پیلے جوتے

 ▪️ *پیلے جوتے* ▪️

  ایک پوسٹ نظر سے گزری جس میں تفسیر نسفی کے حوالے سے لکہا ھے: حضرت علی فرماتے ہیں: جو پیلے جوتے پہنے گا اس کی فکروں میں کمی ہوگی یعنی خوشیاں میسر ہونگی اور غم دور ہونگے ۔

اسکی تحقیق مطلوب ھے!!!

••• *باسمہ تعالی* •••

*الجواب وبہ التوفیق:* 

   یہ بات تفسیر نسفی میں سورہ بقرہ کی آیت :69 کی تفسیر کے تحت  مذکور ھے: 

🔸  عَنْ عَلِيٍّ -رَضِيَ اللهُ عَنْهُ-: مَن لَبِسَ نَعْلًا صَفْراءَ قَلَّ هَمُّهُ، لِقَوْلِهِ تَعالى: ﴿تَسُرُّ الناظِرِينَ﴾.

• المصدر: مدارك التنزيل (تفسير نسفي) 

• المفسر: الإمام النسفيؒ

• الصفحة: 59

• الطبع: مكتبة نزار مصطفي الباز،مكة المكرمة، السعودية.

🔹 *روایت کا حکم* 🔹

 ملا علی قاریؒ نے الاسرار المرفوعہ میں اس روایت کو من گھڑت لکہا ھے: 

من لبس نعلا صفراء، قل همه.

يروي عن ابن عباس مرفوعا بلفظ "لم يزل في سرور مادام لابسها " بدل   قَلَّ هَمُّهُ.  

وقال ابن ابي حاتم عن ابيه: إنَّه كذب موضوع.

٭ المصدر: الأسرار المرفوعة

٭ المحدث: ملا علي القاريؒ

٭ الصفحة: 343

٭ الرقم: 523

٭ الطبع: المكتب الإسلامي، بيروت، لبنان.

💠 *تخريج الاحاديث والآثار الواقعة في تفسير الكشاف*💠

  امام زیلعیؔ نے تفسیر کشاف میں وارد احادیث کی تخریج کی ھے جس میں انہوں نے اس روایت کے متعلق امام ابن ابی حاتم کے حوالے سے لکہا کہ یہ روایت من گھڑت ھے: 

٭ المصدر: تخريج أحاديث الكشاف

٭ المحدث: الإمام زيلعيؒ

٭ المجلد: 1

٭ الصفحة: 65

٭ الرقم: 47

٭ الطبع: وزارة الشئون الإسلامية، السعودية.

وﷲ تعالی اعلم

✍🏻...کتبہ: *محمد عدنان وقار صؔدیقی* 

26 فروری ؁ء2021

حضرت علی کا اونٹوں کی تقسیم والا واقعہ

 ▪️ *حضرت علی کا اونٹوں کی تقسیم والا واقعہ* ▪️

حضرت علیؓ کے پاس دربار خلافت میں تین بندے آئے.جن کے پاس سترہ اُونٹ تھے.ایک نے کہا کہ حضرت یہ اُونٹ ہمارے درمیان مشترک ہیں ان میں سے 1/2( آدھے اونٹ )ایک کے ہیں یعنی سترہواں کا نصف, اور  1/3یعنی سترہ اونٹوں کا ایک تہائی دوسرے کے ہیں اور 1/9یعنی سترہ اونٹوں کا نواں حصہ تیسرے کا ہے.ان اُونٹوں کو اسطر ح تقسیم کر دیں کہ ان میں کسر( اونے پونے ساڑھے) والی بات نہ ہو.یعنی ہر آدمی کو مکمل اُونٹ ملے.مشترک اُونٹ کسی کو نہ ملے.بلکہ مستقل اُونٹ ہر ایک کو ملے.یعنی کسی اُونٹ کو نہ کاٹا جائے.اور نہ کسی اُونٹ کو فروخت کرنے کی نوبت آئے.اب 17کا عدد نہ تو 1/2پر اور نہ 1/3پر اور نہ 1/9پر پورا تقسیم ہوتا ہے.تو حضرت شیر خداؓ نے اپنے غلام سے فرمایا کہ میرا اُونٹ میرے گھر سے لے آئیں.اور ان اُونٹوں کے ساتھ کھڑا کر لیں.تو ٹوٹل 18بن گئے.تو جس کے 1/2تھے اس سے فرمایا کے 18کا نصف 9آپ لے جائیں.جس کے 1/3تھے فرمایا 18 کا 1/3چھ آپ لے جائیں.جس کے 1/9تھے فرمایا 18کا 1/9دو آپ لے جائیں.=9+6+2ٹوٹل 17نکلے.اور اپنا اُونٹ واپس گھر لے گئے اور ان کو حساب پورا پورا کرکے دے دیا اور ہر ایک کو مستقل اور پورا پورا اُونٹ ملا.تو اپنے اُونٹ سے ان کو حساب پورا کردیا.ورنہ 17سے حساب کسی طرح بھی نہیں بن رہا تھا.

یہ واقعہ ایک ویڈیو کلپ میں صحیح حدیث بتاکر بیان کیا جارہا ھے اس کا حوالہ و تحقیق مطلوب ھے!!!!

••• *باسمہ تعالی* •••

*الجواب وبہ التوفیق:* 

  مذکورہ واقعہ حضرت علی کی جانب بلا سند و حوالہ سوشل میڈیا پر نشر کیا جاتا ہے , قرین قیاس یہی ھے کہ شیعوں کی بناؤٹی بات ھے ؛ لہذا اسکو حضرت علی کی جانب منسوب کرکے بیان کرنا غلط ھے, نیز ویڈیو میں یہ بھی کہا جارہا ھے کہ کُل سترہ (17) اونٹوں کا مجموعہ تہا جن میں ایک کا حصہ نصف تہا اور ایک کا حصہ تہائی تہا اور ایک کا حصہ نواں حصہ تہا حضرت علی نے تقسیم اس طرح کی کہ سب کو اپنے حصے سے کچھ زیادہ ہی مل گیا وہ اس طرح کہ سترہ اونٹوں میں ایک اونٹ ملایا گیا کل جمع اٹھارہ (18) ہوگئ تو جسکا نصف تہا اسکو نو (9) اونٹ ملے جسکا حصہ تہائی تہا اسکو اٹھارہ کا تہائی 6 اونٹ ملے اور جسکا نواں حصہ تہا اسکو اٹھارہ کا نواں یعنی دو اونٹ ملے جبکہ در حقیقت نصف والے کو سترہ کا آدھا ساڑھے آٹھ ملتا اور تہائی والے کو ساڑھے پانچ اونٹ سے کچھ زیادہ اور چھ اونٹ سے کم (5.67) ملتا اور نویں حصے والے کو دو اونٹ سے کم (1.89) ملتے؛ لیکن اگر بغور دیکھا جائے تو یہاں سترہ 17 اونٹ مکمل بانٹے ہی نہیں گئے ہیں یعنی تینوں کو ان کا پورا پورا حصہ نہیں مل سکا ھے وہ اس طرح کہ نصف والے کا حصہ 8.5  ہے اور تہائی والے کا حصہ 5.67 ہے جبکہ نویں والے کا حصہ 1.89 بنتا ھے اب ان تینوں کو جمع کریں : 8.5+ 5.67+ 1.89= 16.6 ہوتا ھے تو .094 ایک اونٹ تقریبا تقسیم نہیں ہوا۔تو کیسے کہا جاسکتا ھے کہ یہاں سب کو ان کا حصہ مل گیا ھے ؟

🔹  *عربی عبارت* 🔹

((كان هناك ثلاثة رجال يمتلكون سبعة عشر جملًا عن طريق الإرث بنِسبٍ متفاوتة, فكان الأول يملك نصفها، والثاني ثلثها، والثالث تُسعها - وحسب النِّسَب يكون التوزيع كالآتي: الأول يملك النصف, والثاني يملك الثلث, والثالث يملك التُّسع - ولم يجدوا طريقة لتقسيم تلك الجمال فيما بينهم، دون ذبْح أيٍّ منها, أو بيع جزء منها قبل القِسمة, فما كان منهم إلا أن ذهبوا للإمام علي رضي الله عنه لمشورته, وحلِّ معضلتهم, قال لهم الإمام علي رضي الله عنه: هل لي بإضافة جمل من جمالي إلى القطيع؟ فوافقوا بعد استغراب شديد، فصار مجموع الجمال ثمانية عشر جملًا، وقام الإمام علي رضي الله عنه بالتوزيع كالتالي: الأول يملك النِّصف, فأخذ تِسعة, والثاني يملك الثلث, فأخذ ستة, والثالث يملك التُّسع فأخذ اثنين - ولكن الغريب في الموضوع أن المجموع النهائي بعد التقسيم يكون سبعة عشر جملًا، فأخذ كل واحدٍ منهم حقَّه، واسترد الإمام جمله الثامن عشر)).

وﷲ تعالی اعلم 

✍🏻... کتبہ: *محمد عدنان وقار صدیقی*

25 فروری : 2021

سورہ شمس کی فضیلت

 ▪️ *سورہ شمس کی فضیلت*▪️

 سورہ شمس کی ایک فضیلت بیان کی جاتی ھے کہ

جس آدمی نے سورہ شمس کی تلاوت کی گویا اس نے سورج اور چاند کی روشنی میں موجود ہر چیز صدقہ میں دیدی یعنی دنیا جہاں کی ہر شیئ صدقہ کرنے کا ثواب ملتا ھے

اس کی تحقیق مطلوب ہے!!!

