪️ *وہ عورت جو شوہر کی یاد میں شعر گنگنا رہی تھی*▪️


السلام علیکم!  

سوال یہ ھے کہ جو واقعہ مشہور ھے کہ حضرت عمرؓ نے اپنے فوجیوں کے لیے چار مہینے بعد گھر جانے کی چھٹی کا حکم جاری کیا تہا ؛کیونکہ ایک عورت شعر پڑھ رھی تھی رات کو اپنے شوہر کو یاد کر رہی تھی حضرت عمر فاروقؓ گشت کر رھے تھے کیا یہ واقعہ اسی طرح ھے اور درست ھے؟



*باسمہ تعالی*

*الجواب وبہ التوفیق:* 


    جی کتب میں حضرت سیدنا فؔاروق اعظمؓ کا یہ واقعہ ملتا ہے :



▪️ *تفسير ابن كثير* ▪️


  وَقَدْ ذَكَرَ الْفُقَهَاءُ وَغَيْرُهُمْ -فِي مُنَاسَبَةِ تَأْجِيلِ الْمُولِي بِأَرْبَعَةِ أَشْهُرٍ -الْأَثَرَ الَّذِي رَوَاهُ الْإِمَامُ مَالِكُ بْنُ أَنَسٍ، رَحِمَهُ اللَّهُ، فِي الْمُوَطَّأِ، عَنْ عَمْرِو بْنِ دِينَارٍ قَالَ: خَرَجَ عُمَرُ بْنُ الْخَطَّابِ مِنَ اللَّيْلِ فَسَمِعَ امْرَأَةً تَقُولُ:


تطاوَلَ هَذَا الليلُ وَاسْوَدَّ جانِبُهْ*

وَأَرَّقَنِي أَلَّا خليلَ ألاعِبُهْ*

فَوَاللَّهِ لَوْلَا اللَّهُ أَنِّي أراقبهْ* لحرِّكَ مِنْ هَذَا السَّرِيرِ جَوَانِبُهْ*


فَسَأَلَ عُمَرُ ابْنَتَهُ حَفْصَةَ، رَضِيَ اللَّهُ عَنْهَا: كَمْ أَكْثَرَ مَا تَصْبِرُ الْمَرْأَةُ عَنْ زَوْجِهَا؟ فَقَالَتْ: سِتَّةُ أَشْهُرٍ أَوْ أَرْبَعَةُ أَشْهُرٍ. فَقَالَ عُمَرُ: لَا أَحْبِسُ أَحَدًا مِنَ الْجُيُوشِ أَكْثَرَ مِنْ ذَلِكَ.


★ وَقَالَ: مُحَمَّدُ بْنُ إِسْحَاقَ، عَنِ السَّائِبِ بْنِ جُبَيْرٍ، مَوْلَى ابْنِ عَبَّاسٍ - وَكَانَ قَدْ أَدْرَكَ أَصْحَابَ النَّبِيِّ ﷺ -قَالَ: مَا زِلْتُ أَسْمَعُ حَدِيثَ عُمَرَ أَنَّهُ خَرَجَ ذَاتَ لَيْلَةٍ يَطُوفُ بِالْمَدِينَةِ، وَكَانَ يَفْعَلُ ذَلِكَ كَثِيرًا؛ إِذْ مَرَّ بِامْرَأَةٍ مِنْ نِسَاءِ الْعَرَبِ مُغْلِقَةٍ بَابَهَا [وَهِيَ] تَقُولُ:


* تَطَاوَلَ هَذَا اللَّيْلُ وَازْوَرَّ جَانِبُهْ 

* وَأَرَّقَنِي أَلَّا ضجيعَ ألاعِبُهْ 

* أُلَاعِبُهُ طُورًا وَطُورًا كَأَنَّمَا 

*  بَدَا قَمَرًا فِي ظُلْمَةِ اللَّيْلِ حَاجِبُهْ

* يُسَرُّ بِهِ مَنْ كَانَ يَلْهُو بِقُرْبِهِ

*  لَطِيفُ الْحَشَا لَا يَحْتَوِيهِ أَقَارِبُهْ 

* فَوَاللَّهِ لَوْلَا اللَّهُ لَا شَيْءَ غَيْرُهُ

* لَنُقِضَ مِنْ هَذَا السَّرِيرِ جَوَانِبُهْ

* وَلَكِنَّنِي أَخْشَى رقيبًا موكلا 

* بِأَنْفُسِنَا لَا يَفْتُر الدهرَ كَاتِبُهْ ...

ثُمَّ ذَكَرَ بَقِيَّةَ ذَلِكَ كَمَا تَقَدَّمَ، أَوْ نَحْوَهُ. وَقَدْ رَوَى هَذَا مِنْ طَرْقٍ، وَهُوَ مشهور. 


ترجمة:


حضرت عمر فاروق اپنی عادت کے موافق شب میں رعایا کی عبر گیری کی خاطر گشت پر تھے کہ ایک گھر سے نسوانی آواز میں اپنے شوہر کے فراق میں (جو کسی اسلامی سرحد پر برسر پیکار تہا) اشعار گنگنا رہی تہی :


 • ہائے افسوس! کیا فائدہ ان طویل و تاریک راتوں کا جن میں نہ نیند کا نام ونشان ہے نہ دل لگی کو میرا ہمدم ساتھ ہے

• میں ان راتوں کی تاریکیوں میں اس چاند نما چہرے والے سے دل لگی کرتی 

• اس کے قرب میں خوشگوار لمحات گزار کر مسرت سے جھوم پاتی 

  • وہ ایسا مخفی احساس ہے جس پر قریبی لوگ بھی واقف نہیں ہوسکتے 

• بخدا اگر اللہ کا خوف دامن گیر نہ ہوتا تو میری مسہری کے پائے آج حرکت میں ہوتے 

•لیکن مجھے اس ذات خدا اور اس کے نگراں فرشتوں کا اندیشہ ہی تو ہے جو کسی لمحہ بھی ہماری نگرانی اور حرکات نوشتی سے نہیں چوکتے۔


حضرت نے معلوم کیا تو حقیقت سے واقف ہوئے کہ اس کا شوہر فوجی ہے جو بحکم سرکار بیرون گیا ہوا ہے حضرت گھر واپس ہوئے اور اپنی دختر حضرت حفصہ سے استفسار فرمایا کہ ایک خاتون اپنے شوہر سے کتنی مدت فراق گوارا کرسکتی ہے؟ جواب ملا:  

چار یا چھ ماہ تو جناب امیر المومنین نے یہ طے کیا آئندہ سے چھ ماہ سے زیادہ کسی شوہر کو بیرون خانہ نہ رہنے دیا جائے گا۔


÷ المصدر: تفسير ابن كثير

÷ المجلد: 1

÷ الصفحة: 604

÷ الآية: 226

÷ الطبع: دار طيبة، المدينة المنورة.



💠 *تلخيص الحبير*💠


امام ابن حجر العسقلاني نے یہ واقعہ مرسلا ذکر فرمایا ہے:



قَوْلُهُ : رَوَوْا أَنَّ ابْنَ عُمَرَ كَانَ يَطُوفُ لَيْلًا فَسَمِعَ امْرَأَةً تَقُولُ فِي طَرَفِ بَيْتِهَا:


أَلَا طَالَ هَذَا اللَّيْلُ وَازْوَرَّ جَانِبُهُ ... وَأَرَّقَنِي أَنْ لَا خَلِيلَ أُلَاعِبُهُ . الْحَدِيثَ.


 وفيه فسأل عمر من النِّسَاءَ كَمْ تَصْبِرُ الْمَرْأَةُ عَنْ زَوْجِهَا تَصْبِرُ شَهْرًا؟ فَقُلْنَ:نَعَمْ! قَالَ:تَصْبِرُ شَهْرَيْنِ؟ فَقُلْنَ:نَعَمْ!قَالَ:ثَلَاثَةَ أَشْهُرٍ؟قُلْنَ:نَعَمْ!وَيَقِلُّ صَبْرُهَا قَالَ أَرْبَعَةَ أَشْهُرٍ قُلْنَ نَعَمْ وَيَفْنَى صَبْرُهَا،فَكَتَبَ إلَى أُمَرَاءِ الْأَجْنَادِ فِي رِجَالٍ غَابُوا عَنْ نِسَائِهِمْ أَرْبَعَةَ أَشْهُرٍ أَنْ يَرُدُّوهُمْ .


وَيُرْوَى أَنَّهُ سَأَلَ عَنْ ذَلِكَ حَفْصَةَ فَأَجَابَتْ بِذَلِكَ.


قُلْت :لَمْ أَقِفْ عَلَيْهِ مُفَصَّلًا هَكَذَا وَإِنَّمَا رَوَى الْبَيْهَقِيّ فِي أَوَائِلِ كِتَابِ السِّيَرِ مِنْ رِوَايَةِ مَالِكٍ عَنْ عَبْدِ اللَّهِ بْنِ دِينَارٍ عَنْ ابْنِ عُمَرَ فَذَكَرَهُ بِمَعْنَاهُ وَفِيهِ الشِّعْرُ فَقَالَ عُمَرُ لِحَفْصَةَ كَمْ أَكْثَرُ مَا تَصْبِرُ الْمَرْأَةُ عَنْ زَوْجِهَا؟قَالَتْ:سِتَّةَ أَشْهُرٍ أَوْ أَرْبَعَةَ أَشْهُرٍ كَذَا ذَكَرَهُ بِالشَّكِّ.


وَرَوَاهُ ابْنُ وَهْبٍ عَنْ مَالِكٍ عَنْ عَبْدِ اللَّهِ بْنِ دِينَارٍ فَأَرْسَلَهُ وَجَزَمَ بِسِتَّةِ أَشْهُرٍ.


قَالَ ابْنُ وَهْبٍ وَأَخْبَرَنِي رِجَالٌ مِنْ أَهْلِ الْعِلْمِ مِنْهُمْ ابْنُ سَمْعَانَ قَالَ بَلَغَنَا أَنَّ عُمَرَ فَذَكَرَهُ وَقَالَتْ نصف سنة فكان لا يُجَهِّزُ الْبُعُوثَ وَيَقْفِلُهُمْ فِي ستة أشهر.


ورواه الخرايطي فِي اعْتِلَالِ الْقُلُوبِ مِنْ طُرُقٍ،منھا:عَنْ سَعِيدِ بْنِ جُبَيْرٍ وَفِيهَا يَقُولُونَ إنَّ هَذِهِ الْمَرْأَةَ هِيَ أُمُّ الْحَجَّاجِ بْنِ يُوسُفَ.(قُلْت:وَلَا يَصِحُّ ذَلِكَ.)


وَرَوَى عَبْدُ الرَّزَّاقِ عَنْ ابْنِ جُرَيْجٍ أَخْبَرَنِي مَنْ أصدق أن عمر بينا هُوَ يَطُوفُ سَمِعَ امْرَأَةً فَذَكَرَهُ فَقَالَ مَالَکِ؟:قَالَتْ:أَغْزَيْتَ زَوْجِي مُنْذُ أَرْبَعَةِ أَشْهُرٍ،فَسَأَلَ حَفْصَةَ فَقَالَتْ:ثَلَاثَةَ أَشْهُرٍ وَإِلَّا فَأَرْبَعَةً فَكَتَبَ عُمَرُ لَا يُحْبَسُ أَكْثَرَ مِنْ أَرْبَعَةٍ.

وَرَوَاهُ سَعِيدُ بْنُ مَنْصُورٍ مِنْ وَجْهٍ آخَرَ عَنْ زَيْدِ بْنِ أَسْلَمَ فَقَالَتْ حَفْصَةُ أَرْبَعَةَ أَشْهُرٍ أَوْ خَمْسَةَ أَشْهُرٍ أَوْ سِتَّةَ أَشْهُرٍ.


٭ المصدر: تلخيص الحبير

٭ المحدث: ابن حجر العسقلاني

٭ المجلد: 3

٭ الصفحة: 441

٭ الحديث: 1763

٭ الطبع: مؤسسة قرطبة: مصر.



🔖 *تاريخ الخلفاء* 🔖


امام «جلال الدین سیوطی» نے بھی ”ابن جریج“ کے حوالے سے یہ واقعہ نقل کیا ہے: 


~ المصدر: تاريخ الخلفاء

~ المصنف: الإمام السيوطي

~ الصفحة: 115

~ الطبع: دار ابن حزم، بيروت، لبنان.



📌 *المصنف لـعبد الرزاق*📌



عبد الرزاق عن ابن جريج قال: أخبرني من أصدق أن عمر - وهو يطوف - سمع امرأة وهي تقول:

تطاول هذا الليل واخضل جانبه* وأرقني إذ لا خليل ألاعبه، فلولا حذار الله لا شئ مثله * لزعزع من هذا السرير جوانبه، فقال عمر: فمالك؟ قالت: أغربتَ زوجي منذ أربعة أشهر، وقد اشتقت إليه، فقال: أردت سوءً، قالت: معاذ الله، قال: فاملكي على نفسك، فإنما هو البريد إليه، فبعث إليه، ثم دخل على حفصة فقال: إني سائلك عن أمر قد أهمني فأفرجيه عني، كم تشتاق المرأة إلى زوجها؟ فخفضت رأسها، فاستحيت، فقال: فإن لله لا يستحيي من الحق، فأشارت ثلاثة أشهر، وإلا فأربعة، فكتب عمر ألا تحبس الجيوش فوق أربعة أشهر، ....



+ المصدر: مصنف عبد الزاق

+ المجلد: 6

+ الصفحة: 100

+ الرقم: 13366

+ الطبع: دار التاصيل، القاهرة، مصر.



🧷 *السنن الكبري* 🧷


امام بيهقي نے بھی یہ واقعہ ذکر فرمایا ہے:


 أَخْبَرَنَا أَبُو عَبْدِ اللهِ الْحَافِظُ، ثنا عَلِيُّ بْنُ حَمْشَاذٍ الْعَدْلُ، ثنا إِسْمَاعِيلُ بْنُ إِسْحَاقَ الْقَاضِي، ثنا إِسْمَاعِيلُ بْنُ أَبِي أُوَيْسٍ، حَدَّثَنِي مَالِكٌ، عَنْ عَبْدِ اللهِ بْنِ دِينَارٍ، عَنِ ابْنِ عُمَرَ، قَالَ: خَرَجَ عُمَرُ بْنُ الْخَطَّابِ رَضِيَ اللهُ عَنْهُ مِنَ اللَّيْلِ، فَسَمِعَ امْرَأَةً تَقُولُ:


تَطَاوَلَ هَذَا اللَّيْلُ وَاسْوَدَّ جَانِبُهْ ... وَأَرَّقَنِي أَنْ لَا حَبِيبَ أُلَاعِبُهْ


فَقَالَ عُمَرُ بْنُ الْخَطَّابِ رَضِيَ اللهُ عَنْهُ لِحَفْصَةَ بِنْتِ عُمَرَ رَضِيَ اللهُ عَنْهَا: " كَمْ أَكْثَرُ مَا تَصْبِرُ الْمَرْأَةُ عَنْ زَوْجِهَا؟ ". فَقَالَتْ: سِتَّةُ أَوْ أَرْبَعَةُ أَشْهُرٍ. فَقَالَ عُمَرُ رَضِيَ اللهُ عَنْهُ: " لَا أَحْبِسُ الْجَيْشَ أَكْثَرَ مِنْ هَذَا".


