••• *شب قدر افضل ھے یا شب میلاد* •••
ایک پوسٹ نشر ہورہی ھے جس میں لکہا ھے: کہ شیخ عبد الحق محدث دہلوی نے فرمایا: کہ بیشک سرورِ عالَم صلی ﷲ علیہ وسلم ولادت کی شب شبِ قدر سے بھی افضل ھے۔
( ماثبت بالسنہ, ص:100)
اس کا حوالہ و تحقیق مطلوب ھے!!!
••• *باسمہ تعالی* •••
*الجواب وبہ التوفیق:*
سرِ دست " ما ثبت بالسنہ " میں تو مجھے یہ مل نہ سکی؛ البتہ امام قسطلانی نے " المواھب اللدنیہ " میں یہ بات لکھی ھے: اگر شب قدر و شب میلاد میں موازنہ کیا جائے تو شب میلاد , شب قدر سے تین وجوہات کی بنا پر افضل ھے:
1) حضورصلی اللہ علیہ وسلم کی ولادت مبارکہ کی رات وہ رات ہےجس میں حضورصلی اللہ علیہ وسلم کا ظہور ہوا جبکہ لیلۃ القدر آپکو عطا کی گئی، لہٰذا وہ رات جس کو آپ صلی اللہ علیہ وسلم کےظہور کا شرف ملا اس رات سے زیاد شرف والی ہوگی جسےاس رات میں تشریف لانےوالی شخصیت کےسبب سےشرف ملا پس اس میں کوئی نزاع نہیں، لہٰذا شبِ میلاد رسول صلی اللہ علیہ وسلم ”لیلۃ القدر“سےافضل ہوئی۔
2) اگر لیلۃ القدر کی عظمت اس بناء پر ہےکہ اس میں فرشتوں کا نزول ہوتا ہے تو شب ولادت کو یہ شرف حاصل ہےکہ اس میں اللہ تعالیٰ کےمحبوب صلی اللہ علیہ وسلم کائنات میں جلوہ فرما ہوئے۔ صحیح اور منتخب ترین قول کےمطابق جس وجہ سےشبِ میلاد رسول صلی اللہ علیہ وسلم کو شرف سےنوازا گیا وہ ” لیلۃ القدر“ کو شرف سےنوازنےکی وجہ سےکہیں زیادہ افضل و اشرف ہے، لہٰذا شب ولادت افضل ہوگی۔
3) لیلۃ القدر کےباعث امت محمدیہ صلی اللہ علیہ وسلم کوفضیلت بخشی گئی اور شبِ میلاد رسول صلی اللہ علیہ وسلم سےجمیع موجودات کو فضیلت سےنوازا گیا، حضور نبی اکرم صلی اللہ علیہ وسلم ہی ہیں جن کو اللہ تبارک وتعالیٰ نےرحمۃ للعالمین بنا کر بھیجا تو اس نعمت کو جمیع کائنات کےلیےعام کر دیا گیا، پس ”شب ولادت“ نفع رسانی میں کہیں زیادہ ہےلہٰذا اس اعتبار سےیہ لیلۃ القدر سےافضل ہوئی۔
💠 *قسطلانی کی عبارت*
فان قلت : إذا قلنا بأنه صلى الله عليه وسلم ولد ليلاً فأيهما افضل ، ليلة القدر ام ليلة مولده صلى الله عليه وسلم ؟
أجيب بأن ليلة مولده صلى الله عليه وسلم افضل من ليلة القدر من وجوه ثلاث :
أحدها : أن ليلة المولد ليلة ظهوره صلى الله عليه وسلم وليلة القدر معطاة له ، ما شرف بظهور ذات المشرف مما شرف بسبب ما أعطيه . ولا نزاع في ذلك . فكانت ليلة المولد بهذا الاعتبار افضل .
الثاني : أن ليلة القدر شرفت بنزول الملائكة فيها ، وليلة المولد شرفت بظهوره صلى الله عليه وسلم فيها ، ومن شرفت به ليلة افضل ممن شرفت بهم ليلة القدر على الأصح المرتضى ، فتكون ليلة المولد افضل .
الثالث : إن ليلة القدر وقع التفضيل فيها على أمة محمدصلى الله عليه وسلم وليلة المولد الشريف وقع التفضيل فيها على سائر الموجودات . فهو الذي بعثه رحمة للعالمين فعمت به النعمة على جميع الخلائق فكانت ليلة المولد اعم نفعاً » .
فائدہ: المواھب اللدنیہ کے محشی و محقق شیخ صالح احمد شامی نے اس عبارت کے حاشیے میں تفصیلا ثابت کیا ھے کہ شب میلاد کو شب قدر سے زیادہ افضل بیان کرنا بلا دلیل ھے اس پر کوئی قرآنی آیت و قول نبی موجود نہیں ھے ؛ لہذا اس شب کی فضیلت اپنی جگہ مسلم لیکن شب قدر سے بڑھا چڑھا کر پیش کرنا بلا دلیل ھے۔
• المصدر: المواهب اللدنية
• المؤلف: العلامة القسطلانيؒ
• المحقق: صالح احمد الشامي
• المجلد: 1
• الصفحة: 145
• الطبع: المكتب الاسلامي، بيروت، لبنان.
والله تعالي اعلم
✍🏻... كتبه: *محمد عدنان وقار صؔديقي*
27 اكتوبر، 2020ء