••• *باسمہ تعالی* •••

*الجواب وبہ التوفیق:* 

   یہ فضیلت ایک شیعی تفسیر میں ہمیں ملی ھے ؛ لیکن سند وہاں مذکور نہیں نیز مستند روایات و کتب تفسیر بہی اس فضیلت سے خالی نظر آتی ہیں ؛ لہذا اس کو مستند نہیں کہا جاسکتا ھے: 

🔰 *تفسير البرهان* 🔰

روي عن النبي أنه قال: من قرأ هذه السورة، فكأنما تصدق علي مَن طلعتْ عليه الشمس والقمر.

٭ المصدر: البرهان في تفسير القرآن

٭ المؤلف: هاشم البحراني

٭ المجلد: 8

٭ الصفحة: 296

٭ الطبع: مؤسسة الأعلمي، بيروت، لبنان.

💎 *الحاوي في تفسير القرآن الكريم*💎

  

  شیخ عبد الرحمن القمّاش ( امام و خطیب مسجد بورسلی, متحدہ عرب امارات)  کی یہ تفسیر ایک موسوعہ ھے جس میں متعدد تفاسیر کو جمع کیا ھے, اس میں بھی یہ روایت بلا سند مذکور ھے: 

حديث أُبي المردودُ: «مَن قرأها فكأَنَّما تصدّق بكلّ شيء طلعت عليه الشمس والقمر».

• المصدر: الحاوي في تفسير القرآن

• المفسر: عبد الرحمن القماش

• المجلد 40

• الصفحة: 9310

الطبع: المكتبة الشاملة.

🕯️ *بصائر ذوي التمييز* 🕯️

علامة مجد الدين فيروزآبادي نے یہ فضیلت سورہ شمس کے تحت ذکر کی ھے ؛ لیکن سند کے بغیر:

فيه حديث أُبي المردودُ: «مَن قرأها فكأَنَّما تصدّق بكلّ شيء طلعت عليه الشمس والقمر»، وحديث علي: «يا علي مَن قرأ {وَالشَّمْسِ وضحاها} فكأَنَّما قرأ الزَّبور، وله بكلّ آية قرأها ثواب مَن صلَّى بين الرّكن والمقام أَلفَ ركعة». اهـ.

٭ المصدر: بصائر ذوي التمييز

٭ المؤلف: العلامة مجد الدين الفيروزآبادي

٭ المجلد: 1

٭ الصفحة: 522

٭ الطبع: وزارة الأوقاف للشئون الإسلامية، قاهرة، مصر.

والله تعالي أعلم

✍🏻... كتبه: *محمد عدنان وقار صديقي*

16 فروري: 2021

علماء سے بغض کا انجام

 ▪️ *علماء سے بغض کا انجام* ▪️

حضرت علیؓ فرماتے ہیں کہ نبی کریم ﷺ نے ارشاد فرمایا : جب میری امت اپنے علماء سے بغض رکھنے لگے گی اور بازار کی عمارتوں کو بلند اور غالب کرنے لگے گی اور دولت پر نکاح کرنے لگے گی تو حق تعالی ان پر چار قسم کے عذاب مسلط فرمائیں گے ۔

بادشاہ کی طرف سے مظالم ۔

قحط سالی ہوگی ۔

حکام خیانت کرنے لگیں گے ۔

دوشمنوں کے پہ درپے حملے ہوں گے (علماء اور سیاست ص٥٠)

اس روایت کی تحقیق درکار ھے!

••• *باسمہ تعالی* •••

*الجواب وبہ التوفیق:* 

  یہ روایت امام حاکمؒ نے مستدرک میں بیان کی ھے ؛ اور امام ذھبیؒ نے اسکو منکر کہا ھے:

🔹 حدثني علي بن بندار الزاهد، ثنا أبو جعفر محمد بن أبي عون النسوي، ثنا محمد بن عبد ربه أبوتميلة، ثنا أبوبكر بن عيَّاش، عن أبي حصين، عن ابن أبي مليكة، عن علي بن أبي طالب قال: قال رسول الله: إذا أبغضَ المسلِمونَ علماءَهُم ، وأظهَروا عمارةَ أسواقِهِم ، وتناكَحوا علَى جمعِ الدَّراهمِ ، رماهمُ اللهُ عزَّ وجلَّ بأربعِ خصالٍ : بالقَحطِ منَ الزَّمانِ، والجَورِ منَ السُّلطانِ، والخيانَةِ مِن ولاةِ الأحكامِ ، والصَّولةِ من العدوِّ.

هذا حديث صحيح الإسناد إن كان عبد الله بن أبي مليكة سمع من أمير المومنين ‌-عليه السلام-.

٭ المصدر: المستدرك علي الصحيحين

٭ المحدث: الإمام حاكمؒ

٭ المجلد: 4

٭ الصفحة: 361

٭ الطبع: دار الكتب العلمية، بيروت، لبنان.

🔸 *مختصر استدراك الحافظ الذهبي* 🔸

   امام ذھبیؒ نے جو مستدرک کی روایات پر کلام کیا ھے ان کو ابن ملقنؒ نے جمع کیا ھے اس میں اس روایت کے تحت امام ذھبیؒ کا کلام یہ ھے کہ یہ روایت منقطع ھے اور منکر بہی ھے : 

🔆 قلت: بل منكَرٌ، منقطع، و محمد بن عبد ربه المذكور فيه لا يُعْرَف.

  

🔰 مختصر استدراک الذھبی پر قیمتی تحقیق حاشیہ ھے اس میں منقطع , منکر ہونے کی وجہ لکہی ھے: منقطع اس لیے ھے کہ محمد بن عبد ربہ کا کوئی متابع موجود نہیں ھے اور انقطاع اس لیے ھے کہ راوی ابن ابی ملیکہ کا حضرت علی سے سماع ثابت نہیں ھے؛ کیونکہ حضرت علی کی شہادت سنہ: 40 ہجری میں ہوئی اور ابن ابی ملیکہ کی وفات 117 یا 118 ہجری میں ہوئی اب حضرت علی اور ابن ابی ملیکہ کے درمیان 77 یا 78 سال کا وقفہ ھے اور اتنے طویل عرصے میں سماع ہونا مشکل ھے اور امام ذھبیؒ چونکہ تاریخ و رجال کے مایہ ناز عالم و ماہر ہیں جب وہ فرمادیں کہ سماع نہیں تو وہ ایک مہر ھے کہ ثابت نہیں۔

• المصدر: مختصر استدراك الحافظ الذهبي

• المحدث: العلامة ابن المُلَقِّنْؒ

• المحقق: عبد الله بن حمد اللحيدان/ سعد بن عبد الله 

• الصفحة: 3037

• الرقم: 1023

• الطبع: دار العاصمة، رياض، السعودية.

💠 *محمد بن عبد ربہ* 💠

  روایت کی سند میں راوی " محمد بن عبد ربہ " ہیں جو ضعیف ہیں اور بقول ابن حبان یہ روایت میں خطاء اور مخالفت کردیتے ہیں: 

محمد بن عبد ربه بن سليمان المرْوزيّ، يروي عن الفضيل بن عياض، قال ابن حبان في الثقات: حدثنا عنه محمد بن احمد بن ابي عون، يخطئ ويخالف، وروي له البيهقي في "الشعب "حديثا منكرا، من روايته عن الفضل بن موسيٰ، وعنه صالح بن كامل، وضعفَّه.

÷ المصدر: لسان الميزان

÷ المحدث: الحافظ ابن حجر العسقلانيؒ

÷ المجلد: 7

÷ الصفحة: 275

÷ الطبع: دار البشائر الإسلامية، بيروت، لبنان.

⚛️ *ابوبکر بن عیاش* ⚛️

   ان کی سوانح امام ذھبیؒ نے "سیر اعلام النبلاء" میں لکھی ھے اور بتایا کہ قرات میں تو یہ بہت بڑے امام ہیں البتہ حدیث میں یہ عجیب و غریب اور منکر ذکر کرتے ہیں:

وأمَّا الحديث، فياتي أبوبكر فيه بغرائب ومناكير.

∅ المصدر: سير أعلام النبلاء

∅ المحدث: الإمام الذهبيؒ

∅ المجلد: 8

∅ الصفحة: 505

∅ الطبع: مؤسسة الرسالة، بيروت، لبنان.

🕯️ *خلاصہ کلام* 🕯️

  یہ روایت نبی کریمؐ کی جانب نسبت کرکے بیان نہ کی جائے ۔

وﷲ تعالی اعلم

✍🏻... کتبہ: *محمد عدنان وقار صؔدیقی*

16 فروری : 2021

عیسی کیسے زندہ کرتے تھے

 ▪️ *عیسیؑ کیسے زندہ کرتے تھے*▪️

کیا یہ بات درست ہے کہ عیسی علیہ السلام جب کسی مردے کو زندہ کرتے تھے تو دو رکعت پڑھتے جس میں پہلی رکعت میں تبارک  الذی اور دوسری میں الم تنزیل پڑھتے تھے۔۔۔۔۔اس کے بعد حمد ثنا کرتے۔۔۔۔۔۔یہ سورتوں والی بات اور دو رکعت والی بات کی کیا حقیقت ہے۔؟

••• *باسمہ تعالی* •••

*الجواب وبہ التوفیق:* 

 بعض کتبِ تفسیر میں یہ اثر منقول ھے : کہ جب حضرت عیسیؑ کسی مُردے کو بحکمِ خداوندی معجزانہ طور پر زندہ کرتے تھے تو پہلے دو رکعت ادا کرتے اور پہلی رکعت میں   ﴿تَبارَكَ الَّذِي بِيَدِهِ المُلْكُ﴾ سورت پڑھتے اور دوسری رکعت میں { تنزيل  "  السجدة "} پڑھتے پھر حمد و ثنا کرتے اور پھر اللہ کے سات اسمائے حسنی کے ذریعے دعا فرماتے : 

💎 *تفسیر الدر المنثور* 💎

امام سیوطی نے سورہ آل عمران آیت : 49 کی تفسیر میں یہ بات  بحوالہ بیہقی ذکر کی ھے, اور امام بیہقی کا کلام بہی نقل کیا ھے کہ یہ بات مستند نہیں ھے: 

قَوْلُهُ تَعالى: ﴿وأُحْيِي المَوْتى بِإذْنِ اللَّهِ﴾ .