# المصدر: السن الكبري 

# المحدث: الإمام البيهقي

# المجلد: 9

# الصفحة: 51

# الرقم: 17850

# الطبع: دار الكتب العلمية، بيروت، لبنان.



💡 *روایت کا حکم* 💡


   یہ واقعہ حضرت عبد ﷲ بن دینار سے مرسلا منقول ہے: جیسا کہ صلاح الدین علائی نے ذکر کیا ہے :


عبد الله بن دينار مولي ابن عمر: أن عمر خرج الليل سمع إمرأة تقول: تطاول هذا الليل، واسود جانبه... الحديث. قال النخشبي: هو مرسل، وهو كما ذكر ؛ لأن ابن دينار لم يسمع من عمر.


٭ المصدر: جامع التحصيل في أحكام المراسيل

٭ المحدث: صلاح الدين العلائي 

٭ الصفحة: 210

٭ الرقم: 357

٭ الطبع: مكتبة النهضة العربية، مصر.


💎 *تحفة التحصيل* 💎


   عبد الله بن دينار مولي ابن عمر أن رضي الله عنه خرج من الليل، فسمع إمرأة تقول: ” تطاول هذا الليل، واسود جانبه“ ـ الحديث ـ قال النخشبي: هو مرسل، وهو كما ذكر، لأن ابن دينار لم يسمع من عمر.


% المصدر: تحفة التحصيل في ذكر رواة المرسلين

% المحدث: الحافظ ولي الدين ابو زرعة العراقي

% الصفحة: 173

% الطبع: مكتبة الرشد، الرياض.



⚖️ *مناقب امير المومنين عمر بن الخطاب* ⚖️


امام ابن الجوزی نے یہ روایت نقل کی ہے،  اور اس کتاب کے محقق ” عامر حسن صبري التميمي“ نے لکھا ہے:کہ یہ روایت معتبر ہے


 ” وله طرق أخري يرتقي بها الأثر إلي درجة القبول .


نيز: عبد اللہ بن دینار والی مرسل روایت کے متعلق لکھا ہے: کہ یہ روایت گو کہ مرسل ہے لیکن قابل اعتبار ہے۔ 


«وهو مرسل جيد، ورجاله ثقات»


★★ أخبرنا محمد بن ناصر، قال: أخبرنا المبارك بن عبد الجبار، قال: أخبرنا أبو الحسن أحمد بن عبد الله الأنماطي، قال: أخبرنا أحمد بن الحسين المروزي، قال: أخبرنا أبو العباس أحمد بن الحارث المروزي، قال: حدثني جدي محمد بن عبد الكريم، قال: حدثنا الهيثم بن عدي، قال: أخبرنا مجالد، عن الشعبي: قال بينما عمر يعس ذات ليلة، إذ مر بإمرأة جالسة علي سرير، وقد أجافت البابَ، وهي تقول: تطاول هذا الليل الخ...


٭ المصدر: مناقب امير المومنين عمر بن الخطاب

٭ المحدث: الإمام ابن الجوزية

٭ الصفحة: 350

٭ الطبع: المجلس الأعلي للشئون الإسلامية،مملكة البحرين.



وﷲ تعالی اعلم

✍🏻... کتبہ محمد عدنان وقار صدیقی


23 جولائی 2025

Tuesday, February 13, 2024

جامۂ الفت بنتے رہئیے رشتوں کے دھاگوں سے

 ▪️ *جامۂ الفت بُنتے رہئیے رشتوں کے دھاگوں سے* ▪️




سیدنا عمرفاروقؓ کے دور میں ایک شخص نے اپنی بیوی کو قسم دے کر پوچھا کہ کیا وہ اس سے محبت کرتی ہے؟


بیوی کہنے لگی: نہیں!


یہ بات کسی طرح حضرت عمر فاروقؓ کو پہونچی تو آپ نے اس عورت کو بلا بھیجا اور پوچھا : تم ہی وہ عورت ہو جو اپنے خاوند کو کہتی ہے کہ میں تم سے محبت نہیں کرتی؟!


وہ عورت کہنے لگی : اس نے مجھے اللہ کا واسطہ دے کر پوچھا تھا، تو کیا میں جھوٹ بول دیتی؟!


سیدنا عمر فاروقؓ نے فرمایا : ہاں! جھوٹ بول دیتی۔ اگر تم میں سے کوئی عورت اپنے خاوند کو ناپسند کرتی ہو تو اس کا اظہار نہ کیا کرے، کم ہی گھر ہیں جو محبت پر استوار ہوتے ہیں، لوگ تو اسلام اور احسان کی بنیاد پر ایک دوسرے کے ساتھ رہتے ہیں۔


اس واقعے کا حوالہ اور تحقیق مطلوب ہے!!!



••• *باسمہ تعالی* •••

*الجواب وبہ التوفیق:* 

   


  یہ واقعہ مستند ہے اور امام خرائطیؒ نے " مساوئ الأخلاق " میں اس کو ذکر کیا ہے:



🔅 *مساوئ الأخلاق* 🔅



حدثنا الرمادي، ثنا اصبع بن الفرج، ثنا ابن وهب، أخبرني يونس، عن ابن شهاب، عن السائب بن يزيد بن مالك الكناني،  

عن ابن أبي عروة الدؤلي، وكان في خلافة عمر يخلع النساء التي يتزوجها، فطار له في الناس من ذلك، فكرهها، فلما علم بذلك، قام بعبد الله بن الأرقم حتى أدخله بيته، فقال لامرأته، وابن الأرقم يسمع: أنشدك بالله، هل تبغضينني؟ فقالت امرأته: لا تناشدني. قال: بلى. فقالت: اللهم نعم. فقال ابن أبي عروة لعبد الله: أتسمع؟ ثم انطلق حتى أتى عمر، ثم قال: يا أمير المؤمنين، يحدثون أني أظلم النساء، وأخلعهن، فاسأل عبد الله بن الأرقم عما سمع من امرأتي، فسأل عمر عبد الله، فأخبره، فأرسل عمر إلى امرأته، فجاءت، فقال لها: «أنت التي تحدثين زوجك أنك تبغضينه؟»، قالت: يا أمير المؤمنين، إني أول من تاب، وراجع أمر الله، إنه يا أمير المؤمنين أنشدني بالله، فتحرجت أن أكذب، أفأكذب يا أمير المؤمنين؟ قال: «نعم، فاكذبي، فإن كانت إحداكن لا تحب أحدنا، فلا تحدثه بذلك، فإن أقل البيوت الذي يبنى على الحب، ولكن الناس يتعاشرون بالإسلام، والإحسان».


٭ المصدر: مساوئ الأخلاق ومذموها

٭ المؤلف: ابوبكر الشامري الخرائطي

٭ الصفحة: 89

٭ الرقم: 186

٭ الدرجة: حسن

٭ الطبع: مكتبة السوادي، للتوزيع، جدة، السعودية.


واللّٰه تعالٰي أعلم

✍🏻... كتبه: *محمد عدنان وقار صؔديقي*

13 فروري،؁ء 2024

صحابی کا نماز پڑھ کر سواری کے جانور کو زندہ کروانا

 ▪️ *صحابیؓ کا نماز پڑھ کر سواری کے جانور کو زندہ کروانا* ▪️


ایک واقعہ کی تحقیق درکار ہے کہ ایک شخص یمن سے آرہا تھا راستہ میں اس کا گدھا مرگیا تو اس نے وضو کرکے دو رکعت نماز ادا کی اور یہ دعا مانگی:

’’الٰہی! میں تیری راہ میں جہاد کرنے آیا تھا اور اس سے میرا مقصد آپ کی خوشنودی حاصل کرنا تھا اور میں گواہی دیتا ہوں کہ تو مُردوں کو زندہ کرنے پر قادر ہے اور اہل قبور کو ایک دن زندہ کرکے اٹھائے گا، آج تو مجھے کسی کا احسان مند نہ کرنا، لہٰذا میں تجھ سے دعا کرتا ہوں کہ تو میرے گدھے کو زندہ فرما دے۔‘‘

حق تعالیٰ نے اس کی دعا قبول فرمالی اور اس کا گدھا کان ہلاتا ہوا کھڑا ہو گیا۔



••• *باسمہ تعالی* •••

*الجواب وبہ التوفیق:* 



 یہ واقعہ ایک صحابی حضرت نباتہ بن یزیدؓ کا ہے اور مستند ہے ؛ یہ واقعہ متعدد کتب میں مذکور ہے:



🔰 *دلائل النبوة* 🔰


أخبرنا أبو عبد الله الحسين بن عمر بن برهان، وأبو الحسين بن الفضل القطان ، وأبو محمد الشكري، قالوا: أنبأنا إسماعيل بن محمد الصفار ، حدثنا الحسن بن عرفة، حدثنا عبد الله بن إدريس، عن إسماعيل بن أبي خالد ، عن أبي سبرة النخعي، قال: " أقبل رجل من اليمن فلما كان في بعض الطريق نفق حماره، فقام فتوضأ ثم صلى ركعتين، ثم قال: اللهم إني جئت من الدثنية مجاهدا في سبيلك وابتغاء مرضاتك، وأنا أشهد أنك تحيي الموتى، وتبعث من في القبور، لا تجعل لأحد علي اليوم منة، أطلب إليك أن تبعث لي حماري، فقام الحمار ينفض أذنيه ". 


*هذا إسناد صحيح*، ومثل هذا يكون كرامة لصاحب الشريعة حيث يكون في أمته مثل هذا كما مضى في الباب قبله، وقد رواه محمد بن يحيى الذهلي وغيره، عن محمد بن عبيد، عن إسماعيل، عن الشعبي، وكأنه سمعه منهما. 


٭ المصدر: دلائل النبوة

٭ المحدث: البيهقيؒ

٭ المجلد: 6

٭ الصفحة: 48

٭ الطبع: دار الكتب العلمية، بيروت، لبنان.



♦️ *البداية والنهاية* ♦️


تاریخ ابن کثیر میں امام ابو الفداء عماد الدین دمشقیؒ نے بھی تفصیلا یہ واقعہ ذکر کیا ہے اور صاحب واقعہ باکرامت کا اسم گرامی بھی ذکر کیا ہے:



قال الشعبي:

فأنا رأيت الحمار بيع أو يباع في الكناسة - يعني بالكوفة -. قال ابن أبي الدنيا: وأخبرني العباس بن هشام عن أبيه عن جده عن مسلم بن عبد الله بن شريك  النخعي، أن صاحب الحمار رجل من النخع، يقال له نباتة بن يزيد، خرج في زمن عمر غازيا، حتى إذا كان يلقى عميرة نفق حماره فذكر القصة، غير أنه قال: فباعه بعد بالكناسة، فقيل له: تبيع حمارك وقد أحياه الله لك؟

قال: فكيف أصنع؟ وقد قال رجل من رهطه ثلاث أبيات فحفظت هذا البيت:

*ومنا الذي أحيا الاله حماره* *وقد مات منه كل عضو ومفصل*،


(ترجمة)


امام شعبیؒ کہتے ہیں: کہ میں نے اس گدھے کو بازار میں بکتے ہوئے دیکھا ہے،لوگوں نے اس کے مالک سے کہا: کہ کیا تو ایسے گدھے کو بیچنے کا ارادہ کر رہا ہے، جس کو رب تعالیٰ نے تیری خاطر زندہ کردیا تھا؟ مالک نے جواب دیا: اگر اس کو فروخت نہ کروں تو کیا کروں؟ اس پر ایک شخص نے تین اشعارکہے، جن میں سے ایک شعر مجھے یاد ہے اور وہ یہ ہے:

 *اور ہم میں سے کچھ ایسے بھی (افراد) ہیں کہ خداوند تعالیٰ نے ان کے گدھے میں ایسی جان ڈال دی جیسا کہ ایک نبی کے گدھے میں ڈال دی گئی تھی حالانکہ اس گدھے کے ایک ایک عضو اور جوڑ سے جان نکل گئی تھی۔‘‘*

اس گدھے والے کا نام نباتہ بن یزید النخعی تھا۔


0 المصدر: البداية والنهاية

0 المصنف: ابن كثيرؒ 

0 المجلد: 6

0 الصفحة: 153

0 الطبع: مكتبة المعارف، بيروت، لبنان.


🔘 *من عاش بعد الموت* 🔘


امام ابن ابی الدنیا نے بھی مفصلا اس واقعے کو ذکر کیا ہے 

عبارت کی طولانی کے پیش نظر ہم فقط حوالہ درج کریں گے:


• المصدر: من عاش بعد الموت 

• المحدث: ابن ابي الدنياؒ

• الصفحة: 29

• الرقم: 29 

• الطبع: مؤسسة الكتب الثقافية، بيروت، لبنان.



❇️ *الإصابة في تمييز الصحابة* ❇️


حافظ الدنیا امام ابن حجر عسقلانی نے ان صاحب واقعہ جناب حضرت نباتہ بن یزیدؓ کی بابت صحابی ہونے کی تصریح کی ھے اور مذکورہ کرامت کا بھی ذکر فرمایا ہے: 



"نباتة بن يزيد النخعي" أدرك النبي صلى الله عليه و سلم، وغزا في خلافة عمر،

 ذكر أبو بكر بن دريد في الأخبار المنثورة من طريق ابن الكلبي عن أبيه عن مسلم بن عبد الله بن شريك النخعي وكان قد أدرك معاوية، قال كان فينا رجل يقال له نباتة بن يزيد النخعي، خرج في زمن عمر بن الخطاب غازيا في نفر من الحي حتى إذا كانوا بموضع- ذكره - نفق حماره، فوثب رجل من الحي، يقال له "علاق بن رهيل" - من النخع -فأخذ قلادته، فقالوا له: هل لك أن نحملك معنا؟ قال: لا! اذهبوا ودعوني! فلما أدبروا عنه، قام، فتوضأ ثم ركع ركعتين، ثم قال: اللهم انك تعلم أني أسلمت طائعا وقد خرجت مجاهدا، أريد وجهك فأحي لي حماري! ولا تجعل لأحد عليّ منة!  ثم سجد ورفع رأسه، فإذا هو بحماره قائم، فقام فأوكفه، ثم لحق بأصحابه.


« المصدر: الإصابة في تمييز الصحابة

« المحدث: ابن حجر العسقلانيؒ

« المجلد: 6

« الصفحة: 386

« الرقم: 8873

« الطبع: دار الكتب العلمية، بيروت، لبنان.