أخْرَجَ البَيْهَقِيُّ في ”الأسْماءِ والصِّفاتِ“، وابْنُ عَساكِرَ، مِن طَرِيقِ إسْماعِيلَ بْنِ عَيّاشٍ، عَنْ مُحَمَّدِ بْنِ طَلْحَةَ، عَنْ رَجُلٍ، أنَّ عِيسى ابْنَ مَرْيَمَ كانَ إذا أرادَ أنْ يُحْيِيَ المَوْتى صَلّى رَكْعَتَيْنِ، يَقْرَأُ في الرَّكْعَةِ الأوْلى: ﴿تَبارَكَ الَّذِي بِيَدِهِ المُلْكُ﴾ [الملك: ١] . وفي الثّانِيَةِ: ﴿تَنْزِيلُ﴾ [السجدة: ٢] ”السَّجْدَةَ“ فَإذا فَرَغَ مَدَحَ اللَّهَ وأثْنى عَلَيْهِ، ثُمَّ دَعا بِسَبْعَةِ أسْماءٍ: يا قَدِيمُ، يا حَيُّ، يا دائِمُ، يا فَرْدُ، يا وتْرُ، يا أحَدُ، يا صَمَدُ. قالَ البَيْهَقِيُّ: لَيْسَ هَذا بِالقَوِيِّ.

٭ المصدر: الدر المنثور 

٭ المؤلف: الإمام السيوطيؒ

٭ المجلد: 2

٭ الصفحة: 216

٭ الطبع: دار الفكر، بيروت، لبنان.

🔮 *الأسماء والصِّفات*🔮

 

  امام بیہقی نے اللہ تعالی کے نام اور ذات و صفات کے بارے میں ایک کتاب مسمی " الاسماء والصفات" تالیف کی ھے اس میں یہ بات مذکور ھے؛ لیکن خود بیہقی نے اسکو غیر قوی کہا ھے: 

▪️ أخبرنا أبو طاهر الفقيه، أخبرنا ابو بكر محمد بن الحسين القطان، ثنا أحمد بن يوسف السلمي، ثنا أبو المغيرة، ثنا إسماعيل بن عيّاش، حدثني محمد بن طلحة، عن رجل:  أن  عيسى ابن مريم كان إذا أراد أن يحيي الموتى صلى ركعتين، يقرأ في الركعة الأولى : تبارك الذي بيده الملك . وفي الثانية : تنزيل  "  السجدة " فإذا فرغ مدح الله وأثنى عليه، ثم دعا بسبعة أسماء : يا قديم، يا حي، يا دائم، يا فرد، يا وتر، يا أحد، يا صمد .

 قال البيهقي : ليس هذا بالقوي .

• المصدر: كتاب أسماء الله وصفاته المعروف بـ "الاسماء والصفات

• المؤلف: الإمام البيهقيؒ

• الصفحة: 321

• الرقم: 163 

• الطبع: دار الشهداء، مصر.

 

💠 *تفسير ابن كثير* 💠

  امام ابن کثیر دمشقی نے سورہ مائدہ آیت : 110 کے تحت یہ بات ذکر کی ھے ؛ لیکن پھر اسکے متعلق کہا: یہ بہت عجیب سی بات معلوم ہوتی ھے ,نیز تفسیر ابن کثیر پر تحقیقی حاشیہ "سامی بن محمد سلامہ" نے لکہا ھے انکا کہنا ھے: یہ بات از قبیل اسرائیلیات ھے اور اسکا باطل ہونا( عدم ثبوت) زیادہ راجح ھے: 

▪️ وَقَدْ قَالَ ابْنُ أَبِي حَاتِمٍ: حَدَّثَنَا أَبِي، حَدَّثَنَا مَالِكُ بْنُ إِسْمَاعِيلَ، حَدَّثَنَا مُحَمَّدُ بْنُ طَلْحَةَ -يَعْنِي ابْنَ مُصَرِّف-عَنْ أَبِي بِشْر، عَنْ أَبِي الْهُذَيْلِ قَالَ: كَانَ عِيسَى ابْنُ مَرْيَمَ، عَلَيْهِ السَّلَامُ، إِذَا أَرَادَ أَنْ يُحَيِيَ الْمَوْتَى صَلَّى رَكْعَتَيْنِ، يَقْرَأُ فِي الْأُولَى: ﴿تَبَارَكَ الَّذِي بِيَدِهِ الْمُلْكُ﴾ [سُورَةَ الْمُلْكِ] ، وَفِي الثَّانِيَةِ: ﴿الم. تَنزيلُ الْكِتَابِ﴾

[سُورَةَ السَّجْدَةِ] . فَإِذَا فَرَغَ مِنْهُمَا مَدَحَ اللَّهَ وَأَثْنَى عَلَيْهِ، ثُمَّ دَعَا بِسَبْعَةِ أَسْمَاءَ: يَا قَدِيمُ، يَا خَفِيُّ، يَا دَائِمُ، يَا فَرْدُ، يَا وَتْرُ، يَا أَحَدُ، يَا صَمَدُ -وَكَانَ إِذَا أَصَابَتْهُ شِدَّةٌ دَعَا بِسَبْعَةٍ أُخَرَ: يَا حَيُّ، يَا قَيُّومُ، يَا اللَّهُ، يَا رَحْمَنُ، يَا ذَا الْجَلَالِ وَالْإِكْرَامِ، يَا نُورَ السَّمَوَاتِ وَالْأَرْضِ، وَمَا بَيْنَهُمَا وَرَبَّ الْعَرْشِ الْعَظِيمِ، يَا رَبِّ.

وَهَذَا أَثَرٌ عَجِيبٌ جِدًّا.

وقال سامی: وهو من أخبار بني إسرائيل التي لم يرد ما يؤيدها والأقرب بطلانها.

× المصدر: تفسير ابن كثير

× المفسر: الحافظ ابن كثير الدمشقيؒ

× المحقق: سامي بن محمد السلامة

× المجلد: 3

×  الصفحة: 223

× الطبع: دار طيبة، رياض، السعودية.

والله تعالي أعلم

✍🏻... كتبه: *محمد عدنان وقار صؔديقي* 

15 فروري: ؁ء2021

ستاروں جیسا گھر

 ▪️ *ستاروں جیسا گھر* ▪️

  ایک حدیث مبارکہ ھے: کہ جس گھر میں قرآن کی تلاوت ہوتی ھے وہ آسمان والوں کو ایسا دکھائی دیتا ھے جیسا کہ زمین والوں کو ستارے دکھائی دیتے ہیں۔

اس روایت کا حوالہ و تحقیق مطلوب ھے!!!!

••• *باسمہ تعالی* •••

*الجواب وبہ التوفیق:* 

   یہ روایت امام بیہقی نے " شعب الایمان میں ذکر کی ھے: اور کتاب کی تحقیق کرنیوالے محقق دکتور عبد العلی عبد الحمید حامد صاحب نے اس کی تحقیق میں لکہا ھے: کہ یہ روایت ایسی ھے کہ اس میں امام بیہقی کے استاذ محترم ابو الحسن محمد بن القاسم اور ان کے شیخ ابوبکر بن قریش مجہول ہیں یعنی ان کے متعلق ہم کو علم نہیں ھے. اور یہ بات شیخ البانی نے بھی کہی ھے:

💠 أَخْبَرَنَا أَبُو الْحسَنِ مُحَمَّدُ بْنُ الْقَاسِمِ الْفَارِسِيُّ ، حدثنا أَبُو بَكْرِ بْنُ قُرَيْشٍ ، حدثنا الْحَسَنُ بْنُ سُفْيَانَ ، حدثنا قُتَيْبَةُ بْنُ سَعِيدٍ ، حدثنا ابْنُ لَهِيعَةَ ، عَنْ أَبِي الْأَسْوَدِ ، عَنْ عُرْوَةَ ، عَنْ عَائِشَةَ رَضِيَ اللهُ عَنْهَا قَالَتْ : قَالَ رَسُولُ اللهِ صَلَّى اللَّهُ عَلَيْهِ وَسَلَّمَ: ( الْبَيْتُ الَّذِي يُقْرَأُ فِيهِ الْقُرْآنُ يتراءى لِأَهْلِ السَّمَاءِ، كَمَا تتراءى النُّجُومُ لِأَهْلِ الْأَرْضِ ).

قال المحقق: اسناده فيه جهالة، لم أعرف شيخ المؤلف و لا شيخه، ثم فيه ابن لهيعة وقد تكلموا فيه.

• المصدر: شعب الايمان 

• الإمام البيهقي

• المحقق: د/ عبد العلي عبد الحميد حامد

• المجلد: 3

• الصفحة: 370

• الرقم: 1829

• الطبع: مكتبة الرشد، الرياض، السعودية.

🔰 *سلسلة الاحاديث الضعيفة والموضوعة* 🔰

  شیخ ناصر الدین البانی صاحب نے یہ روایت شعب الایمان کے حوالے سے ذکر کرکے لکہا: کہ اگر مؤلف امام بیہقی کے شیخ اور ان کے شیخ کا علم ہوجائے تو یہ سند جید ھے: 

وهذا إسناد جيد، إن ثبتت عدالة وحفظ أبي بكر بن قريش، فإني لم أعرفه، وكذلك الراوي عنه.

٭ المصدر: سلسلة الاحاديث الضعيفة والموضوعة

٭ المحدث: ناصر الدين الباني

٭ المجلد: 7

٭ الصفحة:397

٭ الرقم: 3383

٭ الطبع: مكتبة المعارف، الرياض، السعودية.

🔳  *سند کا حال* 🔳

  اس روایت کی سند میں تین راوی ہیں جنکے متعلق کلام وارد ہوا ھے: ابو الحسن محمد بن قاسم فارسی , ابوبکر بن قریش اور عبد ﷲ بن لہیعہ, ہم تینوں کی بابت وضاحت کرینگے: 

🔹 *ابو الحسن محمد بن القاسم الفارسی* 🔹

  امام بیہقی کے شیخ ہیں ان کے متعلق محقق د/ عبد العلی عبد الحمید حامد صاحب نے کہا : میں ان کو نہیں جانتا یہ مجہول ہیں , اسی طرح شیخ البانی نے کہا: میں نہیں جانتا؛ لیکن اگر کوئی جنوادے تو سند عمدہ ھے قابل بیان ھے۔

  امام بیہقی کے شیوخ کے تراجم کے متعلق سے ایک کتاب تالیف ہوئی ھے جسکا نام "السلسبیل النقی فی تراجم شیوخ البیہقی " ھے اس میں مؤلف کتاب " ابو الطیب نائف بن صلاح بن علی المنصوری" صاحب نے امام بیہقی کے شیخ ابو الحسن محمد بن قاسم الفارسی کا مکمل تعارف لکہا ھے اور کہا ھے: ثقة، فقيه أصول، مفسر، واعظ. کہ موصوف ثقہ ہیں فقیہ ہیں مفسر اور واعظ بہی ہیں:

※ المصدر: السلسبيل النقي في تراجم شيوخ البيهقي

※ المؤلف: أبوالطيب نايف بن صلاح بن علي المنصوري

※ الصفحة: 602

※ الرقم: 186

※ الطبع: دار العاصمة، رياض، السعودية. 

🔸 *ابوبكر بن قريش* 🔸

دوسرے راوی "ابوبکر بن قریش" ہیں جو بقول  شیخ البانی اور محقق عبد العلی حامد مجہول غیر معلوم ہیں ؛ لیکن امام سمعانی نے " الانساب" میں ان کا تفصیلا تذکرہ فرمایا ھے اور لکھا ھے: کہ موصوف صدوق ہیں: 

☜ وابوبكر محمد بن عبد الله بن قريش الوراق الريونجي، وكان من أهل العلم والصدق، سمع الحسن بن سفيان، ومسدد بن قطن، وغيرهما، سمع منه الحاكم أبوعبد الله الحافظ، وقال: أبوبكر الريونجي كان كثير الحديث، حسن الخط، صدوقا في الرواية...

٭ المصدر: الأنساب

٭ المصنف: عبد الكريم السمعاني

٭ المجلد: 6

٭ الصفحة: 222

٭ الرقم: 1860

٭ الطبع: دائرة المعارف العثمانية، حيدرآباد، الهند.

💎 *ابن لهيعة* 💎

عبد ﷲ بن لھیعہ کے متعلق محدثین کے اقوال ہیں یعنی ضعیف ہیں :

* المصدر: لسان الميزان

* المحدث: ابن حجر العسقلاني

* المجلد: 2

* الصفحة: 475

* الرقم: 4530

* الطبع: دار المعرفة، بيروت، لبنان.

💡شیخ حسن مظفر الرزو نے امام محدث ابن لہیعہ کے متعلق ایک تحقیق رسالہ تالیف کیا ھے ان کے متعلق محدثین کی تضعیف و تصحیح نقل کی ھے اور آخر میں مؤلف نے اپنے نظریہ کو واضح کیا ھے کہ موصوف ثقہ ہیں, واضع حدیث نہیں ہیں آخر عمر میں حفظ متغیر ہوا تہا اور روایت میں تساہل ہونے لگا تہا, اور فضائل کے باب میں ان پر اعتماد کیے جانے میں کوئی حرج کی بات نہیں ھے۔

÷ المصدر: الإمام المحدث عبد الله بن لهيعة  

÷ المؤلف: حسن مظفر الرَّزُوْ

÷ الصفحة: 277 / 279

÷ الطبع: دار الجيل، بيروت لبنان.

🕯️ خلاصه كلام 🕯️

  روایت کا تعلق چونکہ فضائل سے ھے اور یہ روایت ایسی ضعیف نہیں کہ قابل بیان نہ ہو؛ لہذا اس کو بیان کیا جاسکتا ھے۔

وﷲ تعالی اعلم 

✍🏻... کتبہ: *محمد عدنان وقار صدیقی*

14 فروری : 2021

وہ اشخاص جن کی قبر میں آپ اترے

 ▪️ *وہ اشخاص جن کی قبر میں آپؐ اترے*▪️

  میرا سوال یہ ہیکہ کیا کبہی آپ علیہ السلام کسی صحابیؐ کی تدفین کے وقت خود اسکی قبر میں اترے ہیں ؟

 باحوالہ جواب دیکر مشکور ہوں!!

••• *باسمہ تعالی* •••

*الجواب وبہ التوفیق:* 

   جی ہاں! رسول پاکؐ پانچ اشخاص کی قبروں میں بنفس نفیس اترے ہیں,جن میں سے تین خواتین ہیں اور دو مرد ہیں,ایک مرتبہ ہجرت سے قبل مکہ مکرمہ میں اور چار مرتبہ ہجرت کے بعد مدینہ منورہ میں :

🔰 ونقل أبن شبة أن النبي صلى الله عليه وسلم لم ينزل في قبر أحد إلا خمسة قبور،  قبر خديجة بمكة، وأربعة بالمدينة، قبر ابن الخديجة كان في حجر النبي صلى الله عليه وسلم وتربيته، وهو على قارعة الطريق بين زقاق عبد الدار وبين البقيع الذي يتدافن فيه بنو هاشم، وقبر عبد الله المزني الذي يقال له ذو النجادين، وقبر أم رومان أم عائشة بنت أبي بكر،  وقبر فاطمة بنت أسد أم عليّ بن أبي طالب رضي الله عنه.

ترجمہ: حضور پاکؐ پانچ اشخاص کی قبر میں اترے ہیں: 1) حضرت خدیجہؓ کی قبر میں ,2)  حضرت خدیجہ کے فرزند ( جو حضور کی پرورش میں تہے حضرت خدیجہ کی وفات کے بعد ) , 3) اور حضرت عبد اللہ مزنیؓ جو ذوالنجادین سے مشہور ہیں , 4) حضرت عائشہؓ کی والدہ ام رومانؓ, 5) حضرت علیؓ کی والدہ حضرت فاطمہ بنت اسد کی قبر میں۔

• المصدر: وفاء الوفاء باخبار دار المصطفيؐ

• المؤلف: نور الدين السهموديؒ

• المجلد: 3

• الصفحة: 208

• الطبع: دار الزمان، المدينة المنورة، السعودية.

✴️ *تاريخ المدينة لابن شبة*✴️

  علامہ سہمودیؒ نے جس کتاب کا حوالہ دیا ھے وہ تاریخ مدینہ ھے جسکے مؤلف " عمر ابن شبہ " ہیں انہوں نے بھی یہی پانچ اسماء ذکر کیے ہیں: 

٭ المصدر: تاريخ المدينة المنورة

٭ المؤلف: أبو زيد عمر بن شبَّة، النميري، البصريؒ

٭ المجلد: 1

٭ الصفحة: 121

٭ الطبع: دار الفكر، بيروت، لبنان.

والله تعالي أعلم 

✍🏻... كتبه: *محمد عدنان وقار صؔديقي* 

13 فروري:؁ء 2021

جنات میں صحابہ

 ▪️ *جنات میں صحابہ* ▪️

   مفتی صاحب مجھے یہ معلوم کرنا ھے کہ جس طرح انسانوں میں صحابہ کرام ہوئے ہیں اسی طرح جنات میں بھی صحابہ ہوئے ہیں ؛ لیکن مجھے جنات میں چند صحابہ کے اسماء معلوم کرنے ہیں اگر بسہولت ممکن ہو تو از راہ کرم جواب مرحمت فرمادیں!!!

••• *باسمہ تعالی* •••

*الجواب وبہ التوفیق:* 

     عجلت میں چند نام مجھے مل سکے ہیں وہ میں لکھ رہا ہوں ؛ تاہم ان ناموں کے علاوہ بھی دیگر نام ہونگے کسی صاحب کو معلوم ہوں تو مطلع کردیں ؛ تاکہ مزید ناموں کا اضافہ کردیا جائے: 

1) *ابیض جنی* 

 امام ابن حجر نے چند اسماء لکھے ہیں: ان میں " ابیض " بھی ہیں: 

   ((أبيض الجنّي))

((وقع ذِكْرُه في كتاب السنن لأبي علي بن الأشعث أَحدِ المتروكين المتهمين، فأخرج بإسناده من طريق أهل البيت أنّ رسولَ الله صَلَّى الله عليه وسلم قال لعائشة: "أَخْزَى اللهُ شَيْطَانَكِ... " الحديث، وفيه: "وَلَكِنَّ اللهَ أَعَانَنِي عَلَيْهِ حَتَّى أَسْلَمَ، واسمه أبيض، وهو في الجنة. وهامة بن هيم بن لاقيس بن إبليس في الجنة.)).

( الإصابة في تمييز الصحابة، جلد: 1، صفحة: 177،رقم: 22،  طبع: دار الكتب العلمية، بيروت، لبنان.)