والله تعالي أعلم

✍🏻... كتبه: *محمد عدنان وقار صؔديقي*

13 فروري،؁ء 2024

Saturday, February 3, 2024

جب ایک صحابی کا پاؤں آپ ﷺ کے پاؤں پر آ گیا تو آپ ﷺ نے اسے ’چھڑی‘ مار دی! پھر کیا ہوا؟

 *جب ایک صحابی کا پاؤں آپ ﷺ کے پاؤں پر آگیا تو آپ ﷺ نے اسے ’چھڑی‘ مار دی! پھر کیا ہوا؟*



معروف مذہبی اسکالر مولانا طارق جمیل نے ایک اجتماع سے خطاب کرتے ہوئے ایمان افروز واقعہ سنایا۔ مولانا طارق جمیل نے کہا کہ جب حنین کی جنگ میں شکست ہوئی تو صحابہ بھاگنے لگے، ایک صحابی کا پاؤں بھاگتے ہوئے آپ ﷺ کے پاؤں پر آ گیا۔ صحابی کے پاؤں میں جنگ میں پہننے والا سخت جوتا تھا جو آپ ﷺ کے پاؤں پر پڑاتو آپ ﷺ نے صحابی کو ’چھڑی‘ مار دی اور صحابی سے کہا ’ارے! تم نے تو میرا پاؤں ہی مسل دیا‘ ۔ صحابہ اس وقت جان بچا کر بھاگ رہے تھے جب اس صحابی کے کان میں آواز پڑی تو وہ کہنے لگے کہ بس اب میری خیر نہیں، اب کوئی نہ کوئی وحی میرے بارے میں آئے گی کہ میں نے اللہ کے نبی ﷺ کو دکھ پہنچایا اور ان کے پاؤں پر پاؤں مار دیا، صحابی ساری رات نہ سو سکے اور سوچتے رہے کہ صبح میرے بارے میں وحی آئے گی ۔

 مولانا طارق جمیل نے بیان کرتے ہوئے کہا کہ صحابی بیان کرتے ہیں کہ صبح فجر کی نماز کے وقت اعلان ہو ا کہ جس کا پاؤں نبی ﷺ کے پاؤں پر پڑا تھا وہ دربار رسالت میں حاضر ہو ‘ صحابی نے کہا کہ میری ہائے نکلی اور کہنے لگا وہی کام ہوا جس کا مجھے ڈر تھا ، ضرور نبی ﷺ کے پاس میرے بارے میں کوئی بڑا حکم آیا ہوا ہوگا۔ صحابی جب دربار رسالت ﷺ میں حاضر ہوئے تو آپ ﷺ نے صحابی کو دیکھ کر مسکرائے اورفرمایا کہ ’’میرے بھائی! کل میں نے آپ کو چھڑی ماری تھی‘ اس پر معافی مانگنے کیلئے آپ کو بلایا ہے۔ یہ 60 ساٹھ اونٹنیاں میری طرف سے تحفے میں قبول کریں ، امید ہے اب آپ مجھے معاف فرما دیں گے‘‘۔

 مولانا طارق جمیل نے کہا کہ آپ ﷺ کی چھڑی صحابی کو اس جگہ لوہے کی ذرہ پر لگی جہاں تلوار اثر نہیں کرتی لیکن آپ ﷺ نے 60 اونٹیناں دیں اور معافی علیحدہ مانگی ‘ یہ آپ ﷺ کا حسن اخلاق، برداشت اور درگزر ہے۔ مولانا طارق جمیل نے کہا کہ میرے نبی ﷺ نے ہمیشہ معاف فرمانا اور درگزر کرنا نہیں بھولا۔



اس کی تحقیق درکار ہے!!!



••• *باسمہ تعالی* •••

*الجواب وبہ التوفیق:* 



اہل اسلام کو اول وہلہ میں غزوۂ حنین میں پسپائی ہوئی ضرور ؛ لیکن نتیجتا فتح اسلام کو ہوئی اور اسی طرح 60 اونٹنیوں کے بجائے 80 دنبیاں کا ذکر ہے ( *یہ واقعہ معتبر ہے* )



🔘 *سنن دارمی* 🔘



أخبرنا محمد بن أحمد بن أبي خلف، حدثنا عبد الرحمن بن محمد، عن محمد بن إسحاق،  حدثني عبد الله بن أبي بكر، عن رجل من العرب، قال: زحمت رسول الله صلى الله عليه وسلم يوم حنين، وفي رجلي نعل كثيفة، فوطئت بها على رجل رسول الله صلى الله عليه وسلم، فنفحني نفحة بسوط في يده، وقال: بسم الله أوجعتني؟ قال: فبت لنفسي لائما، أقول: أوجعت رسول الله صلى الله عليه وسلم قال: فبت بليلة كما يعلم الله، فلما أصبحنا إذا رجل يقول: أين فلان؟ قال: قلت: هذا والله الذي كان مني بالأمس، قال: فانطلقت وأنا متخوف، فقال لي رسول الله صلى الله عليه وسلم: إنك وطئت بنعلك على رجلي بالأمس، فأوجعتني، فنفحتك نفحة بالسوط، فهذه ثمانون نعجة فخذها بها.



★ المصدر: سنن الدارمي

★ الصفحة: 211

★ الرقم: 73

★ الطبع: دار المغني، الرياض، السعودية.



♦️ *السلسلة الصحيحة* ♦️



(إنَّكَ وَطِئْت بنَعْلِكَ على رِجْلي بالأمسِ فَأَوْجَعْتَنِي، فَنَفحْتُكَ بالسَّوْطِ؛ فهَذِهِ ثَمَانُونَ نَعْجَة ًفَخُذْها بِها) . 

‏‏‏‏_____________________ 

‏‏‏‏

‏‏‏‏أخرجه الدارمي (1/34- 35) من طريق محمد بن إسحاق: حدثني عبد الله 

‏‏‏‏ابن أبي بكر عن رجل من العرب قال: 

‏‏‏‏زحمت رسول الله - صلى الله عليه وسلم - يوم حنين، وفي رجلي نعل كثيفة، فوطئت على رجل رسول الله - صلى الله عليه وسلم - فنفحني نفحة بسوط في يده، وقال: 

‏‏‏‏((بسم الله، أوجعتني)) . 

‏‏‏‏قال: فبت لنفسي لائماً أقول: أوجعت رسول الله - صلى الله عليه وسلم -، فبت بليلة كما يعلم الله، فلما أصبحنا إذا رجل يقول: أين فلان؟ قال: قلت: هذا والله الذي كان مني بالأمس. قال: فانطلقت وأنا متخوف، فقال لي رسول الله - صلى الله عليه وسلم - ... فذكره. 


‏‏‏‏قلت: وهذا إسناد جيد، رجاله كلهم ثقات رجال مسلم؛ إلا أنه إنما أخرج لابن إسحاق متابعة، ولكنه قد صرح بالتحديث؛ فأمنا بذلك تدليسه، فهو حجة؛ ولا سيما في السيرة النبوية. 



ترجمة:


عبداللہ بن ابوبکر، ایک عربی صحابي سے روایت کرتے ہیں، وہ کہتے ہیں: حنین والے دن میں رسول اللہ  صلی اللہ علیہ وسلم  سے ٹکرا گیا اور میرے پاؤں میں کوئی بھاری جوتا تھا، میں نے تو رسول اللہ صلی اللہ علیہ وسلم  کا  پاؤں روند دیا۔ آپ کے ہاتھ میں کوڑا تھا۔ آپ نے اس کے ساتھ مجھے چونکا دیا اور فرمایا: «بسم الله»، ‏‏‏‏ تو نے مجھے تکلیف دی۔“ اس نے کہا: میں نے اپنے نفس کو  ملامت کرتے ہوئے رات گزاری اور میں یہی کہتا رہا کہ میں نے رسول اللہ صلی اللہ علیہ وسلم  کو تکلیف دی ہے اور اللہ جانتا ہے کہ میں نے (‏‏‏‏بڑی بےچینی سے) رات  گزاری۔ جب صبح ہوئی تو ایک آدمی کہہ رہا تھا: فلاں شخص کہاں ہے۔ میں نے کہا: اللہ کی قسم! (‏‏‏‏یہ اعلان) اسی چیز کے بارے میں ہے جو کل مجھ سے (‏‏‏‏سرزد) ہوئی تھی۔ میں چل تو پڑا لیکن سہما ہوا تھا، (‏‏‏‏جب ملاقات ہوئی تو) رسول اللہ صلی اللہ علیہ وسلم  نے مجھے فرمایا: ”تو نے کل اپنے جوتے سے میرا پاؤں روندا تھا اور مجھے تکلیف دی تھی اور میں نے پھر کوڑے کے ساتھ تجھے چونکا دیا تھا، (‏‏‏‏لو) یہ اسی 80 دنبیاں، اس کوڑے کے عوض لے لو۔“



※ المصدر: السلسلة الصحيحة

※ المحدث: الإمام الألباني

※ المجلد: 7

※ الصفحة: 93

※ الرقم: 3043

※ الطبع: مكتبة المعارف، الرياض، السعودية.



والله تعالي اعلم

✍🏻... كتبه: *محمد عدنان وقار صديقي*

Friday, September 3, 2021

غرباء و فقراء کی رعایت

▪️ *غرباء و فقراء کی رعایت* ▪️

 ایک روایت بیان کی جاتی ھے: کہ سیدنا عمر فاروق اعظمؓ حضرت زبیر بن عوامؓ کے ذبیحہ خانے آتے تھے اور اس وقت مدینہ منورہ میں بس یہی ایک ذبیحہ خانہ تہا , آپؓ کے پاس درہ ہوتا تہا اگر آپؓ کسی آدمی کو مسلسل دو دن گوشت خریدتا دیکہتے تو اسے درے لگاتے اور کہتے: کیا تم اپنے پیٹ کو اپنے پڑوسی اور کسی چچازاد بہائی ( غریب مسلمان ) کی خاطر سمیٹ نہیں سکتے؟

 اس روایت کی تحقیق مطلوب ھے:

 ••• *باسمہ تعالی* ••• 
*الجواب وبہ التوفیق:*  

یہ
 روایت متعدد کتب میں ھے اور امام علامہ ابن الجوزیؒ نے  "مناقب امیر المومنینؓ" میں ذکر کی ھے: 

 ☪️ عن ابن عمر قال: كان عمر يأتي مجزرة الزبير بن العوام، بالبقيع، ولم يكن بالمدينة مجزرة غيرها، فيأتي ومعه بالدّرة، فإذا رأي رجلا اشتري لحما يومين متتابعين، ضربه بالدرة، وقال: 《 ألا طويت بطنك يومين 》. 
 ٭ المصدر: مناقب امير المومنين عمر بن الخطابؓ  
٭ المؤلف: الإمام ابن الجوزيةؒ 
٭ الصفحة: 79 
٭ الطبع: دار ابن خلدونؒ، إسكندرية، مصر.

 💟 *تهذيب الآثار* 💟 

 امام ابن جرير طؔبریؒ نے تہذیب الآثار میں اس طرح کی روایت نقل کی ھے:

   حَدَّثَنَا يُونُسُ بْنُ عَبْدِ الْأَعْلَى ، أَنْبَأَنَا ابْنُ وَهْبٍ ، حَدَّثَنِي عَبْدُ اللَّهِ بْنُ عُمَرَ ، عَنْ وَهْبِ بْنِ كَيْسَانَ ، عَنْ جَابِرِ بْنِ عَبْدِ اللَّهِ ، قَالَ : لَقِيَنِي عُمَرُ بْنُ الْخَطَّابِ وَمَعِي لَحْمٌ اشْتَرَيْتُهُ بِدِرْهَمٍ ، فَقَالَ : مَا هَذَا ؟ فَقُلْتُ : يَا أَمِيرَ الْمُؤْمِنِينَ ، اشْتَرَيْتُهُ لِلصِّبْيَانِ وَالنِّسَاءِ فَقَالَ عُمَرُ : لَا يَشْتَهِي أَحَدُكُمْ شَيْئًا إِلَّا وَقَعَ فِيهِ ، مَرَّتَيْنِ أَوْ ثَلَاثًا ، ثُمَّ قَالَ : لَوْلَا يَطْوِي أَحَدُكُمْ بَطْنَهُ لِجَارِهِ وَابْنِ عَمِّهِ ؟ ثُمَّ قَالَ : أَيْنَ تَذْهَبُ عَنْكُمْ هَذِهِ الْآيَةُ : { أَذْهَبْتُمْ طَيِّبَاتِكُمْ فِي حَيَاتِكُمُ الدُّنْيَا وَاسْتَمْتَعْتُمْ بِهَا } ؟ 

 ( المصدر: تهذيب الآثار 
( المحدث: أبوجعفر ابن جرير الطبريؒ 
( المجلد: 2 
( الصفحة: 718 
( الرقم: 1038 
( الطبع: مطبعة المدني، المؤسسة السعودية، القاهرة، مصر.


 🔖 *مسند الفاروقؓ* 🔖

 امام حؔافظ ابن کثیرؒ نے " مسند فاروق" میں یہ روایت ذکر کی ھے اور محشی مؔحقق امام بن علی بن امام نے اس روایت كي سند کو ضعیف لکہا ھے: 

 قال ابن ابى الدنيا: حدثنا اسماعيل بن ابى الحارث، حدثنا يحيى بن اسماعيل، حدثنا عبد الله بن جعفر، عن عبد الله بن دينار، عن ابن عمر، قال: كان عمر رضى الله عنه ياتى مجزرة الزبير بن العوام بالبقيع، ولم يكن بالمدينة مجزرة غيرها، فيأتى معه بالدرة، فاذا راى رجلا اشترى لحما يومين متتابعين، ضربه بالدرة،وقال: الا طويت بطنك لجارك وابن عمك.

 ٭ المصدر: مسند الفاروقؓ 
٭ المحدث: الحافظ ابن كثير الدمشقيؒ 
 ٭ المحقق: إمام بن علي بن إمام 
٭ المجلد: 1 
٭ الصفحة: 397 
٭ الرقم: 252 
٭ الطبع: دار الفلاح للبحث العلمي وتحقيق التراث، الفيُّوم، مصر.

  🕯️ *خلاصۂ کلام* 🕯️

 یہ بات کہ حضرت عمرؓ مسلسل دو دن گوشت کے خریدار کو سرزنش فرماتے تھے درست بات ھے ؛ لیکن اس کی وجہ یہ تھی کہ اس وقت مدینہ میں ایک ہی گوشت کی دوکان تہی اور گوشت کم تہا , سارے اہل مدینہ کو کفایت نہ کرتا تہا تو یہ آپؓ کی حسن تدابیر میں سے ھے کہ آپ نے گوشت کی پورتی کیلیے یہ طریقہ اختیار کیا کہ ایک ہی شخص لگاتار دو دن گوشت کی خریداری نہ کرے دیگر لوگوں کا بھی خیال رکھے۔ 

 وﷲ تعالی اعلم

 ✍🏻... کتبہ: *محمد عدنان وقار صؔدیقی*

 3ستمبر، 2021؁ء

Friday, July 30, 2021

امام ابو یوسف کو فقاہت کی سند بزبان امام اعظم

 ✦ *امام ابویوسفؒ کو فقاہت کی سند بزبان امام اعظمؒ*✦


  ایک واقعہ بکثرت دوران درس( زمانہ تعلیم میں ) سننے کو ملا کہ ایک مرتبہ حضرت امام ابو حنیفہ نے اپنے ہونہار شاگرد قاضی ابویوسف کو کسی نماز کی امامت کیلیے آگے بڑھایا تو غالبا امام اعظم کو سفر در پیش تہا یا کوئی اور مسئلہ تہا تو امام ابویوسف نے وہ نماز بہت ہی اختصار کے ساتھ یعنی ترکِ واجب و سنن کے ساتھ ادا کرادی اور پھر بھی امام اعظم نے ان کو شاباشی دی یہاں تک کہ انکو فقیہ کا خطاب عطا فرمادیا۔


قابل استفسار بات یہ ھے کہ جب نماز میں واجب و سنن کی رعایت بہی نہ تہی تو امام اعظم نے اس بات کو سراہا کس وجہ سے تہا؟



••• *باسمہ تعالی* •••

*الجواب وبہ التوفیق:* 


   یہ واقعہ امام طحطاوی نے در مختار کے حاشیے میں ذکر کیا ھے: تفصیل اسکی یہ ھے کہ سورہ فاتحہ کا پڑھنا نماز میں واجب ھے اور کسی سورت کی قرات یا ماتیسر من القرآن بہی ضروری ھے البتہ ضرورت حال کے وقت اسی کے مناسب قرات یعنی طوال مفصل کی رعایت نہ ہو تو اختصارا بہی قرات کرکے نماز مکمل کی جاسکتی ھے۔ تو ایک مرتبہ فجر کا وقت بہت تنگ  باقی رہ گیا تہا امام ابویوسف نے جلدی جلدی نماز پڑھاکر مکمل کرادی تب ان کی بصیرت علمی دیکھ کر امام اعظم نے ان کو شاباشی دی کہ آپ تو ماشاءﷲ فقیہ ہوگئے ہو۔ کہ آپ نے موقع محل کی رعایت کی۔


 

 💎 *حاشية الطحطاوي* 💎


وقد ورد: أن أبا يوسف أم الإمام في صلاة الصبح، وكان الوقت ضيقا، فقرأ بآية من الفاتحة في كل ركعة، فلما تمت الصلاة، قال الإمام: صار يعقوبنا فقيها.