2) *الأدرس الجني* 

ياتي ذكره في الأرقم.

( الإصابة، جلد: 1، صفحة: 192،رقم: 62،  طبع: دار الكتب العلمية، بيروت، لبنان. )

3) *الأرقم الجني* 

  الأرقم الجني أحد الجن الذين استمعوا القرآن من  جن نصيبين ذكر إسماعيل بن أبي زياد في تفسيره عن ابن عباس في قوله تعالى:  وإذ صرفنا إليك نفرا من الجن يستمعون القرآن، الآية.

 قال هم تسعة سليط وشاصر وخاضر وحسا ومسا ولحقم والأرقم والأدرس وحاصر، نقلته مجودا من خط مغلطاي.

امام ابن حجر نے " ارقم " صحابی کے ساتھ مزید 8 نام اور ذکر کیے ہیں( سلیط, شاصر, خاضر, حسا, مسا, لحقم, حاصر) جن میں " ادرس" صاحب کا ذکر ہوچکا ھے چند کا ذکر آرہا ھے: 

( الإصابة، جلد: 1، صفحة: 198، رقم: 77،  طبع: دار الكتب العلمية، بيروت، لبنان.) 

4) *حاصر الجني* 

حاصر الجني بمهملات: الجني، أحد وفد نصيبين، تقدم ذكره في ترجمة الارقم الجني.

حاصر بہی ارقم و ادرس کی طرح اس جماعت میں شامل تھے جنہوں نے مقام نصیبین میں حضور سے تلاوت قرآن سماعت کی تہی : 

( الإصابة، جلد: 2، صفحة: 4،رقم: 1542،  طبع: دار الكتب العلمية، بيروت، لبنان.) 

5) *حسان الجني* 

حضرت ارقم کے ساتھ جو نو اسماء مذکور ہوئے ان میں سے ایک " حسا" بہی تہا یہ وہی حسان ہیں: 

حسان الجني، أحد جنِّ نصيبين، تقدم ذكره في ترجمة "الأرقم ".

( الإصابة، جلد: 2، صفحة: 58،رقم: 1717،  طبع: دار الكتب العلمية، بيروت، لبنان.) 

6) *خاضر الجني* 

 ابن حجر نے حضرت ارقم کے ذکر میں جن اسماء کا ذکر کیا ھے ان میں ایک حاصر بہی ہیں یہ خاضر بھی ہیں : 

خاضر بمعجمتين، وآخره: راء، تقدم ذكره في ترجمة الأرقم الجني، وأنه أحد جن نصيبين.

( الإصابة، جلد: 2، صفحة: 192، رقم: 2147، طبع: دار الكتب العلمية، بيروت، لبنان.)

7) *زلعب الجني* 

ايك نام حضرت "زلعب "كا بهي هے،

زلعب الجني، يأتي ذكره في أول حرف الشين المعجمة.

( الإصابة، جلد: 2، صفحة: 468، رقم: 2820، طبع: دار الكتب العلمية، بيروت، لبنان.) 

8) *زوبعة الجني* 

ايك نام "زوبعة "كا هے:

زوبعة الجني، أحد الجن الذين استمعوا القرآن.

( الإصابة، جلد: 2، صفحة: 479، رقم: 2854، طبع: دار الكتب العلمية، بيروت، لبنان.) 

9) *سليط الجني* 

حضرت ارقم کیساتھ " سلیط" کا ذکر تہا یہ وہی سلیط ہیں: 

سليط الجني، تقدم ذكره في ترجمة الأرقم الجني،

( الإصابة، جلد: 3، صفحة: 137، رقم: 3441، طبع: دار الكتب العلمية، بيروت، لبنان.)

10) *سمحج* 

ايك نام حضرت سمحج كا بهي لكها هے:

سمحج بوزن أحمر، آخره جيم، الجني.

( الإصابة، جلد: 3، صفحة: 148، رقم: 3485، طبع: دار الكتب العلمية، بيروت، لبنان.)

11) *سمهج*

امام ابن حجر نے ایک نام یہ بھی لکہا ھے" سمہج" لیکن وہ اسکے متعلق متردد ہیں کہ یہ سمحج ہی ہیں یا کوئی اور شخصیت ہیں : 

سمحج ويقال: بالهاء بدل الحاء، الجني، ما أدري هو الذي قبله أو غيره.

( الإصابة، جلد: 3، صفحة: 149، رقم: 3486، طبع: دار الكتب العلمية، بيروت، لبنان.) 

12) *شاصر*

ارقم کے ذکر کے ساتھ جن نو ناموں کا ذکر تہا ان میں ایک نام "شاصر" بہی ھے: 

شاصر احد الجن الذین اسلموا , تقدم ذکرہ فی الأرقم.

( الإصابة، جلد: 3، صفحة: 250، رقم: 3842، طبع: دار الكتب العلمية، بيروت، لبنان.)

13) *شاصرْ* 

شاصر نام کے یہ دوسرے جن صحابی  ہیں : 

شاصر: آخر من الجن، وقع ذكره في خبر غريب لسعد بن عبادة.

 (الإصابة، جلد: 3، صفحة: 250، رقم: 3843، طبع: دار الكتب العلمية، بيروت، لبنان.) 

14) *خرقاء* 

 جنات میں سے خرقاء نامی ایک صحابیہ خاتون ہیں: 

خرقاء امرأة من الجن.

 (الإصابة، جلد: 8، صفحة: 105، رقم: 11097،  طبع: دار الكتب العلمية، بيروت، لبنان.)

15) *فارعة الجنية* 

ايك خاتون "فارعه "هيں، تاريخ جرجان ميں امام جرجاني نے انكا ذكر كيا هے:

فارعة الجنّيّة، ذكرها حمزة بن يوسف الجُرْجانيُّ في تاريخ "جرجان ".

 (الإصابة، جلد: 8، صفحة: 261، رقم: 11585، طبع: دار الكتب العلمية، بيروت، لبنان.)

15) *أبو الهيثم* 

ابن حجر نے ایک نام ابو الہیثم لکہا ھے اور بحوالہ آکام المرجان یہ بات لکہی ھے: کہ موصوف مسلمانوں کیلیے ایک ڈاکیہ تھے : 

أبو الهيثم من الجن، ذكر الشبلي في "آكام المرجان " قال: دخل رجل المدينة، فأخبر عن أبي موسي الأشعري بخبر، فشاع ذلك، ولم يُعرف الرجل، فبلغ ذلك عمر، فقال: هذا أبو الهيثم بريد المسلمين من الجن، وسياتي بريد المسلمين من الانس، فجاء بعدها بأيّام.

 ( الإصابة، جلد: 7، صفحة: 367، رقم: 10692، طبع: دار الكتب العلمية، بيروت، لبنان.)

 

16) *عمرو بن جابر الجني* 

ایک صحابی عمرو بن جابر بھی ہیں , یہ حضور کے پاس آنیوالے قرآن سننے والے جنات میں سے سب سے آخر میں فوت ہوئے:

عمرو بن جابر الجني، أحد مَن وفدَ علي النبي، من الجن ... أما إنه كان آخر التسعة- الذين أتوا رسول الله يستمعون القرآن - موتا.

( الإصابة، جلد: 4، صفحة: 503، رقم: 5806، طبع: دار الكتب العلمية، بيروت، لبنان.)

17) *عمرو بن طلق* 

عمرو بن طلق الجني، ويقال : عمرو بن طارق.

 (الإصابة، جلد: 4، صفحة: 537، رقم: 5895، طبع: دار الكتب العلمية، بيروت، لبنان.) 

18) *عمرو الجني*

عمرو الجني، له قصة مع أبي رجاء، تقدم في عمرو بن جابر ما يدل علي أنه غيره.

 (الإصابة، جلد: 4، صفحة: 581، رقم: 6006، طبع: دار الكتب العلمية، بيروت، لبنان.) 

19)  *سُرَّق*

سرق، آخر، هو من الجن الذين آمنوا،

(الإصابة، جلد: 3، صفحة: 38، رقم: 3130، طبع: دار الكتب العلمية، بيروت، لبنان.)

20)  *وردان* 

وردان الجني:

( أسد الغابة في معرفة الصحابة، صفحة: 1241، رقم : 5462، طبع: دار ابن حزم، بيروت، لبنان.)

والله تعالي أعلم

✍🏻... كتبه: *محمد عدنان وقار صديقي*

11 فروري: 2021

ادھورے کام پورے ہونگے

 ▪️ *ادھورے کام پورے ہونگے* ▪️

  مولانا صلاح الدین سیفی صاحب کی ایک ویڈیو کلپ وائرل ھے جس میں وہ ایک دعا بیان فرمارھے ہیں : جو شخص صبح و شام سات مرتبہ یہ دعا پڑھے:《حسبي الله الذي لا إله إلا هو عليه توكلت وهو رب العرش العظيم》 ﷲ اسکے ادھورے کام پورے فرمایئنگے خواہ پڑھنے والا سچے دل سے پڑھے یا جھوٹے دل سے پڑھے.

اس دعا کی تحقیق و حوالہ مطلوب ھے!!!