٭ المصدر: حاشية الطحطاوي علي الدر المختار

٭ المصنف: العلامة الطحطاوي

٭ المجلد: 2

٭ الصفحة: 235

٭ الطبع: دار الكتب العلمية، بيروت، لبنان.



▫️ *مزید وضاحت* ▫️


  اگر فجر کا وقت تنگ ہو اور نمازی کو لگتا ھے کہ مجھے وقت کے اندر اندر مکمل نماز نہیں ملیگی تو بہی ایسا شخص نماز ترک نہ کرے بل کہ ایسے شخص کو چاہئے فضیلت وقتی کے حصول کیلیے نماز پڑھے اور یہ کوشش کرنی چاہئے کہ وہ اسی ایک رکعت کے بقدر وقت میں آداب و سنن کو چھوڑ کر پوری نماز ادا کرلے جیساکہ امام ابوحنیفہ کے بارے میں آتا ھے کہ ایک مرتبہ فجر کی نماز میں یہ صورت پیش آگئ کہ وقت بہت تنگ رہ گیا تو انہوں نے قاضی ابویوسف کو امام بنایا اور قاضی ابویوسف نے اسی تنگ وقت میں فجر کی دونوں رکعتیں پڑھادیں اس پر امام اعظم نے قاضی ابویوسف کی حوصلہ افزائی کی اور فرمایا: صار یعقوبنا فقیہا( ہمار یعقوب فقیہ ہوگئے) ظاہر ھے جلدی میں پڑھی گئ اس نماز میں اگر کچھ ایسی چیزیں ترک کرنا پڑی ہوں جن کے سبب نماز کا اعادہ ضروری ہو تو اعادہ بہی کیا ہوگا؛ لیکن وقت کی فضیلت حاصل کرنے کیلیے یہ صورت اختیار کی گئ ۔


• نام کتاب: ایضاح البخاری

• نام مرتب: مولانا ریاست علی بجنوریؒ 

• جلد: 3

• صفحہ: 503

• طبع : مکتبہ مجلس قاسم المعارف, دیوبند, 



نوٹ) قاضی ابویوسفؒ کے پیش نظر حدیث مبارک "من ادرك من الصبح ركعة، فقد قبل ان تطلع الشمس، فقد أدرك الصبح. الخ تهي. اس وجہ سے امام اعظمؒ نے ان کو سراہا اور خطاب سے نوازا۔( راقم )


 وﷲ تعالی اعلم

✍🏻...کتبہ: *محمد عدنان وقار صؔدیقی*

۳۰ جولائی، ۲۰۲۱ ؁ء

Sunday, July 18, 2021

فرزند عثمان غنی

 ✦ *نواسۂ رسولؐ فرزندِ عثمان غنیؓ*✦


 سوال یہ ھے: کہ حضرت عثمان غنیؓ کے بیٹے عبد ﷲؓ کی وفات کس طرح ہوئی؟ 




▪️ *باسمہ تعالی* ▪️

*الجواب وبہ التوفیق:* 


  حضرت رقیہؓ بنت رسول کے بطن سے حضرت عثمان غنیؓ کے مقام حبشہ میں دو بچے ہوئے: ایک بچہ ناتمام پیدا ہوا تہا پھر اسکے بعد ایک فرزند مولود ہوئے جنکا نام ٭عبد ﷲ٭ رکھا گیا , اسی نام کی نسبت سے حضرت عثمان غنیؓ کی کنیت " ابو عبد ﷲ" مشہور ہوئی, اہل سیر لکہتے ہیں کہ عبد ﷲ جب قریبا چھ برس کی عمر کو پہونچے تو ان کی آنکھ میں ایک مرغ نے ٹھونگ لگاکر زخم کردیا تہا, جسکی وجہ سے ان کا چہرہ متورم ہوگیا, پھر وہ ٹھیک نہ ہوسکا, اسی حالت میں وہ انتقال کرگئے,ان کے بعد حضرت رقیہؓ سے کوئی اولاد نہ ہوئی۔


🔖 *تفسیر قرطبی* 🔖


وَهَاجَرَتْ مَعَهُ إِلَى أَرْضِ الْحَبَشَةِ الْهِجْرَتَيْنِ، وَكَانَتْ قَدْ أَسْقَطَتْ مِنْ عُثْمَانَ سَقْطًا، ثُمَّ وَلَدَتْ بَعْدَ ذَلِكَ عَبْدَ اللَّهِ، وَكَانَ عُثْمَانُ يُكْنَى بِهِ فِي الْإِسْلَامِ، وَبَلَغَ سِتَّ سِنِينَ فَنَقَرَهُ دِيكٌ فِي وَجْهِهِ فَمَاتَ، وَلَمْ تَلِدْ لَهُ شَيْئًا بَعْدَ ذَلِكَ. 


• المصدر: تفسير القرطبي

• المجلد: 17

• الصفحة: 229

• الطبع: مؤسسة الرسالة، بيروت، لبنان.



🕯️ *أُسد الغابة* 🕯️


اؔمام «ابن اثیر» نے بھی حضرت رقیہؓ کے سوانحی خاکے میں یہ بات لکھی ھے: کہ ٤؁ھ جمادی الاولی میں  ننہے " عبد ﷲ" کی وفات ہوئی اور وفات کا سبب مرغ کی ٹھونگ سے آنکھ کا زخمی ہونا تہا, ان کا جنازہ انکے نانا جان جناب محمد عربی صلی ﷲ علیہ وسلم نے پڑھایا اور قبر میں ان کے والد ؔداماد رسول حضرت عثمان غنیؓ اترے تھے۔



۞ فتزوج عثمان بن عفان رقية بمكة، وهاجرت معه إلي الحبشة، وولدت له هناك ولدا، فسماه عبد الله، وكان عثمان يكني به، فبلغ الغلام ست سنين، فنقر عينَه ديكٌ، فورم وجهه، ومرض ومات، وكان موته في "جمادي الأولي " سنة "أربع "وصلي عليه رسول الله، ونزل أبوه عثمان في حفرته. 



٭ المصدر: أسد الغابة 

٭ المؤلف: الإمام ابن الأثيرؒ

٭ الصفحة: 1518

٭ الرقم: 6932

٭ الطبع: دار ابن حزمؒ، بيروت، لبنان.


والله تعالي أعلم

✍🏻... كتبه: *محمد عدنان وقار صؔديقي* 

18 جولائي، 2021

Tuesday, March 16, 2021

حیرت انگیز ایمان افروز واقعہ

 ▪️ *حیرت انگیز ایمان افروز واقعہ*▪️


حضرت سیدنا زید بن اسلم رضی اللہ تعالیٰ عنہ فرماتے ہیں: میرے والد نے بتایا کہ ایک مرتبہ حضرت عمر بن خطاب رضی اللہ  عنہ لوگوں کے درمیان جلوہ فرما تھے، کہ اچانک ہمارے قریب سے ایک شخص گزرا جس نے اپنے بچے کو کندھوں پر بٹھا رکھا تھا۔ حضرت عمر بن خطاب رضی اللہ عنہ نے جب ان باپ بیٹے کو دیکھا تو فرمایا : ''جتنی مشابہت ان دونوں میں پائی جا رہی ہے میں نے آج تک ایسی مشابہت اور کسی میں نہیں دیکھی۔''

یہ سن کر اس شخص نے عرض کیا، امیر المؤمنین ! میرے اس بچے کا واقعہ بہت عجیب و غریب ہے۔ اس کی ماں کے فوت ہونے کے بعد اس کی ولادت ہوئی ہے۔'' یہ سن کر آپ رضی اللہ عنہ نے فرمایا: ''پورا واقعہ بیان کرو۔'' وہ شخص عرض کرنے لگا: ''اے امیر المؤمنین ! میں جہاد کے لئے جانے لگا تو اس کی والدہ حاملہ تھی، میں نے جاتے وقت دعا کی :''اے اللہ! میری زوجہ کے پیٹ میں جو حمل ہے میں اُسے تیرے حوالے کرتا ہوں، تُو ہی اس کی حفاظت فرمانا۔ ''یہ دعا کرکے میں جہاد کے لئے روانہ ہو گیا۔ جب میں واپس آیا تو مجھے بتایا گیا کہ میری زوجہ کا انتقال ہو گیا ہے، مجھے بہت افسوس ہوا۔ ایک رات میں نے اپنے چچا زاد بھائی سے کہا، ''مجھے میری بیوی کی قبر پر لے چلو۔'' چنانچہ ہم جنت البقیع میں پہنچے اور اس نے میری بیوی کی قبر کی نشاندہی کی۔ جب ہم وہاں پہنچے تو دیکھا کہ قبر سے روشنی کی کرنیں باہر آ رہی ہیں۔ میں نے اپنے چچا زاد بھائی سے کہا، ''یہ روشنی کیسی ہے؟'' اس نے جواب دیا: ''اس قبر سے ہر رات اسی طر ح روشنی ظاہر ہوتی ہے، نہ جانے اس میں کیا راز ہے؟'' جب میں نے یہ سنا تو ارادہ کیا کہ میں ضرور اس قبر کو کھود کر دیکھوں گا ۔''چنانچہ میں نے پھاؤڑا منگوایا ابھی قبر کھودنے کا ارادہ ہی کیا تھا کہ قبر خود بخود کھل گئی۔ جب میں نے اس میں جھانکا تو اللہ کی قدرت کا کرشمہ نظر آیا کہ یہ میرا بچہ اپنی ماں کی گود میں بیٹھا کھیل رہا تھا، جب میں قبر میں اُترا تو کسی ندا دینے والے نے ندا دی، ''تُو نے جو امانت اللہ کے پاس رکھی تھی  وہ تجھے واپس کی جاتی ہے، جا! اپنے بچے کو لے جا، اگر تُو اس کی ماں کو بھی اللہ کے سپرد کر جاتا تو اسے بھی صحیح و سلامت پاتا ۔'' پس میں نے اپنے بچے کو اٹھایا اور قبر سے باہر نکالا۔ جیسے ہی میں قبر سے باہر نکلا قبر پہلے کی طرح دوبارہ بند ہوگئی۔


صحابی رسول  نے اپنا بیٹا الله کے سپرد کیا تو اللّٰہ نے بھی اسے قبر میں زندہ رکھا۔


*اے اللہ!* ہم بھی اپنا ایمان تیرے سپرد کرتے ہیں، تو ہمارے ایمان کی حفاظت فرمانا اور ہمارا خاتمہ بالخیر فرمانا ۔۔۔


(عُیُوْنُ الْحِکَایَات، علامہ ابن جوزی (رحمہ اللہ)  المتوفیٰ 597 ھ)



اس واقعے کی حقیقت بیان کریں!!!




••• *باسمہ تعالی* •••

*الجواب وبہ التوفیق:* 


  یہ واقعہ متعدد کتب میں منقول ھے ہم سرِ دست امام ابن ابی الدنیا کی کتاب " کتاب القبور" کا حوالہ ذکر کررھے ہیں: 



🔸 *کتاب القبور* 🔸


حدثني محمد بن الحسين ثنا عبيد بن إسحاق الضبي ثنا عاصم بن محمد العمري عن زيد بن أسلم عن أبيه قال : بينما عمر بن الخطاب إذ مرَّ به رجل معه ابن له علي عاتقه، فقال عمر: ما رأيت غرابا أشبه بغراب من هذا بهذا، فقال: أما والله يا أمير المومنين! لقد ولدته أمه وهي ميتتة، فقال: ويحك، وكيف ذلك؟ قال: خرجت في بعث كذا وكذا، وتركتها حاملا به، فقلت: استودع الله ما في بطنك، فلما قدمت من سفري، أخبرت أنها قد ماتت، فبينا انا ذلك ليلة قاعد في البقيع مع ابن عم لي، إذ نظرت الي ضوء شبه السراج في المقابر، فقلت لبني عمِّي: ما هذا؟ قالوا: لاندري، غير انا نري هذا الضوء كل ليلة عند قبر فلانة، قال: فاخذت معي فأساً، ثم انطلقت نحو القبر، فإذا القبر منفرج، وإذا هو في حجر أمه، فناداني مناد، أيها المستودع ربه! خذ وديعتك، أما لو استودعتَ أمه لوجدتها،قال: فأخذتُ الصبي، وانضم القبر. 



🔰 اس حکایت کے تحت محقق " طارق محمد العمودی" نے لکھا: 


الحكاية في درجة القبول ـ إن شاء الله ـ یہ واقعہ مقبول ھے۔


• المصدر: القبور

• المؤلف: ابن ابي الدنياؒ

• الصفحة: 125

• الرقم: 135

• الطبع: مكتبة الغرباء الأثرية، المدينة المنورة، السعودية.



والله تعالي اعلم

✍🏻... كتبه: *محمد عدنان وقار صؔديقي*

16مارچ،2021؁ء

Monday, February 8, 2021

اونٹ خریدنے کا واقعہ

 ▪️ *اونٹ خریدنے کا واقعہ* ▪️


 رضاخانی مشہور واعظ " ثاقب رضا مصطفائی " بیان کرتے ہیں


ایک دن حضور اکرم  سیر کرتے کرتے مدینہ منورہ سے باہر کسی چراگاہ میں تشریف لے گئے، وہاں کسی قافلے نے پڑاؤ کیا ہوا تھا، اس جگہ قافلے والوں کے سرخ رنگ کے کچھ اونٹ چر رہے تھے، ان اونٹوں میں سے ایک اونٹ حضور نبی کریم صلی الله علیہ وآله واصحابہ وسلم کو پسند آگیا، اس اونٹ کے نصیب کہ وہ حضور نبی کریم صلی الله علیہ وسلم کو پسند آگیا، حضور نبی کریم صلی الله علیہ وسلم نے قافلے والوں سے پوچھا کہ یہ اونٹ بیچتے ہو؟ قافلے والوں نے پتہ نہیں اونٹ بیچنا تھا یا نہیں، مگر حضور نبی کریم صلی الله علیہ وسلم کے پوچھنے پر قافلے والوں نے کہا: جی بیچنا ہے، پوچھا گیا کتنےکا بیچنا ہے؟ کہا گیا: اتنے کا بیچنا ہے، سودا طے ہونے لگا، حضور نبی کریم صلی الله علیہ وسلم نے فرمایا: ٹھیک ہے میں اس اونٹ کو خریدتا ہوں، اونٹ کی قیمت تو طے ہو چکی ہے، بات یہ ہے کہ میں گھر سے اونٹ خریدنے کی نیت سے تو نکلا نہیں تھا، یہ تو سیر کے لئے چلتے چلتے یہاں آ پہنچا اور مجھے اونٹ پسند آگیا، قیمت تو ساتھ لے کر نکلا نہیں، اس لئے ابھی اونٹ کی قیمت ادا کرنے کے لئے میرے پاس تو کچھ نہیں ہے، ہاں میں واپس جا کر اس اونٹ کی قیمت آپ کو بھیج دیتا ہوں، قافلے والوں نے کہا: ہمیں منظور ہے، قافلے والے کافی دیر حضور نبی کریم صلی الله علیہ وآلہ واصحابہ وسلم کو دیکھتے رہے، حضور نبی کریم صلی الله علیہ وآلہ واصحابہ وسلم نے اونٹ پکڑا اور واپس مدینہ منورہ کی طرف چل دیئے،  قافلے والے حضور نبی کریم صلی الله علیہ وآلہ واصحابہ وسلم کے چلنے کی رفتار کے حسن میں کھو گئے، جب حضور نبی کریم صلی الله علیہ وسلم نظروں سے اوجھل ہو گئے تو قافلے والے اپنے دلوں پر ہاتھ رکھ کر کھڑے ہو گئے، تھوڑی دیر بعد جب وہ سکتے کی حالت سے باہر آئے تو ایک دوسرے سے پوچھنے لگے: یار یہ جو شخص ہم سے اونٹ لے کر چلا گیا کوئی جانتا ہے یہ کون تھا؟ کسی نے اس شخص کا پتہ بھی پوچھا تھا کہاں سے آیا اور وہ کہاں گیا؟ وہاں پر موجود افراد نے کہا: نہیں، ہم میں سے کوئی نہیں جانتا وہ شخص کون تھا، کہاں سے آیا اور اونٹ لے کر کہاں گیا ہے، اونٹ کا مالک بولا: یار یہ تو عجیب کہانی ہے، ایک شخص نے یہاں اونٹ کو پسند کیا، اس کی قیمت طے کی اور یہ بتا کر کہ میں اس کی قیمت واپس جا کر بھیج دیتا ہوں اونٹ لے کر چلا گیا، ہم میں سے کسی کو اپنا پتہ بھی نہیں بتایا نہ اپنی کوئی چیز ہمارے پاس گروی رکھی نہ ہی یہاں کسی کو اپنا ضامن رکھ کر گیا ہے، جب یہ باتیں ہو رہی تھیں تو قافلے والوں میں سے ایک شخص بولا: یار وہ شخص جب بول رہا تھا تو اس کے منہ سے نور جھڑکتا تھا، میں تو اس کے چہرے کی طرف ہی دیکھتا رہ گیا، پھر دوسرا شخص بھی بول اٹھا: ہاں یار جب وہ شخص مسکرا کر بات کر رہا تھا میں تو اس کے مسکرانے کے انداز میں ہی کھو کر رہ گیا، ایک اور شخص نے کہا: یار میں تو اس شخص کی زلفوں کے پیچ و خم میں ہی کھو گیا، ایک کہنے لگا کہ میں تو اس شخص کی آنکھوں میں ہی ڈوب کر رہ گیا..                      

قافلے میں موجود ہر شخص کی زبان پر بس ایک ہی بات تھی یار ہم تو اس شخص کے حسن میں اس طرح کھوۓ کہ کسی کو اس کا پتہ پوچھنا ہی یاد نہ رہا.

اونٹ کے مالک نے کہا: اب جو بھی ہوا سو ہوا، وہ شخص ہم سب کو اپنے حسن کا جادو دکھا کر ہمارا قیمتی اونٹ ہتھیا کر چلا گیا، اب وہ واپس نہیں آئےگا، جب اس شخص کی زبان سے یہ لفظ نکلا کہ وہ ہم سے ہمارا قیمتی اونٹ ہتھیا کر چلا گیا، تو اب تک خاموش بیٹھی قافلے کے سردار کی بیوی نے اپنے خیمے کا پردہ سرکایا اور اس (جملے کو کہنے والے) شخص کو مخاطب کرتے ہوئے کہا: سنو اگر وہ شخص تمہیں تمہارے قیمتی اونٹ کی قیمت دینے نہ آیا تو میں اس کی ضامن ہوں، میں تمہیں اس اونٹ کی قیمت ادا کروں گی، اونٹ کا مالک بولا: اچھا تو آپ اس شخص کو جانتی ہیں؟ وہ عورت بولی: والله جانتی تو میں بھی اس شخص کو نہیں ہوں، پھر قافلے سے کوئی بولا: آپ جانتی نہیں تو اس کی ضمانت کیسے دے رہی ہیں؟ اس عورت نے کہا: جب آپ سب لوگ اس شخص سے اونٹ کا سودا طے کر رہے تھے تو اپنے خیمے کی اوڑھ سے میں نے اس شخص کا چہرہ دیکھا تھا بس میں نے اس کی ضمانت اسی لئے دی ہے کہ جس کا چہرہ اتنا سوہنا ہو وہ جھوٹا ہو ہی نہیں سکتا، اس بات کو ابھی تھوڑی ہی دیر گذری تھی کہ ایک شخص قافلے والوں کے پاس آیا اور ان کو مخاطب کرتے ہوئے بولا: یہ لو کھجوریں رسول الله صلی الله علیہ وسلم نے یہ کھجوریں آپ قافلے والوں کی ضیافت کے لئے بھیجی ہیں، ان کجھوروں سے اپنے اونٹ کی قیمت پوری کر لو، قافلے والوں نے کھجوریں نظرانہ لے کر آنے والے شخص کی بات سن کر کہا: ہم اونٹ کی قیمت کیا لیں گے، ہم تو خود اس کی اداؤں کے سامنے بک گئے ہیں.

قافلے والوں نے کجھوریں لانے والے شخص سے پوچھا: ہمیں یہ بتاؤ کہ وہ حسیں حسن والا سوہنا شخص رہتا کہاں ہے؟ اس شخص نے کہا: وہ جو سامنے نخلستان نظر آرہا ہے وہ جو کھجوروں کے جھنڈ دکھائی دے رہے ہیں وہی ڈیرہ ہے اس مدینے والے مدنی ماہی کا، اس کے بعد وہ پورا کا پورا قافلہ مدینہ منورہ میں حضور نبی کریم صلی الله علیہ وآله واصحابہ وسلم کی بارگاہ اقدس میں حاضر ہوا اور حضور نبی کریم صلی الله علیہ وآله واصحابہ وسلم کے ہاتھوں میں ہاتھ دے کر اسلام قبول کر لیا.


*کیا یہ پورا واقعہ درست ہے؟*


••• *باسمہ تعالی* •••

*الجواب وبہ التوفیق:* 


   جی یہ واقعہ متعدد کتب میں محدثین نے ذکر کیا ھے, چند حوالہ جات ملاحظہ ہوں: 


🔳 *المواهب اللدنية* 🔳



 وفد طارق بن عبد الله وقومه, روى البيهي عن جامع بن شداد قال: حدَّثني رجل يقال له طارق بن عبد الله قال: إني لقائم بسوق ذي المجاز إذ أقبل رجل وهو يقول: أيها الناس, قولوا لا إله إلا الله تفلحوا، ورجَّع يتبعه يرميه بالحجارة يقول: يا أيها الناس, إنه كذاب فلا تصدقوه، فقلت من هذا؟ فقالوا: هذا غلام من بني هاشم يزعم أنه رسول الله. قلت: من ذا الذي يفعل هذا؟ قالوا: عمه عبد العزّى.

 قال: فيما أسلم الناس وهاجروا، خرجنا من الربذة نريد المدينة نمتار من تمرها، فلمَّا دنونا من حيطانها ونخلها قلنا: لو نزلنا فلبسنا ثيابًا غير هذه، فإذا رجل في طمرين له فسلم, وقال: من أين أقبل القوم؟ قلنا: من الربذة، قال: وأين تريدون؟ قلنا: نريد المدينة، قال: ما حاجتكم فيها؟ قلنا: نمتار من تمرها، قال: ومعنا ظعينة لنا، ومعنا جمل أحمر مخطوم، فقال: "أتبيعون جملكم هذا"؟ قالوا: نعم, بكذا وكذا صاعًا من تمر، فأخذ بخطام الجمل فانطلق، فلمَّا توارى عنَّا بحيطان المدينة ونخلها قلنا: ما صنعنا، والله ما بعنا جملنا ممن نعرف, ولا أخذنا له ثمنًا. قال: تقول المرأة التي معنا: والله لقد رأيت رجلًا كأنَّ وجهه قطعة القمر ليلة البدر، أنا ضامنة لثمن جملكم, وفي رواية ابن إسحاق: قالت الظعينة: فلا تلاوموا، لقد رأيت وجه رجل لا يغدر بكم، ما رأيت شيئًا أشبه بالقمر ليلة البدر من وجهه؛ إذ أقبل رجل فقال: أنا رسول رسول الله -صلى الله عليه وسلم- إليكم، هذا تمركم, فكلوا واشبعوا واكتالوا، واستوفوا، فاكلنا حتي شبعنا، واكتلنا واستوفينا، ثم دخلنا المدينة، فلما دخلنا المسجد، إذا هو قائم علي المنبر، يخطب الناس، فأدركنا من خطبته وهو يقول: تصدقوا فان الصدقة خير لكم، اليد العليا خير من اليد السفلي.



٭ المصدر: المواهب اللدنية 

٭ المحدث: العلامة احمد القسطلاني

٭ المجلد: 2

٭ الصفحة: 199

٭ الطبع: المكتب الإسلامي، بيروت، لبنان.


🔆 *البداية والنهاية* 🔆


  امام ابن کثیر دمشقی نے بھی یہ واقعہ تاریخ ابن کثیر میں ذکر فرمایا ھے اور الفاظ وہی ہیں جو المواہب اللدنیہ میں بحوالہ بیہقی مذکور ہیں: 


٭ المصدر: البداية والنهاية 

٭ المجلد: 7

٭ الصفحة: 346

٭ الطبع: دار هجر للطباعة والنشر، جيزة، مصر.


✴️ *صحيح السيرة النبوية* ✴️


شیخ ابراھیم العلی نے سیرت کے متعلق ایک کتاب تالیف کی ھے جس میں انہوں نے التزام فرمایا ھے کہ وہ سیرت کے متعلق فقط روایات صحیحہ ذکر کریں گے ,ضعیف , من گھڑت اور دیگر خرافاتی روایات سے کتاب کو دور رکھیں گے , موصوف نے اس کتاب میں یہ واقعہ ذکر کیا ھے: 



∅ المصدر: صحيح السيرة النبوية

∅ المؤلف: إبراهيم العَلي

∅ الصفحة: 515

∅ الرقم: 802

∅ الطبع: دار النفائس، الأُرْدن.


🔮 *دلائل النبوة*🔮


  امام بیہقی نے دلائل النبوہ میں یہ واقعہ سندا ذکر کیا ھے, یہ وہی کتاب ھے جس کے حوالے سے علامہ قسطلانی نے المواھب اللدنیہ میں اور امام حافظ ابن کثیر نے تاریخ ابن کثیر میں بیان کیا ھے: 


أخبرنا أبو الحسين بن الفضل القطان، أنبأنا اسماعيل بن محمد الصَّفَّار، حدثنا محمد بن الجهم، حدثنا جعفر بن عون، حدثنا ابو جناب الكلبي، حدثنا جامع بن شداد المحاربي، قال: حدثنا رجل رجل من قومه يقال له "طارق بن عبد الله " الخ...


٭ المصدر: دلائل النبوة 

٭ المحدث: ابوبكر البيهقي 

٭ المجلد: 5

٭ الصفحة: 380

٭ الطبع: دار الكتب العلمية، بيروت، لبنان.


💎 *زاد المعاد* 💎


    امام ابن القیم الجوزی بہی اس کو ذکر کرنے والوں میں سے ہیں , اسکا ذکر انہوں نے " زاد المعاد" میں کیا ھے: 



• المصدر: زاد المعاد 

• المحدث: ابن القيم 

• الصفحة: 569

• الطبع: مؤسسة الرسالة، بيروت، لبنان.


💠 *الإحسان في تقريب صحيح ابن حبان* 💠


    ابن بلبان نے یہ روایت ذکر کی ھے: اور محقق د/ شعیب الارنؤوط نے اسکو صحیح کہا ھے: 


÷ المصدر: الاحسان في تقريب صحيح ابن حبان

÷ المحدث: ابن بلبان الفارسي

÷ المحقق: شعيب الارنؤوط

÷ المجلد: 14

÷ الصفحة: 517

÷ الرقم: 6562

÷  الطبع: مؤسسة الرسالة، بيروت، لبنان.


💟 *مستدرك حاكم* 💟


     امام حاکم نیشاپوری نے مستدرک میں یہ روایت ذکر کی ھے, اور امام شمس الدین ذھبی نے تلخیص میں اسکو صحیح کہا ھے: 


× المصدر: المستدرك للحاكم

× المجلد: 2

× الصفحة: 668

× الرقم: 4219

× الطبع: دار الكتب العلمية، بيروت، لبنان.


🕯️ *خلاصۂ کلام* 🕯️


  سوال میں جس واقعے کے متعلق پوچھا گیا ھے اسکو خطیب نے طول دیا ھے واقعہ اتنا ھے: جب حضرت طارق بن عبد ﷲ اور ان کی قوم کے چند افراد( مسلمان ہونے کے بعد ) بغرض تجارت ( کھجور کی خرید و فروخت کیلیے ) مدینہ آئے تو مدینہ آنے سے قبل انہوں نے پڑاؤ ڈالا تاکہ سفر کی تکان اتارلیں اور لباس تبدیل کرلیں تبہی ایسا ہوا کہ ایک شخص جو پرانے کپڑوں میں ملبوس تہا آیا اور سلام کیا اور اہل قافلہ سے معلوم کیا : کون ہو؟ کہاں سے آرھے ہو, بتایا گیا : ہم ربذہ سے آرھے ہیں مدینہ منورہ کا ارادہ ھے , اور ہمارا مقصد کھجور کی فروخت ھے , اور قافلے والوں نے بتایا: ہمارے ساتھ کجاوے میں ایک پردہ نشیں خاتون بھی ھے اور ہمارے پاس سرخ اونٹ ھے جس کی ناک میں نکیل ہے, اس شخص ( حضور اکرم) نے کہا: وہ اونٹ فروخت کروگے؟ انہوں نے کہا: کہ ہاں! بیچ دیں گے اور بھاؤ طے ہوگیا , ابہی خریدار شخص نے قیمت ادا بہی نہ کی کہ وہ اونٹ لے کر چلا گیااور مدینہ کی آبادی میں اوجہل ہوگیا , اہل قافلہ حیران! کہ بنا قیمت دیئے ہی چلا گیا تبہی ان کی پردہ نشیں خاتون نے کہا: میں نے اس شخص کا چہرہ دیکھا ھے گویا چودھویں کا چاند تہا اسکو برا مت کہو! مجھے یقین ھے وہ دھوکہ نہیں دے گا اور میں گارنٹی لیتی ہوں اگر وہ قیمت ادا کرنے نہ آیا تو میں ادا کردونگی, تبہی ایک شخص آیا اور کہنے لگا: میں رسول خدا کا قاصد ہوں اور تمہاری قیمت کے طور پر کھجور لایا ہوں , ناپ لو , خیر قیمت پوری تہی , تب یہ قافلہ مدینہ میں داخل ہوا اور مسجد نبوی پہونچا دیکہا یہی شخص ( نبی اکرم) منبر پر کھڑے بیان فرمارھے ہیں اور راوی کہتے ھے: کہ مجھے ان کی تقریر میں یہ بات بخوبی یاد ھے وہ فرمارھے تھے صدقہ کیا کرو! کیونکہ صدقہ تمہارے لیے بہتر ھے, اور دینے والا ہاتھ مانگنے والے ہاتھ سے بہتر ھے۔ 



وﷲ تعالی اعلم

✍🏻... کتبہ: *محمد عدنان وقار صدیقی* 

8 فروری : 2021

Saturday, February 6, 2021

میرے ماں باپ قربان ہوں تجھ پر

 ▪️ *میرے ماں باپ قربان ہوں تجھ پر* ▪️


میرا سوال یہ ھے کہ "فداک امی وابی" (میرے ماں باپ تجھ پر قربان ہوں)


 کتنے صحابہ کرام کے لئے آپ صلی اللہ علیہ وسلم نے یہ جمله فرمايا؟

 از راہِ کرم جواب مرحمت فرمادیں!!!!