••• *باسمہ تعالی* •••

*الجواب وبہ التوفیق:* 

  یہ دعا امام ابوداود نے سنن ابوداود کے اندر( موقوفا) حضرت ابوالدرداء سے روایت کی ھے جسکے روات ثقہ ( معتبر ) ہیں ؛ تاہم محقق د/ شعیب الارنؤوط صاحب نے اپنی تحقیق میں لکھا ھے : کہ اسکا متن ( چاہے سچے دل سے پڑھے چاہے جھوٹے دل سے پڑھے) یہ کسی راوی کی زیادتی ھے : 

💠 حدثنا يزيد بن محمد الدمشقي، قال: حدثنا عبد الرزاق بن مسلم الدمشقي - وكان من ثقات المسلمين من المتعبدين- قال: حدثنا مدرك بن سعد، قال: يزيد - شيخ ثقة - عن يونس بن ميسرة بن حَلْبَس، عن أم الدرداء، عن أبي الدرداء قال: عن أبي الدَّرداءِ، قال: مَن قال إذا أصبَحَ وإذا أمْسى: حَسْبيَ اللهُ، لا إلهَ إلَّا هو، عليه تَوكَّلتُ، وهو ربُّ العَرشِ العَظيمِ، سَبعَ مرَّاتٍ، كَفَاهُ اللهُ ما همَّه، صادِقًا كان بها أو كاذِبًا.

٭ المصدر: سنن أبي داود

٭ المجلد: 7

٭ الصفحة: 414

٭ الرقم: 5081

٭ الدرجة: رجاله ثقات، وهو موقوف، وفي متنه زيادة منكرة.

٭ الطبع: دار الرسالة العالمية، بيروت، لبنان.

🔮 *عمل اليوم والليلة* 🔮

   امام ابن السنی نے عمل الیوم واللیلہ میں یہ روایت مرفوعا( نبی کریم ) سے روایت کی ھے ؛ لیکن اس میں _صادقا کان بہا او کاذبا_ کے الفاظ نہیں ہیں: 

حدثني احمد بن سليمان الجرمي، حدثنا احمد بن عبد الرزاق الدمشقي، حدثني جدي عبد الرزاق بن مسلم الدمشقي، حدثنا مدرك بن سعد أبوسعد، قال: سمعت يونس بن حلبس، يقول: سمعت أمَّ الدّرداء عن أبي الدرداء ، عن النبي ﷺ، قال: مَن قال في كلِّ يومٍ حينَ يُصبِحُ وحينَ يُمْسي: حَسبيَ اللهُ لا إلهَ إلَّا هو، عليه تَوكَّلْتُ، وهو ربُّ العَرشِ العَظيمِ، سَبعَ مراتٍ، كَفاه اللهُ -عزَّ وجلَّ- ماهَمَّه من أمرِ الدُّنيا والآخِرةِ.

٭ المصدر: عمل اليوم والليلة

٭ المحدث:

٭ الصفحة: 36

٭ الرقم: 71

٭ الدرجة: صحيح

٭ الطبع: مكتبة دار البيان، دمشق، سوريا.

🕯️ *خلاصۂ کلام* 🕯️

  مذکورہ دعا مستند و قابل عمل و بیان ھے ؛ تاہم سچے دل سے ہی پڑھی جائے ۔

وﷲ تعالی اعلم

✍🏻... کتبہ: *محمد عدنان وقار صدیقی*

10 فروری : 2021

کون کس کی خاطر پیدا ہوا

 ▪️ *کون کس کی خاطر پیدا ہوا* ▪️

    ایک روایت کے متعلق پوچھنا ھے: اسکا مفہوم یہ ھے: ﷲ تعالی فرماتا ھے میں نے محمد کو اپنی خاطر , آدم کو محمد کی خاطر, اور باقی سب کچھ آدم کیلیے پیدا کیا, اب جو شخص اس چیز میں لگے گا جو میں نے اس کی خاطر پیدا کی تو وہ چیز اسکو مجھ سے دور کردیگی , مگر جو شخص سب سے منہ موڑ کر میری یاد میں مشغول ہوگا تو میں ہر اس چیز کا رخ اسکی طرف کردونگا جو میں نے اسکی خاطر پیدا کی ھے۔

••• *باسمہ تعالی* •••

*الجواب وبہ التوفیق:* 

  یہ روایت بلا سند " قوت القلوب " میں شیخ ابو طالب مکی نے ذکر کی ھے: 

وفي أخبار داود عليه السلام:  إني خلقت محمدا لأجلي، وخلقت آدم لأجل محمد، وخلقت ما خلقت لاجل ولد آدم، فمن اشتغل منهم بما خلقته لاجله، حجبته عني، ومن اشتغل منهم بي، سقت إليه ما خلقته لاجله.

٭ المصدر: قوت القلوب

٭ المؤلف: الشيخ ابو طالب المكي

٭ المجلد: 2

٭ الصفحة: 696

٭ الطبع: مكتبة دار التراث، القاهرة، مصر.

🔰 البتہ ایک روایت قدسی ھے: کہ اے اولاد آدم! میری بندگی کیلیے فارغ ہوجایا کر! میں تیرے دل کو بے نیاز کردونگا, ورنہ اگر غفلت کی تو تو دل کو دیگر امور میں مشغول کردونگا اور تیری حاجت بہی پوری نہ کرونگا۔

حدثنا محمد بن عبد الله، حدثنا عمران يعني ابن زائدة بن نشيط عن أبيه عن أبي خالد، عن أبي هريرة قال: قال رسول الله: قال الله عز وجل: يا ابن آدم! تفرغ لعبادتي! أملأ صدرك غنيً، و أسد فقرك، وإلا تفعل، ملأت صدرك شغلا، ولم أسد فقرك.

٭ المصدر: جامع الأحاديث القدسية

٭ المحدث: ابو عبد الرحمن عصام الدين الصبابطي

٭ المجلد: 3

٭ الصفحة: 396

٭ الدرجة: حسن لغيره

٭ الطبع: دار الريان،قاهرة، مصر.

 🕯️ *خلاصہ کلام* 🕯️

  سوال میں معلوم کردہ روایت کی سند موجود نہیں ؛ لہذا بیان موقوف رکھا جائے۔

وﷲ تعالی اعلم

✍🏻...کتبہ: *محمد عدنان وقار صدیقی*

10 فروری : 2021

اونٹ خریدنے کا واقعہ

 ▪️ *اونٹ خریدنے کا واقعہ* ▪️

 رضاخانی مشہور واعظ " ثاقب رضا مصطفائی " بیان کرتے ہیں

ایک دن حضور اکرم  سیر کرتے کرتے مدینہ منورہ سے باہر کسی چراگاہ میں تشریف لے گئے، وہاں کسی قافلے نے پڑاؤ کیا ہوا تھا، اس جگہ قافلے والوں کے سرخ رنگ کے کچھ اونٹ چر رہے تھے، ان اونٹوں میں سے ایک اونٹ حضور نبی کریم صلی الله علیہ وآله واصحابہ وسلم کو پسند آگیا، اس اونٹ کے نصیب کہ وہ حضور نبی کریم صلی الله علیہ وسلم کو پسند آگیا، حضور نبی کریم صلی الله علیہ وسلم نے قافلے والوں سے پوچھا کہ یہ اونٹ بیچتے ہو؟ قافلے والوں نے پتہ نہیں اونٹ بیچنا تھا یا نہیں، مگر حضور نبی کریم صلی الله علیہ وسلم کے پوچھنے پر قافلے والوں نے کہا: جی بیچنا ہے، پوچھا گیا کتنےکا بیچنا ہے؟ کہا گیا: اتنے کا بیچنا ہے، سودا طے ہونے لگا، حضور نبی کریم صلی الله علیہ وسلم نے فرمایا: ٹھیک ہے میں اس اونٹ کو خریدتا ہوں، اونٹ کی قیمت تو طے ہو چکی ہے، بات یہ ہے کہ میں گھر سے اونٹ خریدنے کی نیت سے تو نکلا نہیں تھا، یہ تو سیر کے لئے چلتے چلتے یہاں آ پہنچا اور مجھے اونٹ پسند آگیا، قیمت تو ساتھ لے کر نکلا نہیں، اس لئے ابھی اونٹ کی قیمت ادا کرنے کے لئے میرے پاس تو کچھ نہیں ہے، ہاں میں واپس جا کر اس اونٹ کی قیمت آپ کو بھیج دیتا ہوں، قافلے والوں نے کہا: ہمیں منظور ہے، قافلے والے کافی دیر حضور نبی کریم صلی الله علیہ وآلہ واصحابہ وسلم کو دیکھتے رہے، حضور نبی کریم صلی الله علیہ وآلہ واصحابہ وسلم نے اونٹ پکڑا اور واپس مدینہ منورہ کی طرف چل دیئے،  قافلے والے حضور نبی کریم صلی الله علیہ وآلہ واصحابہ وسلم کے چلنے کی رفتار کے حسن میں کھو گئے، جب حضور نبی کریم صلی الله علیہ وسلم نظروں سے اوجھل ہو گئے تو قافلے والے اپنے دلوں پر ہاتھ رکھ کر کھڑے ہو گئے، تھوڑی دیر بعد جب وہ سکتے کی حالت سے باہر آئے تو ایک دوسرے سے پوچھنے لگے: یار یہ جو شخص ہم سے اونٹ لے کر چلا گیا کوئی جانتا ہے یہ کون تھا؟ کسی نے اس شخص کا پتہ بھی پوچھا تھا کہاں سے آیا اور وہ کہاں گیا؟ وہاں پر موجود افراد نے کہا: نہیں، ہم میں سے کوئی نہیں جانتا وہ شخص کون تھا، کہاں سے آیا اور اونٹ لے کر کہاں گیا ہے، اونٹ کا مالک بولا: یار یہ تو عجیب کہانی ہے، ایک شخص نے یہاں اونٹ کو پسند کیا، اس کی قیمت طے کی اور یہ بتا کر کہ میں اس کی قیمت واپس جا کر بھیج دیتا ہوں اونٹ لے کر چلا گیا، ہم میں سے کسی کو اپنا پتہ بھی نہیں بتایا نہ اپنی کوئی چیز ہمارے پاس گروی رکھی نہ ہی یہاں کسی کو اپنا ضامن رکھ کر گیا ہے، جب یہ باتیں ہو رہی تھیں تو قافلے والوں میں سے ایک شخص بولا: یار وہ شخص جب بول رہا تھا تو اس کے منہ سے نور جھڑکتا تھا، میں تو اس کے چہرے کی طرف ہی دیکھتا رہ گیا، پھر دوسرا شخص بھی بول اٹھا: ہاں یار جب وہ شخص مسکرا کر بات کر رہا تھا میں تو اس کے مسکرانے کے انداز میں ہی کھو کر رہ گیا، ایک اور شخص نے کہا: یار میں تو اس شخص کی زلفوں کے پیچ و خم میں ہی کھو گیا، ایک کہنے لگا کہ میں تو اس شخص کی آنکھوں میں ہی ڈوب کر رہ گیا..                      

قافلے میں موجود ہر شخص کی زبان پر بس ایک ہی بات تھی یار ہم تو اس شخص کے حسن میں اس طرح کھوۓ کہ کسی کو اس کا پتہ پوچھنا ہی یاد نہ رہا.

اونٹ کے مالک نے کہا: اب جو بھی ہوا سو ہوا، وہ شخص ہم سب کو اپنے حسن کا جادو دکھا کر ہمارا قیمتی اونٹ ہتھیا کر چلا گیا، اب وہ واپس نہیں آئےگا، جب اس شخص کی زبان سے یہ لفظ نکلا کہ وہ ہم سے ہمارا قیمتی اونٹ ہتھیا کر چلا گیا، تو اب تک خاموش بیٹھی قافلے کے سردار کی بیوی نے اپنے خیمے کا پردہ سرکایا اور اس (جملے کو کہنے والے) شخص کو مخاطب کرتے ہوئے کہا: سنو اگر وہ شخص تمہیں تمہارے قیمتی اونٹ کی قیمت دینے نہ آیا تو میں اس کی ضامن ہوں، میں تمہیں اس اونٹ کی قیمت ادا کروں گی، اونٹ کا مالک بولا: اچھا تو آپ اس شخص کو جانتی ہیں؟ وہ عورت بولی: والله جانتی تو میں بھی اس شخص کو نہیں ہوں، پھر قافلے سے کوئی بولا: آپ جانتی نہیں تو اس کی ضمانت کیسے دے رہی ہیں؟ اس عورت نے کہا: جب آپ سب لوگ اس شخص سے اونٹ کا سودا طے کر رہے تھے تو اپنے خیمے کی اوڑھ سے میں نے اس شخص کا چہرہ دیکھا تھا بس میں نے اس کی ضمانت اسی لئے دی ہے کہ جس کا چہرہ اتنا سوہنا ہو وہ جھوٹا ہو ہی نہیں سکتا، اس بات کو ابھی تھوڑی ہی دیر گذری تھی کہ ایک شخص قافلے والوں کے پاس آیا اور ان کو مخاطب کرتے ہوئے بولا: یہ لو کھجوریں رسول الله صلی الله علیہ وسلم نے یہ کھجوریں آپ قافلے والوں کی ضیافت کے لئے بھیجی ہیں، ان کجھوروں سے اپنے اونٹ کی قیمت پوری کر لو، قافلے والوں نے کھجوریں نظرانہ لے کر آنے والے شخص کی بات سن کر کہا: ہم اونٹ کی قیمت کیا لیں گے، ہم تو خود اس کی اداؤں کے سامنے بک گئے ہیں.

قافلے والوں نے کجھوریں لانے والے شخص سے پوچھا: ہمیں یہ بتاؤ کہ وہ حسیں حسن والا سوہنا شخص رہتا کہاں ہے؟ اس شخص نے کہا: وہ جو سامنے نخلستان نظر آرہا ہے وہ جو کھجوروں کے جھنڈ دکھائی دے رہے ہیں وہی ڈیرہ ہے اس مدینے والے مدنی ماہی کا، اس کے بعد وہ پورا کا پورا قافلہ مدینہ منورہ میں حضور نبی کریم صلی الله علیہ وآله واصحابہ وسلم کی بارگاہ اقدس میں حاضر ہوا اور حضور نبی کریم صلی الله علیہ وآله واصحابہ وسلم کے ہاتھوں میں ہاتھ دے کر اسلام قبول کر لیا.

*کیا یہ پورا واقعہ درست ہے؟*

••• *باسمہ تعالی* •••

*الجواب وبہ التوفیق:* 

   جی یہ واقعہ متعدد کتب میں محدثین نے ذکر کیا ھے, چند حوالہ جات ملاحظہ ہوں: 

🔳 *المواهب اللدنية* 🔳

 وفد طارق بن عبد الله وقومه, روى البيهي عن جامع بن شداد قال: حدَّثني رجل يقال له طارق بن عبد الله قال: إني لقائم بسوق ذي المجاز إذ أقبل رجل وهو يقول: أيها الناس, قولوا لا إله إلا الله تفلحوا، ورجَّع يتبعه يرميه بالحجارة يقول: يا أيها الناس, إنه كذاب فلا تصدقوه، فقلت من هذا؟ فقالوا: هذا غلام من بني هاشم يزعم أنه رسول الله. قلت: من ذا الذي يفعل هذا؟ قالوا: عمه عبد العزّى.

 قال: فيما أسلم الناس وهاجروا، خرجنا من الربذة نريد المدينة نمتار من تمرها، فلمَّا دنونا من حيطانها ونخلها قلنا: لو نزلنا فلبسنا ثيابًا غير هذه، فإذا رجل في طمرين له فسلم, وقال: من أين أقبل القوم؟ قلنا: من الربذة، قال: وأين تريدون؟ قلنا: نريد المدينة، قال: ما حاجتكم فيها؟ قلنا: نمتار من تمرها، قال: ومعنا ظعينة لنا، ومعنا جمل أحمر مخطوم، فقال: "أتبيعون جملكم هذا"؟ قالوا: نعم, بكذا وكذا صاعًا من تمر، فأخذ بخطام الجمل فانطلق، فلمَّا توارى عنَّا بحيطان المدينة ونخلها قلنا: ما صنعنا، والله ما بعنا جملنا ممن نعرف, ولا أخذنا له ثمنًا. قال: تقول المرأة التي معنا: والله لقد رأيت رجلًا كأنَّ وجهه قطعة القمر ليلة البدر، أنا ضامنة لثمن جملكم, وفي رواية ابن إسحاق: قالت الظعينة: فلا تلاوموا، لقد رأيت وجه رجل لا يغدر بكم، ما رأيت شيئًا أشبه بالقمر ليلة البدر من وجهه؛ إذ أقبل رجل فقال: أنا رسول رسول الله -صلى الله عليه وسلم- إليكم، هذا تمركم, فكلوا واشبعوا واكتالوا، واستوفوا، فاكلنا حتي شبعنا، واكتلنا واستوفينا، ثم دخلنا المدينة، فلما دخلنا المسجد، إذا هو قائم علي المنبر، يخطب الناس، فأدركنا من خطبته وهو يقول: تصدقوا فان الصدقة خير لكم، اليد العليا خير من اليد السفلي.

٭ المصدر: المواهب اللدنية 

٭ المحدث: العلامة احمد القسطلاني

٭ المجلد: 2

٭ الصفحة: 199

٭ الطبع: المكتب الإسلامي، بيروت، لبنان.

🔆 *البداية والنهاية* 🔆

  امام ابن کثیر دمشقی نے بھی یہ واقعہ تاریخ ابن کثیر میں ذکر فرمایا ھے اور الفاظ وہی ہیں جو المواہب اللدنیہ میں بحوالہ بیہقی مذکور ہیں: 

٭ المصدر: البداية والنهاية 

٭ المجلد: 7

٭ الصفحة: 346

٭ الطبع: دار هجر للطباعة والنشر، جيزة، مصر.

✴️ *صحيح السيرة النبوية* ✴️

شیخ ابراھیم العلی نے سیرت کے متعلق ایک کتاب تالیف کی ھے جس میں انہوں نے التزام فرمایا ھے کہ وہ سیرت کے متعلق فقط روایات صحیحہ ذکر کریں گے ,ضعیف , من گھڑت اور دیگر خرافاتی روایات سے کتاب کو دور رکھیں گے , موصوف نے اس کتاب میں یہ واقعہ ذکر کیا ھے: 

∅ المصدر: صحيح السيرة النبوية

∅ المؤلف: إبراهيم العَلي

∅ الصفحة: 515

∅ الرقم: 802

∅ الطبع: دار النفائس، الأُرْدن.

🔮 *دلائل النبوة*🔮

  امام بیہقی نے دلائل النبوہ میں یہ واقعہ سندا ذکر کیا ھے, یہ وہی کتاب ھے جس کے حوالے سے علامہ قسطلانی نے المواھب اللدنیہ میں اور امام حافظ ابن کثیر نے تاریخ ابن کثیر میں بیان کیا ھے: 

أخبرنا أبو الحسين بن الفضل القطان، أنبأنا اسماعيل بن محمد الصَّفَّار، حدثنا محمد بن الجهم، حدثنا جعفر بن عون، حدثنا ابو جناب الكلبي، حدثنا جامع بن شداد المحاربي، قال: حدثنا رجل رجل من قومه يقال له "طارق بن عبد الله " الخ...

٭ المصدر: دلائل النبوة 

٭ المحدث: ابوبكر البيهقي 

٭ المجلد: 5

٭ الصفحة: 380

٭ الطبع: دار الكتب العلمية، بيروت، لبنان.

💎 *زاد المعاد* 💎

    امام ابن القیم الجوزی بہی اس کو ذکر کرنے والوں میں سے ہیں , اسکا ذکر انہوں نے " زاد المعاد" میں کیا ھے: 

• المصدر: زاد المعاد 

• المحدث: ابن القيم 

• الصفحة: 569

• الطبع: مؤسسة الرسالة، بيروت، لبنان.