••• *باسمہ تعالی* •••

*الجواب وبہ التوفیق:* 


   ایسے  خوش نصیب صحابی دو ہیں جن کو زبان نبوت سے یہ جملہ عطا ہوا " کہ میرے ماں باپ تجھ پر قربان ہوں " یعنی ان دونوں حضرات صحابہ کی کارکردگی سے خوش ہوکر آقائے دو جہاں نے یہ پیارا محبت بھرا جملہ عنایت کیا ( دعا دی )


🔹 *حضرت سعد بن ابی وقاص* 🔹


      غزوۂ احد میں حضرت سعد کی داد شجاعت دیکھ کر نبی کریم نے فرمایا: سعد! تیر چلاتے رہو! میرے ماں باپ تم پر نچھاور ہوں.



حدثنا قتيبة، قال: حدثنا ليث عن يحي عن  ابن المسيب أنه قال: سعد بن ابي وقاص : لقد جمع لي رسول الله يوم أحد أبويه كليهما، يريد حين قال فداك أبي و أمي، وهو يقاتل.


ترجمہ: حضرت سعد بن ابی وقاص فرماتے ہیں : کہ رسول اکرم نے جنگ احد کے دن میرے لیے یہ دعائیہ کلمات کہے: تجھ پر میرے ماں باپ قربان ہوں.


• المصدر: صحيح البخاري

• المجلد 2

• الصفحة: 1102

• الرقم: 4057

• الطبع: الطاف اینڈ سنز، کراچی، پاکستان.



🔰 *حضرت زبیر بن العوام* 🔰


  غزوۂ خندق میں حالات کافی پریشان کن تھے , حضور نے کہا: بنو قریظہ ( یہودیوں کا قبیلہ) کی خبر کون لایئگا؟ یہ ذمہ داری حضرت زبیر بن العوام نے انجام دی تب حضور نے ان کو یہ دعا دی : ( روایت کے متعلق محدثانہ گفتگو فتح الباری میں ملاحظہ ہو) 


حدثنا أحمد بن محمد أخبرنا عبد الله أخبرنا هشام بن عروة عن أبيه عن عبد الله بن الزبير قال:  كنت يوم الأحزاب جعلت أنا وعمر بن أبي سلمة في النساء،  فنظرت، فإذا أنا بالزبير على فرسه يختلف إلى بني قريظة مرتين أو ثلاثا، فلما رجعت، قلت: يا أبت! رأيتك تختلف، قال أوهل رأيتني يا بني؟  قلت: نعم، قال: كان رسول الله صلى الله عليه وسلم قال: من يأت بني قريظة فيأتيني بخبرهم؟ فانطلقت، فلما رجعت، جمع لي رسول الله صلى الله عليه وسلم أبويه، فقال: فداك أبي وأمي.

 

٭ المصدر: صحيح البخاري 

٭ المجلد: 1

٭ الصفحة: 1011

٭ الطبع: الطاف اینڈ سنز، کراچی پاکستان.



 💟 *سوال* 💟


  صحیح بخاری کی روایت میں ھے کہ حضرت علی فرماتے ہیں کہ حضرت سعد کے علاوہ حضور اکرم نے کسی کے لیے بھی یہ جملہ " فداک ابی وامی" نہیں فرمایا تو پھر یہ جملہ حضرت زبیر بن العوام کیلیے کیسے مذکور ھے؟ 



حدثنا يسرة بن صفران، قال: حدثنا ابراهيم عن ابيه، عن عبد الله بن شداد، عن علي قال: " مَا سَمِعْتُ النَّبِيَّ صلى الله عليه وسلم جَمَعَ أَبَوَيْهِ لأَحَدٍ إِلاَّ لِسَعْدِ بْنِ مَالِكٍ، فَإِنِّي سَمِعْتُهُ يَقُولُ يَوْمَ أُحُدٍ: يَا سَعْدُ، ارْمِ فِدَاكَ أَبِي وَأُمِّي!".


٭ المصدر: صحيح البخاري 

٭ المجلد: 2

٭ الصفحة: 1103

٭ الرقم: 4059

٭ الطبع: الطاف اينڈ سنز، كراچي، پاكستان.


🕯️ *جواب* 🕯️


 فتح الباری میں امام ابن حجر عسقلانی نے اس کی توجیہ لکھی ھے: کہ حضرت علی کو یا تو حضرت زبیر والی بات کا علم نہ تھا یا علم تو تہا ؛ لیکن آپ کی مراد یہ تھی غزوۂ احد میں حضرت سعد بن ابی وقاص کے علاوہ کسی اور کو یہ دعا نہیں دی گئ ۔


  وفي هذا الحصر نظر؛ لما تقدم في ترجمة الزبير، أنه جمع له ابويه يوم الخندق، ويجمع بينهما بان عليا لم يطلع علي ذلك،  أو مراده بذلك مقيد يوم أحد، والله اعلم.


٭ المصدر: فتح الباري 

٭ المحدث: الحافظ ابن حجر العسقلاني 

٭ المجلد: 11

٭ الصفحة: 162

٭ الطبع: دار الرسالة العالمية، بيروت، لبنان.


  والله تعالي أعلم

✍🏻... كتبه: *محمد عدنان وقار صديقي*

6 فروري: 2021

Friday, February 5, 2021

چار ایسے بزرگ جنہوں نے ایک ہی رکعت میں ختم قرآن کیا

 ▪️ *چار ایسے بزرگ جنہوں نے ایک ہی رکعت میں خانۂ کعبہ میں یا اسکے نزدیک ( مقام ابراہیم) قرآن کریم ختم کیا* ▪️



ایک ویڈیو کلپ موصول ہوئی جس میں ایک بزرگ عالم دین بیان فرمارھے ہیں کہ چار اشخاص ہیں جنہوں نے ایک ہی رکعت میں خانہ کعبہ میں مکمل ختم قرآن فرمایا: وہ حضرت عثمان بن عفان ذوالنورینؓ , حضرت تمیم داریؓ , حضرت سعید بن جبیرؓ , اور حضرت امام اعظم ابو حنیفہؒ نعمان بن ثابت ہیں۔


اسکی تصدیق درکار ھے!!!


••• *باسمہ تعالی* •••

*الجواب وبہ التوفیق:* 


   مذکورہ بات بالکل درست ھے؛ تاریخ و رجال  کی کتابوں اور امام اعظمؓ کے مناقب و سیرت سے متعلق تالیفات میں یہ بات مذکور ھے: 


💎 *تاریخ دمشق* 💎


   امام ابن عساکرؒ نے تاریخ دمشق میں یہ بات نقل کی ھے: 


أخبرنا أبومنصور بن خيرون، أنبأنا أبو القاسم بن سعيد، قال: حدثنا أبوبكر بن الخطيب، أخبرنا الخَلَّال، أخبرنا علي بن عمرو الحريري، أن علي بن محمد بن كاس النخعي، حدثهم، حدثنا إبراهيم بن مخلد البلخي، حدثنا إبراهيم بن رستم المروزي، قال: سمعت خارجة بن مصعب، يقول: ختم القرآن في الكعبة أربعة من الأئمّة: عثمان بن عفَّان، وتميم الدّاري، و سعيد بن جُبَيْر، و أبوحنيفة.


٭ المصدر: تاريخ دمشق

٭ المجلد: 11

٭ الصفحة: 75

٭ الطبع: دار الفكر، بيروت، لبنان.




🕯️ *فائدہ* 🕯️


  مزید حوالوں کیلیے محمد علی عباد حمیسان صاحب کے کتابچے  " أعلام ختموا القرآن في ركعة " کی طرف رجوع کیا جاسکتا ھے,


 نیز یہ چار حضرات تو وہ ہیں جنہوں نے خانہ کعبہ میں یہ مبارک عمل انجام دیا , جبکہ خانہ کعبہ کے علاوہ ایک رکعت میں ختم قرآن کی فضیلت حاصل کرنیوالے اور بہی چند اشخاص ہیں جنکے اسماء مذکورہ کتاب میں " شیخ محمد علی " نے ذکر کیے ہیں: 

حضرت عثمان غنی , حضرت تمیم داری , حضرت سعید بن جبیر, حضرت امام ابوحنیفہ, حضرت ابو عبد ﷲ بن خفیف, حضرت ابراہیم بن اسماعیل القبری, حضرت ابوبکر الشحامی الشروطی ,حضرت ابو الفضل الصرام, حضرت جعفر الدرزیجانی, حضرت ابو احمد العسال, حضرت ابو العباس الحربی, حضرت ابو علی الضریر المقرئ, حضرت تقی الدین الواسطی, حضرت حسان انصاری, حضرت ابو السعود الجارحی, محمد المختار بن محمد الامین الشنطیقی, اور ایک صاحب کا بنا نام ذکر ھے.( رضی ﷲ عنہم و رحمہم ﷲ اجمعین) 


   یہ حضرات تو معروف و مشہور ہیں ان کے علاوہ بھی نیک لوگ ہونگے جنہوں نے ایک رکعت میں ختم قرآن کیا ہو۔


وﷲ تعالی اعلم 

✍🏻... کتبہ: *محمد عدنان وقار صؔدیقی*

5 فروری ؁ء2021

Thursday, February 4, 2021

وہ صحابی جن کی ہر تجارت بابرکت تھی

 ▪️ *وہ صحابیؐ جنکی ہر تجارت بابرکت تھی* ▪️


  کیا کوئی ایسے صحابی ہیں جن کو حضور کریم نے دعا دی تہی کہ اللہ تمہارے ہاتھ میں برکت دے ( یعنی تم جو معاملہ کرو تمکو نفع ہی ہو خسارہ اور نقصان نہ ہو).



••• *باسمہ تعالی* •••

*الجواب وبہ التوفیق:* 


وہ صحابیؓ جنکو حضورؐ نے برکت کی دعا دی تہی ان کا نام "عروہ بن ابی الجعد البارقی"ہے , واقعہ یہ تہا کہ آپؐ نے ان کو ایک دینار دیا اور کہا: ایک بکری خرید لاؤ! یہ صاحب گئے اور انہوں نے ایک دینار میں دو بکریاں خرید لیں پھر ایک بکری ایک دینار میں فروخت کردی اور یہ صاحب ایک بکری اور ایک دینار لیے خدمت اقدس میں حاضر ہوئے اور سارا ماجرا کہہ سنایا تب حضورؐ نے ان کو معاملات میں برکت کی دعا دی ,پھر اس دعا کا ثمرہ یہ ہوا اگر یہ صحابیؐ خاک بھی خریدتے یا بیچتے تو ان کو نفع ہی ہوتا تہا۔


🔳 *صحیح بخاری* 🔳


حدثنا علي بن عبد الله، ثنا سفيان (ابن عيينة) ثنا شبيب بن غرقدة، قال: سمعت الحيَّ يتحدَّثون عن عروة هو البارقي، 

أنَّ النبيَّ صَلَّى اللهُ عليه وسلَّمَ أعْطَاهُ دِينَارًا يَشْتَرِي له به شَاةً، فَاشْتَرَى له به شَاتَيْنِ، فَبَاعَ إحْدَاهُما بدِينَارٍ، وجَاءَهُ بدِينَارٍ وشَاةٍ، فَدَعَا له بالبَرَكَةِ في بَيْعِهِ، وكانَ لَوِ اشْتَرَى التُّرَابَ لَرَبِحَ فِيهِ. قال سفيان : كان الحسن بن عمارة جاءنا بهذا الحديث عنه ، قال : سمعه شبيب من عروة ، فأتيته ، فقال شبيب : إني لم أسمعه من عروة . قال : سمعت الحي يخبرونه عنه.


٭ المصدر: صحيح البخاري

٭ المجلد: 1

٭ الصفحة: 987

٭ الرقم: 3642

٭ الطبع: الطاف اينڈ، سنز، کراچی، پاکستان.


🕯️ *سنن ترمذي* 🕯️


حدثنا أحمد بن سعيد الدارمي، قال: حدثنا حَبَّان وهو ابن حبانُ هِلالٍ أبو حبيب البصري، قال: حدثنا هارون المقرئ، وهو ابن موسي القارئ، قال: حدثنا الزبير بن الخِرِّيْت، عن أبي لبيد، عن عروة البارقِيُّ، قال:    دفعَ إليَّ رسولُ اللَّهِ صلَّى اللَّهُ عليْهِ وسلَّمَ دينارًا لأشتري له شاةً فاشتريتُ لَهُ شاتينِ فبِعتُ إحداهُما بدينارٍ وجئتُ بالشَّاةِ والدِّينارِ إلى النَّبيِّ صلَّى اللَّهُ عليْهِ وسلَّمَ فذَكرَ لَهُ ما كانَ من أمرِهِ فقالَ بارَكَ اللَّهُ لَكَ في صفقةِ يمينِكَ . فكان يخرج بعد ذلك الي كناسة الكوفة، فيربح الربح العظيم، فكان من أكثر أهل الكوفة مالا.


٭ المصدر: سنن الترمذي 

٭ المجلد: 2

٭ الصفحة: 536

٭ الرقم: 1258

٭ الطبع: دار الغرب الإسلامي، بيروت، لبنان.


وﷲ تعالی اعلم

✍🏻...کتبہ: *محمد عدنان وقار صؔدیقی* 

4فروری : ؁ء2021

Saturday, January 9, 2021

اسلامی ریاست میں ذمیوں کے ساتھ نرم روی

 *اسلامی ریاست میں ذمیوں کے ساتھ نرم روی*


حضرتِ عمر بن خطابؓ راستے سے گذر رہے تھے کہ ایک کمزور اور اندھا بوڑھا نظر آیا جو بھیک مانگ رہا تھا۔ حضرتِ عمرؓ نے اس سے پوچھا تو اس نے جواب دیا کہ وہ ایک یہودی ہے اور مختلف معاشی تکالیف کی وجہ سے وہ اس حال پر مجبور ہے۔ راوی کہتے ہیں کہ حضرتِ عمرؓ نے اس کا ہاتھ پکڑا اور اس کو اپنے گھر لے گئے۔ اپنے گھر سے کچھ مال دیا۔ پھر بیت المال کے خازن کی جانب بھیجا اور کہا:


*انْظُرْ هَذَا وَضُرَبَاءَهُ؛ فَوَاللَّهِ مَا أَنْصَفْنَاهُ*

ترجمہ: اس کو اور اس جیسے دوسرے لوگوں کا حالات دیکھو، اللہ کی قسم! میں نے اس کے ساتھ انصاف نہیں کیا!



*[ الخراج لأبي يوسف، فصل: فيمن تجب عليه الجزية وقدرها ومما تجوز، صفحہ نمبر ۱۳۹]*



اس واقعے کی سندی حیثیت درکار ھے!!!!



••• *باسمہ تعالی* •••

*الجواب وبہ التوفیق*:


  یہ واقعہ قاضی الدنیا امام ابو یوسف ( یعقوب بن ابراہیم ) نے اپنی مایہ ناز شہرۂ آفاق کتاب " کتاب الخراج " میں ذکر فرمایا ھے : 



✳️ حَدَّثَنِي عُمَرُ بْنُ نَافِعٍ , عَنْ أَبِي بَكْرٍ , قَالَ : " مَرَّ عُمَرُ بْنُ الْخَطَّابِ رَضِيَ اللَّهُ عَنْهُ بِبَابِ قَوْمٍ وَعَلَيْهِ سَائِلٌ يَسْأَلُ : شَيْخٌ كَبِيرٌ ضَرِيرُ الْبَصَرِ ، فَضَرَبَ عَضُدَهُ مِنْ خَلْفِهِ , وَقَالَ : مِنْ أَيِّ أَهْلِ الْكِتَابِ أَنْتَ ؟ فَقَالَ : يَهُودِيٌّ , قَالَ : فَمَا أَلْجَأَكَ إِلَى مَا أَرَى ؟ قَالَ : أَسْأَلُ الْجِزْيَةَ وَالْحَاجَةَ وَالسِّنَّ , قَالَ : فَأَخَذَ عُمَرُ بِيَدِهِ وَذَهَبَ بِهِ إِلَى مَنْزِلِهِ فَرَضَخَ لَهُ بِشَيْئٍ مِنَ الْمَنْزِلِ.


ثُمَّ أَرْسَلَ إِلَى خَازِنِ بَيْتِ الْمَالِ , فَقَالَ : انْظُرْ هَذَا وَضُرَبَاءَهُ ، فَوَاللَّهِ مَا أَنْصَفْنَاهُ أَنْ أَكَلْنَا شَبِيبَتَهُ ثُمَّ نَخُذُلُهُ عِنْدَ الْهَرَمِ إِنَّمَا الصَّدَقَاتُ لِلْفُقَرَاءِ وَالْمَسَاكِينِ سورة التوبة آية 60 وَالْفُقَرَاءُ هُمُ الْمُسْلِمُونَ , وَهَذَا مِنَ الْمَسَاكِينِ مِنْ أَهْلِ الْكِتَابِ ، وَوَضَعَ عَنْهُ الْجِزْيَةَ وَعَنْ ضُرَبَائِهِ , قَالَ : قَالَ أَبُو بَكْرٍ : أَنَا شَهِدْتُ ذَلِكَ مِنْ عُمَرَ وَرَأَيْتُ ذَلِكَ الشَّيْخَ ".


(خلاصه ترجمہ ) 


حضرت عمر بن خطابؓ کہیں سے گزر رھے تھے دیکہا ایک دروازے پر کوئی بوڑھا نابینا فقیر مانگ رہا ھے؛ آپ نے اسکی کمر پر ہاتھ رکھ کر اسکو اپنی جانب متوجہ کیا اور پوچھا: تم نصرانی ہو یا یہودی؟ اس نے بتایا : یہودی ہوں, پوچھا: یہ خستہ حالت کس وجہ سے ھے؟ جواب دیا: حضرت بوڑھا ہوں اور ضرورتمند بہی ہوں نیز جزیہ کی رقم بہی حکومت کو ادا کرنی ہوتی ھے اسکے لیے بہی بھیک مانگتا ہوں حضرت عمر اسکا ہاتھ پکڑ کر اپنے گھر لے آئے , اور کچھ مال عطا کیا اور بیت المال کے خازن سے کہا: اس فقیر اور اس جیسے دیگر خستہ حال لوگوں کا خیال رکہا کرو! بخدا یہ انصاف نہ ہوگا کہ ہم اہل کتاب کی جوانی کے بعد ان کو بڑھاپے میں ذلیل ہونے کیلیے چھوڑ دیں , اور اس یہودی و دیگر اس جیسے خستہ حالوں  کا جزیہ ( ٹیکس ) بہی معاف کردیا , راوی کہتے ہیں : میں یہ تمام ماجرا اپنی آنکہوں سے دیکھ رہا تہا۔


• المصدر: كتاب الخِراج

• المصنف: الإمام القاضي أبويوسفؒ صاحب الإمام ابي حنيفةؒ

• الصفحة: 126

• الطبع: دار المعرفة، بيروت، لبنان.


🔮 روايت كا سندي جائزه 🔮



یہ روایت بلحاظ سند ضعیف ھے؛ کیونکہ اس کے راوی " عمر بن نافعؒ " ضعیف ہیں: جیساکہ حافظ الدنیا امام ابن حجر عسقلانیؒ نے تقریب التہذیب میں لکہا ھے: 


☜ عمر بن نافع الثقفي، كوفيٌّ، ضعيف، من السادسة.


٭ المصدر: تقريب التهذيب

٭ المحدث: الإمام ابن حجر العسقلانيؒ

٭ الصفحة: 728

٭ الرقم: 5009

٭ الطبع: دار العاصمة، الرياض،



✴️ ضعیف ہونے کا حوالہ ✴️


شیخ عبد السلام بن محسن آل عیسی نے اس روایت کو اپنی تحقیقی کتاب " دراسة نقدية " میں نقل فرماکر لکہا ھے کہ یہ روایت ضعیف ھے: 


🔰 رواه أبو يوسف / الخراج ص: 136، قال: حدّثني عمر بن نافع عن أبي بكر. ابن زنجويه / الأموال 1/162،163، ومداره على عمر بن نافع الثقفي، كوفي ضعيف من السادسة. تق 417، فقد نص المزي على أنه هو الراوي عن أبي بكر العبسي، وأما العدوي فهو ثقة. فالأثر ضعيف.


٭ المصدر: دراسة نقدية في المرويات الواردة في شخصية عمر بن الخطاب وسياسته الإدارية

٭ المؤلف: عبد السلام بن محسن آل عيسى

٭ الصفحة: 1057

٭ الطبع: وزارة التعليم العالي، الجامعة الإسلامية، بالمدينة المنورة. السعودية.


🕯️ خلاصۂ کلام 🕯️


مذکورہ روایت مستند ھے , قابل بیان ھے۔


وﷲ تعالی اعلم

✍🏻...کتبہ: *محمد عدنان وقار صؔدیقی*

۹ جنورج: ؁۲۰۲۱ء

Sunday, December 13, 2020

صدیق اکبر کا جذبہ ایمانی

 ▪️ *صدیق اکبرؓ کا جذبۂ ایمانی* ▪️


  ایک واقعہ بہت مشہور ھے کہ کسی جنگ کے موقع پر حضرت ابو بکرؓ کے فرزند عبد الرحمنؓ ( جب اسلام نہ لائے تھے) کفار کی جانب سے مسلمانوں کے خلاف لڑنے کیلیے آئے تھے, تو حضرت عبد الرحمنؓ  جب مسلمان ہوگئے تو انہوں نے حضرت ابوبکرؓ سے کہا: کہ ابا جان! ایک بار فلاں جنگ میں آپ میرے سامنے آتے تہے تو میں آپ سے کنارہ کر جاتا تہا اور آپ اس وقت میرے حریف تہے ؛ لیکن چونکہ آپ میرے والد ہیں اس لیے آپ پر میں نے کوئی وار یا حملہ نہ کیا تو حضرت صدیق اکبرؓ کا ایمانی جذبے سے سرشار جواب تہا: کہ بیٹا! تم نے تو مجھ سے کنارہ کرلیا تہا ؛ لیکن اگر تم میرے سامنے پڑجاتے تو میں یقیننا تمکو نہ بخشتا اور قتل کردیتا۔


اس واقعے کا حوالہ مطلوب ھے!!!



••• *باسمہ تعالی* •••

*الجواب وبہ التوفیق:* 



  جی یہ واقعہ غزوۂ بدر کا ھے , امام ابن عساکرؒ نے " تاریخ دمشق " میں اور امام سیوطیؒ نے " تاریخ الخلفاء " میں ذکر کیا ھے: 


🔰 *تاريخ الخلفاء ميں* 🔰



وأخرج ابن عساكر عن ابن سيرين: أن عبد الرحمن بن ابي بكر الصديق كان يوم بدر مع المشركين،  فلما أسلم، قال لابيه: لقد أهدفت لي يوم بدر، فصرفتُ عنك ولم أقتلك، فقال له ابوبكر: لكنك لو هدفتَ لي، لم انصرف عنك.


• تاريخ الخلفاء

• المؤلف: الامام السيوطيؒ

• الصفحة: 111

• الطبع: وزارة الأوقاف والشؤون الإسلامية، قطر.



🔲 تاريخ ابن عساكر 🔲


قال وانبأنا ابن مروان، نا أحمد بن علي المزوري، نا علي بن عبد الله، نا عبد الرزاق، عن معمر، عن أيوب، عن ابن سيرين: أن عبد الرحمن بن أبي بكر الصديق كان يوم بدر مع المشركين، فلما اسلم، قال لابيه: لقد أهدفتَ لي يوم بدر، فصرفت عنك، ولم اقتلك، فقال ابوبكر: لكنك لو أهدفتَ لي، لم أنصرف عنك.


٭ المصدر: تاريخ مدينة دمشق

٭ المجلد: 30

٭ الصفحة: 127

٭ الطبع: دار الفكر، بيروت، لبنان.



والله تعالي اعلم 

✍🏻... كتبه: *محمد عدنان وقار صديقي*

13/12/2020

Monday, September 21, 2020

کیا یہ فرضی مسئلہ ہے؟

 *کیا یہ فرضی مسئلہ ہے؟؟*


حافظ زین الدین عراقی رحمہ اللہ (806ھ) اپنے ساتھی ابو الطیب المغربی سے بیان کرتے ہیں کہ ایک مغربی عالم دین، نہایت سادہ تھے اور لوگوں سے ملنا جلنا کم تھا، بس اپنے والد کے پاس علم حاصل کیا، اور پھر تدریس کرنے لگے اور اپنے درس میں نماز چھوڑنے کے مسئلے پر بات کر رہے تھے تو فرمانے لگے یہ فرضی مسئلہ ہے، جسے علماء نے گھڑ لیا ہے وگرنہ ایسا کبھی نہیں ہوتا کہ کوئی بندہ مسلمان ہو اور جان بوجھ کر نماز چھوڑتا ہو.( یعنی ان کو مسلمان کے متعلق یہ وہم بہی نہ تہا کہ کوئی بندہ مسلمان ہو اور جان بوجھ کر نماز چھوڑدے)


اگر آج یہ عالم دین زندہ ہوتے اور مسلمانان عالم کے حالات دیکہتے تو شاید وہ صدمہ سے دوچار ہوتے۔کہ آج دنیا کے دو تہائی مسلمان اس معصیت میں مبتلا ہیں کہ اذانوں کی آوازوں سے بہی ان کے کانوں پر جوں نہیں رینگتی ھے۔



💠 حتى لقد بلغني عن بعض علماء المغرب فيما حكاه لي صاحبنا الشيخ الإمام أبو الطيب المغربي أنه تكلم يوما في ترك الصلاة عمدا، ثم قال: وهذه المسألة مما فرضها العلماء ولم تقع لان احدا من المسلمين لا يتعمد ترك الصلاة، وكان ذلك العالم غير مخالط للناس، ونشا عند ابيه مشتغلا بالعلم من صغره حتي كبر، درَّس فقال ذلك في درسه.


٭ المصدر:  طرح التثريب 

٭ المؤلف: الحافظ زين العراقي

٭ المجلد: 2

٭ الصفحة: 150

٭ الطبع: دار إحياء التراث العربي، بيروت، لبنان.


والله اعلم 

✍🏻... كتبه: *محمد عدنان وقار صديقي*

Thursday, September 10, 2020

ایک جوان کی شرمندگی

 ••• *ایک جوان کی شرمندگی* •••

 

مکاشفۃ القلوب کے حوالے سے ایک حکایت بیان کی جاتی ھے: حضرت عمرؓ ایک مرتبہ مدینہ منورہ کی ایک گلی سے گزر رھے تھے آپؓ نے ایک جوان کو دیکہا جو کپڑوں کے نیچے شراب کی بوتل چھپائے چلا جارہا تہا آپؓ نے پوچھا: اے جوان! اس بوتل میں کیا لیے جارھے ہو؟ جوان بہت شرمندہ ہوا کہ میں کیسے کہوں اس بوتل میں شراب ھے,  اس وقت اس نوجوان نے دل ہی دل میں دعا مانگی اےﷲ! مجھے حضرت عمرؓ کے رو برو شرمندگی اور رسوائی سے بچا! میرے عیب کو ڈھانپ لے میں پھر کبہی شراب نہیں پیوں گا جوان نے حضرت عمرؓ کو جواب دیا: امیر المومنین! یہ سرکہ ہے آپؓ نے فرمایا مجھے دکھاؤ! چنانچہ آپؓ نے دیکہا تو وہ سرکہ تہا, اے انسان! ذرا غور کر! ایک بندہ بندے کے ڈر سے خلوصِ دل سے تائب ہوا تو ﷲ نے اسکی شراب کو سرکہ میں تبدیل کردیا اسی طرح اگر کوئی گنہگار اپنے گناہوں پر شرمندہ ہوکر توبہ کرلیتا ھے تو ﷲ تعالی اس کی نافرمانیوں کی شراب کو فرمانبرداری کے سرکے میں تبدیل کردیتا ھے ۔


اس کی سند و حقیقت مطلوب ھے!!!


••• *باسمہ تعالی* •••

*الجواب وبہ التوفیق:* 


 یہ حکایت و واقعہ امام غزالیؒ نے اپنی کتاب " مکاشفۃ القلوب " میں ذکر فرمایا ھے : 


🔷 حكي عن عمر بن الخطابؓ أنه مر وقتا من الأوقات في سكك المدينة,فاستقبله شاب وهو حامل قارورة تحت ثيابه،فقال عمرؓ: ايها الشاب 

ماالذى تحمل تحت ثيابك ؟ وكان خمرا فخجل الشاب أن يقول خمرا،وقال في سره، إلهى لا

تخجلني عند عمر ولا تفضحني واسترني عنده، فلا أشرب الخمر أبدا،ثم قال ياأمير المؤمنين الذى

أحمل خلي ، فقال: أرني حتى أراه ، فكشفهابين يديه فرآها عمر،  صارت خلا،فانظر الي مخلوق تاب من خوف مخلوق 

 فبدل الله تعالى خمره بالخل، لما علم منه اخلاص التوبة، فلو تاب العاصي المفلس عن الاعمال الفاسدة توبة نصوحا، وندم علي ذنبه، بدل الله سبحانه تعالي خمر سياته بخل الطاعة.


٭ المصدر: مكاشفة القلوب

٭ المؤلف: الامام الغزاليؒ 

٭ الصفحة: 22

٭ الطبع: غير مكتوب.


 💠 *حکایات کا حکم* 💠


حکایات جنکا تعلق احکام سے نہ ہو بلکہ وہ نیک لوگوں کے واقعات ہوں تو ان کے لیے سند کی ضرورت نہیں ھے؛ سند مل جائے تو بہت عمدہ ؛ ورنہ چشم پوشی کی جایئگی۔ جیساکہ نوادر الحدیث میں حضرت شیخ یونس جونپوریؒ نے لکہا ھے: 


🔰 وأما اخبار الصالحين وحكايات الزهاد والمتعبدين ومواعظ البلغاء وحكم الادباء، فالأسانيد زينة لها، وليست شرطا في تاديتها.


٭ المصدر: نوادر الحديث

٭ المحدث: الشيخ يونس الجونفوريؒ

٭ الصفحة: 41 

٭ الطبع: إدارة إفادات أشرفية، دوبگه، هردوئي روڈ، لکہنؤ، الهند.



••• *خلاصۂ تحریر* •••


مذکورہ حکایت کا تعلق کسی امر و نہی یعنی احکام شرعیہ سے نہیں ھے ؛ لہذا اسکو وعظ و نصیحت میں حکایت کے عنوان سے بیان کیا جاسکتا ھے۔


وﷲ تعالی اعلم

✍🏻... کتبہ: *محمد عدنان وقار صؔدیقی*

10 ستمبر:؁ء 2020

Friday, July 31, 2020

بکری کی سری

▪️ *بکری کی سِری* ▪️

   کسی صَحابی رَضِیَ اللہُ تَعَالٰی عَنْہ نے بطورِہَدِیّہ ( یعنی بطور تُحفہ)  ایک صَحابی رَضِیَ اللہُ تَعَالٰی عَنْہ کے گھر بکری کی سری بھیجی تو اُنہوں نے یہ فرما کر کہ فُلاں میرا اسلامی بھائی اِس سری کا مجھ سے زیادہ ضَرورت مَند ہے ،  وہ سری اُس کے گھر بھیج دی تو اُنہوں نے کہا کہ فُلاں مجھ سے بھی زیادہ حاجت مند ہے اور یوں وہ  سری اُس صحابی رَضِیَ اللہُ تَعَالٰی عَنْہ  کے گھر بھجوا دی ۔ اِس طرح ایک نے دوسرے کے گھر اور دوسرے نے تیسرے کے گھر اُس سری کو بھیجا یہاں تک کہ وہ بکری کی سری سات گھروں میں گھومتی ہوئی پھر سے پہلے ہی صَحابی کے پاس پَہُنچ گئی۔

اس کا حوالہ مطلوب ھے:!!!

••• *باسمہ تعالی*•••
*الجواب وبہ التوفیق:* 

   جی ایثار و ہمدردی کے تحت یہ واقعہ حدیث میں مذکور ھے۔اور امام حؔاکم نیشاپوریؒ نے مستدرک میں اسکو ذکر کیا ھے:

🔰 حدثنا علي بن حمشاذ العدل ، ثنا محمد بن المغيرة السكري بهمدان ، ثنا القاسم بن الحكم العرني ، ثنا عبيد الله بن الوليد ، عن محارب بن دثار ، عن ابن عمر رضي الله عنهما قال : أهدي لرجل من أصحاب رسول الله صلى الله عليه وآله وسلم رأس شاة ، فقال : " إن أخي فلانا وعياله أحوج إلى هذا منا " قال : فبعث إليه فلم يزل يبعث إليه واحدا إلى آخر حتى تداولها سبعة أبيات حتى رجعت إلى الأول فنزلت :
ويؤثرون على أنفسهم ولو كان بهم خصاصة
إلى آخر الآية " هذا حديث صحيح الإسناد ولم يخرجاه .

قال الذهبي في ذيله: (قلت) عبيد الله، ضعفوه.

★ المصدر: اؔلمستدرك علي الصحيحين
★ المجلد: 2
★ الصفحة: 570
★ الرقم: 3856
★ الطبع: دار الحرمين للطباعة والنشر، قاهرة، مصر.

واللّٰه تعالٰي أعلم
✍🏻... كتبه: *محمد عدنان وقار صؔديقي*
‌۳۱ جولائی: ؁۲۰۲۰ء

Thursday, July 30, 2020

پھر امت کو مرجانا چاھئے

▪️ *پھر امت کو مرجانا چاھئے* ▪️

  ایک پوسٹ کے متعلق استفسار کرنا تہا: ہارون رشیدؒ نے امام مالکؒ سے پوچھا: کسی جگہ حضور ﷺ  کی شان میں گستاخی ہوجائے تو حضورﷺ  کی امت کیا کرے؟ امام مالکؒ نے فرمایا: امت مسلمہ اسکا بدلہ لے, پھر پوچھا : اگر وہ ایسا نہ کرے تو پھر؟ امام مالک نے جو تاریخی جملہ ادا کیا وہ پوری امت یاد کرلے ؛ آپؒ نے فرمایا: " پھر امت کو چاہئے وہ مرجائے ؛ اسکو جینے کا بھی کوئی حق نہیں۔

اس کا حوالہ مطلوب ھے!!!

••• *باسمہ تعالی*•••
*الجواب وبہ التوفیق*:

امام مالکؒ کا ارشاد اس طرح ھے: ہارون رشیدؒ نے امام مالکؒ سے ایسے شخص کے متعلق معلوم کیا جس نے حضورﷺ کی شان میں گستاخی کی ہو( اور ان سے یہ بہی بتایا گیا کہ فقہائے عراق کا فتوی یہ ھے کہ ایسے گستاخ کو کوڑے مارکر سزا دی جائے , امام مالکؒ یہ سن کو غصہ ہوئے, اور فرمایا: امیر المومنین! ایسی امت کا کیا جینا جسکے نبیؑ کی شان میں گستاخی کی گئ ہو, جو انبیاءؑ کی شان میں زبان درازی کرے اسکو قتل کردیا جائے اور جو صحابہؓ پر بھونکے اسکو کوڑے مارے جایئں۔

🔰 سأل الرشيد مالكا في رجل شتم النبي صلى الله عليه وسلم وذكر له أن فقهاء العراق أفتوه بجلده فغضب مالك وقال:" يا أمير المؤمنين ما بقاء الأمة بعد شتم نبيها؟ من شتم الأنبياء قتل، ومن شتم أصحاب النبي صلى الله عليه وسلم یجلد"

٭ المصدر: الشفا بتعريف حقوق المصطفٰي
٭ المؤلف: الؔقاضي عياض المالكيؒ
٭ الصفحة: 777
٭ الطبع: جائزة دبئ الدولية للقرآن الكريم، الإمارات المتحدة، دبئ.

وﷲ تعالی اعلم
✍🏻... کتبہ: *محمد عدنان وقار صؔدیقی*
۳۰ جولائی: ۲۰۲۰؁ء

Friday, July 10, 2020

موت لیجاتی ہے وہاں جہاں مرنا ہو

▪️ *موت لیجاتی ھے وہاں جہاں مرنا ہو* ▪️

  ایک واقعہ کی تصدیق مطلوب ھے:  مروی ھے: کہ ایک آدمی حضرت سلیمانؑ کے پاس گیا اور عرض کیا : اے ﷲ کے نبی! مجھے ہندوستان کی سر زمین میں کچھ کام ھے آپ سے درخواست ھے کہ آپ " ہوا" کو حکم دیں کہ وہ مجھے اٹھاکر ہندوستان لے جائے۔ حضرت سلیمان نے دیکہا کہ اسکے ساتھ ملک الموت بہی ہیں اور مسکرارھے ہیں حضرت سلیمان نے ملک الموت سے معلوم کیا مسکرانے کی کیا وجہ ھے؟ فرمایا: مجہے اس بات پر تعجب ھے کہ مجھے اس بندہ کی اس گھڑی میں ہندوستان میں روح قبض کرنے کا حکم دیا گیا  ھے اور یہ اس وقت آپ کے پاس نظر آرہا ھے, روایت ھے کہ اس وقت ہوا اسے اٹھا کر ہندوستان لے گئ اور وہاں اس کی روح قبض کرلی گئ ۔

••• *باسمہ تعالی* •••
*الجواب وبہ التوفیق* :

  یہ واقعہ چند کتب میں مذکور ھے؛ لیکن اسکی سند حضورؑ تک یا صحابیؓ تک نہیں پہونچتی ھے یہ واقعہ ایک تابعیؒ سے منقول ھے یعنی بلحاظ سند مقطوع ھے اور ضعیف ھے۔ ممکن ھے اسرائیلیات سے ہو الغرض اس واقعے کو نبی کریمؐ کی جانب نسبت نہ کی جائے۔

▪️کتاب الزھد میں▪️

حَدَّثَنَا عبد الله حدثنا ابي، ثنا عَبْدُ اللَّهِ بْنُ نُمَيْرٍ، حَدَّثَنَا الْأَعْمَشُ، عَنْ خَيْثَمَةَ، وَعَنْ حَمْزَةَ، عَنْ شَهْرِ بْنِ حَوْشَبٍ قَالَ:«دَخَلَ مَلَكُ الْمَوْتِ عَلَى سُلَيْمَانَ عليه السلام فَجَعَلَ يَنْظُرُ إِلَى رَجُلٍ مِنْ جُلَسَائِهِ؛ يُدِيمُ النَّظَرَ إِلَيْهِ، فَلَمَّا خَرَجَ قَالَ الرَّجُلُ: مَنْ هَذَا؟قَالَ: هَذَا مَلَكُ الْمَوْتِ. قَالَ: لَقَدْ رَأَيْتُهُ يَنْظُرُ إِلَيَّ كَأَنَّهُ يُرِيدُنِي!قَالَ: فَمَا تُرِيدُ؟قَالَ: أُرِيدُ أَنْ تَحْمِلَنِي الرِّيحُ، فَتُلْقِيَنِي بِالْهِنْدِ!قَالَ: فَدَعَا بِالرِّيحِ، فَحَمَلَهُ عَلَيْهَا، فَأَلْقَتْهُ بِالْهِنْدِ.ثُمَّ أَتَى مَلَكُ الْمَوْتِ سُلَيْمَانَ عليه السلام فَقَالَ: إِنَّكَ كُنْتَ تُدِيمُ النَّظَرَ إِلَى رَجُلٍ مِنْ جُلَسَائِي؟ قَالَ: كُنْتُ أَعْجَبَ مِنْهُ؛ إِنِّي أُمِرْتُ أَنْ أَقْبِضَ رُوحَهُ بِالْهِنْدِ، وَهُوَ عِنْدَكَ».

٭ المصدر: كتاب الزهد
٭ المؤلف: الامام احمد بن حنبلؒ
٭ الصفحة: 147
٭ الطبع: دار النهضة العربية، بيروت، لبنان.


🔰 مصنف ابن ابي شيبة🔰

٭ المصدر: مصنف ابن ابي شيبة
٭ المجلد: 19
٭ الصفحة:  35
٭ الرقم: 35409
٭ الطبع: دار قرطبة، بيروت، لبنان.


💠 الحبائك في أخبار الملائك💠

٭ المصدر: الحبائك في أخبار الملائك
٭ المصنف: السيوطيؒ
٭ الصفحة: 51
٭ الرقم: 167
٭ الطبع: دار الكتب العلمية، بيروت، لبنان.


🟣 ان تینوں کتب کی روایات کا حاصل یہ ھے کہ ان کی سند " شہر بن حوشبؒ " تک پہونچتی ھے جو کہ تابعی ہیں ؛ لیکن انکے متعلق محدثین کے اقوال مختلف ہیں بعض کے نزدیک یہ ضعیف ہیں۔

• نام کتاب : ميزان الاعتدال
• نام محدث: الامام الذهبيؒ
• جلد: 3
• رقم: 3761
• صفحة: 389
•  طبع: دار الكتب العلمية، بيروت، لبنان.


⏺️ *اس مضمون کی روایت*⏺️

یہ مضمون " سنن ابن ماجہ" میں وارد ھے: کہ انسان کو جہاں موت آنی ھے اسکو ضرورت یا حاجت اسی جگہ لے جاتی ھے یعنی کوئی نہ کوئی ذریعہ ایسا بن جاتا ھے کہ وہ بندہ اسی جگہ چلا جاتا ھے جہاں مرنا مقدر ھوتا ھے .

🔖    إذا كانَ أجلُ أحدِكُم بأرضٍ أتَت لهُ إليها حاجةٌ فإذا بلغَ أقصَى أثرَهُ فتوفَّاهُ فتقولُ الأرضُ يومَ القيامةِ يا ربِّ هذا ما استَودَعتَني.

٭ الراوي: ابن مسعودؓ
٭ المحدث: ابن ماجةؒ
٭ المصدر: سنن ابن ماجه
٭ الرقم: 4263
٭ الصفحة: 969
٭ الطبع: دار الفكر، بيروت، لبنان.


___ *خلاصۂ کلام*___

یہ واقعہ نبی کریمؐ یا صحابیؓ کی جانب منسوب کیے بغیر بیان ہوسکتا ھے۔


وﷲ تعالی اعلم
✍🏻...کتبہ: *محمد عدنان وقار صؔدیقی*

Friday, June 5, 2020

میں راستہ کیوں دوں

▪️••• *میں راستہ کیوں دوں* •••▪️

میں نے ایک واقعہ سنا ھے ایک مرتبہ حضرت عمر فاروقؓ کا کسی راہ سے گزر ہوا وہاں کچھ بچے کھیل رھے تھے حضرت فاروق اعظمؓ کو دیکھ کر وہ بھاگ گئے ؛ لیکن ایک بچہ وہیں کھڑا رہا اور وہ نہیں بھاگا, حضرت فاروق اعظمؓ نے اس سے معلوم کیا: جب تمہارے ساتھ کے بچے مجھے دیکھ کر بھاگ گئے تو تم کیوں نہ بھاگے؟ تو اس بچے نے جواب دیا: کہ امیر المومنین! میں نے کوئی خطا یا جرم نہیں کیا ھے کہ آپ کا خوف دامن گیر ہو, اور رہی بات یہ کہ میں  راستے سے کیوں نہ ہٹا تو راستہ کشادہ ھے تنگ نہیں ھے کہ میں آپ کیلیے راستہ سے کنارے ہوجاتا۔اور یہ  (عبد ﷲ بن زبیر) نواسۂ صدیق اکبر  تھے۔


اس واقعے کا حوالہ درکار ھے!!!


••• *باسمہ تعالی* •••
*الجواب وبہ التوفیق:*

یہ واقعہ " ابو الحسن ماوردیؒ " نے اپنی کتاب _ادب الدنیا والدین_ میں ذہانت و فطانت کی چند جہلکیوں کے تحت  ذکر کیا ھے؛ اسی طرح " تاریخ دمشق" میں بہی ھے۔ تاہم سند وغیرہ مذکور نہیں ھے۔ بس اسکو ایک واقعہ کی حیثیت دیجائے۔

🔰 *واقعہ کی عبارت* 🔰

حكى ابن قتيبة أن عمر بن الخطاب -رضي الله عنه- مر بصبيان يلعبون وفيهم عبد الله بن الزبير فهربوا منه إلا عبد الله. فقال له عمر -رضي الله عنه-: ما لك؟ لم لا تهرب مع أصحابك؟ فقال: يا أمير المؤمنين؛ لم أكن على ريبة فأخافك، ولم يكن الطريق ضيقا فأوسع لك.

• نام کتاب: أدب الدنيا والدين
• نام مؤلف: ابو الحسن الماوردیؒ
• صفحة: 47
• طبع: دار المنهاج، بيروت، لبنان.

والله تعالي اعلم

✍🏻...کتبہ: *محمد عدنان وقار صؔدیقی*

۵ جون: ؁ء۲۰۲۰