💠 *الإحسان في تقريب صحيح ابن حبان* 💠

    ابن بلبان نے یہ روایت ذکر کی ھے: اور محقق د/ شعیب الارنؤوط نے اسکو صحیح کہا ھے: 

÷ المصدر: الاحسان في تقريب صحيح ابن حبان

÷ المحدث: ابن بلبان الفارسي

÷ المحقق: شعيب الارنؤوط

÷ المجلد: 14

÷ الصفحة: 517

÷ الرقم: 6562

÷  الطبع: مؤسسة الرسالة، بيروت، لبنان.

💟 *مستدرك حاكم* 💟

     امام حاکم نیشاپوری نے مستدرک میں یہ روایت ذکر کی ھے, اور امام شمس الدین ذھبی نے تلخیص میں اسکو صحیح کہا ھے: 

× المصدر: المستدرك للحاكم

× المجلد: 2

× الصفحة: 668

× الرقم: 4219

× الطبع: دار الكتب العلمية، بيروت، لبنان.

🕯️ *خلاصۂ کلام* 🕯️

  سوال میں جس واقعے کے متعلق پوچھا گیا ھے اسکو خطیب نے طول دیا ھے واقعہ اتنا ھے: جب حضرت طارق بن عبد ﷲ اور ان کی قوم کے چند افراد( مسلمان ہونے کے بعد ) بغرض تجارت ( کھجور کی خرید و فروخت کیلیے ) مدینہ آئے تو مدینہ آنے سے قبل انہوں نے پڑاؤ ڈالا تاکہ سفر کی تکان اتارلیں اور لباس تبدیل کرلیں تبہی ایسا ہوا کہ ایک شخص جو پرانے کپڑوں میں ملبوس تہا آیا اور سلام کیا اور اہل قافلہ سے معلوم کیا : کون ہو؟ کہاں سے آرھے ہو, بتایا گیا : ہم ربذہ سے آرھے ہیں مدینہ منورہ کا ارادہ ھے , اور ہمارا مقصد کھجور کی فروخت ھے , اور قافلے والوں نے بتایا: ہمارے ساتھ کجاوے میں ایک پردہ نشیں خاتون بھی ھے اور ہمارے پاس سرخ اونٹ ھے جس کی ناک میں نکیل ہے, اس شخص ( حضور اکرم) نے کہا: وہ اونٹ فروخت کروگے؟ انہوں نے کہا: کہ ہاں! بیچ دیں گے اور بھاؤ طے ہوگیا , ابہی خریدار شخص نے قیمت ادا بہی نہ کی کہ وہ اونٹ لے کر چلا گیااور مدینہ کی آبادی میں اوجہل ہوگیا , اہل قافلہ حیران! کہ بنا قیمت دیئے ہی چلا گیا تبہی ان کی پردہ نشیں خاتون نے کہا: میں نے اس شخص کا چہرہ دیکھا ھے گویا چودھویں کا چاند تہا اسکو برا مت کہو! مجھے یقین ھے وہ دھوکہ نہیں دے گا اور میں گارنٹی لیتی ہوں اگر وہ قیمت ادا کرنے نہ آیا تو میں ادا کردونگی, تبہی ایک شخص آیا اور کہنے لگا: میں رسول خدا کا قاصد ہوں اور تمہاری قیمت کے طور پر کھجور لایا ہوں , ناپ لو , خیر قیمت پوری تہی , تب یہ قافلہ مدینہ میں داخل ہوا اور مسجد نبوی پہونچا دیکہا یہی شخص ( نبی اکرم) منبر پر کھڑے بیان فرمارھے ہیں اور راوی کہتے ھے: کہ مجھے ان کی تقریر میں یہ بات بخوبی یاد ھے وہ فرمارھے تھے صدقہ کیا کرو! کیونکہ صدقہ تمہارے لیے بہتر ھے, اور دینے والا ہاتھ مانگنے والے ہاتھ سے بہتر ھے۔ 

وﷲ تعالی اعلم

✍🏻... کتبہ: *محمد عدنان وقار صدیقی* 

8 فروری : 2021

آپ کا کوئی مماثل ہی نہیں رب کی قسم

 ▪️ *آپؐ کا کوئی مماثل ہی نہیں رب کی قسم* ▪️ 

   نعت کا ایک مشہور شعر ھے : وہ محمد فخر عالم ھادیٔ کُل انس و جاں , سروَرِ کونین سلطانِ عرب شاہ عجم, ایک دن جبرئیلؑ سے کہنے لگے شاہِ امم, تم نے دیکھا ھے جہاں ؛ بتلاؤ تو کیسے ہیں ھم؟ عرض کی جبرئیلؑ نے : اے شاہِ دیں! اے محترم! آپؐ کا کوئی مماثل ہی نہیں رب کی قسم.

  کیا یہ شعر حدیث سے ثابت ھے؟ از راہِ کرم وضاحت فرمادیں!!!

••• *باسمہ تعالی* •••

*الجواب وبہ التوفیق:* 

   جی ہاں! ان اشعار میں ایک حدیث کا مفہوم ھے؛ امام طبرانیؒ , حافظ الدنیا ابن حجر عسقلانیؒ, امام بیہقیؒ  اور امام ہیثمیؒ نے یہ روایت ذکر کی ھے: کہ حضرت عائشہؓ سے مروی ھے جبرئیلؑ نے حضور اقدسؐ سے عرض کیا: کہ میں نے مشرق و مغرب دیکھا ھے لیکن آپؐ سے افضل کوئی ھے ہی نہیں: 

🔹 *المعجم الاوسط* 🔹

حدثنا محمد بن علي، نا حفص بن عبد الله الْحُلْوانِيُّ، ثنا بكّار بن عبد الله الربذيّ، عن موسي بن عبيدة، قال: أخبرني عمرو بن عبد الله بن نوفِل العوفِيُّ، عن ابن شهاب، عن أبي سلمة، عن عائشة، عن رسول الله، عن جبرئيل، قال: قلَّبْتُ مشارق الأرض و مغاربها، فلم أجد رجلا أفضل من من محمد، ولم أر بيتا أفضل من بيت بني هاشم .

لا يُرْوٰي هذا الحديث عن الزهري إلا بهذا الإسناد، تفرد به موسي بن عبيدة، ولا يروي عن عائشة الا بهذا الاسناد.

٭ المصدر: المعجم الأوسط

٭ المجلد: 6

٭ الصفحة: 237

٭ الرقم: 6285

٭ الطبع: دار الحرمين قاهرة، مصر.

🔰 *مجمع الزوائد* 🔰

وعن عائشة عن النبي عن جبرئيل، قال: قلبت مشارق الارض ومغاربها، فلم أر رجلا أفضل من محمد، ولم أر بيتا أفضل من بيت بني هاشم. 

وفيه موسي بن عبيدة الربذي، وهو ضعيف.

٭ المصدر: مجمع الزوائد 

٭ المجلد: 17

٭ الصفحة: 73

٭ الرقم: 13850

٭ الدرجة: ضعيف

٭ الطبع: دار المنهاج، جدة، السعودية.

 

🔮 *الأمالي المطلقة* 🔮

  حافظ ابن حجر عسقلانیؒ نے یہ روایت نقل فرماکر کہا: اس روایت کے الفاظ سے سچائی کے آثار عیاں ہیں ۔

أخبرني أبو الحسن ابن الجوزي، عن أبي الفضل بن أبي طاهر، قال: أخبرنا علي بن هبة الله، قال: قرئ علي شهدة وانا اسمع، أن الحسين بن أحمد أخبرهم، قال: أخبرنا أبوعمر بن مهدي، قال: حدثنا الحسين بن أسماعيل، قال: حدثنا أحمد بن محمد بن يحي بن سعيد، قال: حدثنا بهلول بن مورع، عن موسي بن عبيدة، عن عمرو بن عبد الله، عن الزهري، عن أبي سلمة، عن عائشة، عن النبي، قال: قال جبرئيل: قلبت مشارق الأرض ومغاربها، فلم أر رجلا أفضل من محمد، وقلبت مشارق الأرض ومغاربها، فلم أر بيتا افضل من بيت بني هاشم.

هذا حديث غريب، أخرجه الطبراني في الأوسط من رواية بكار، وأخرجه البيهقي في الدلائل من رواية بهلول، فوقع لنا عاليا علي طريق كل منهما بدرجة، قال الطبراني: لا يروي عن عائشة الا بهذا الاسناد، تفرد به موسي بن عبيدة، وموسي وإن كان ضعيفا وشيخه وإن كان مجهولا ؛لكن لوائح الصدق لائحة علي صفحات هذا المتن. والله اعلم. ( آخر المجلس الحادي والتسعين) 

٭ المصدر: الأمالي المطلقة

٭ المحدث: ابن حجر العسقلانيؒ

٭ الصفحة: 72

٭ الرقم: 91

٭ الطبع: المكتب الإسلامي، بيروت، لبنان.

💎 *دلائل النبوة* 💎

  امام بیہقیؒ نے یہ روایت ذکر فرماکر امام احمدؒ کا قول نقل کیا ھے کہ روایت اگر چہ ضعیف ھے ؛ لیکن اس کے معانی کو دیگر روایات سے تقویت ملتی ھے: 

وأخبرنا أبو عبد الله الحافظ، قال: حدثنا أبوبكر محمد بن عبد الله بن عتاب العبدي - ببغداد- قال: حدثنا محمد بن أحمد بن أبي العوّام الرِّياحي، قال: أخبرنا بُهْلُوْل بن الْمُوَرِّقِ، قال:حدثنا موسي بن عبيدة، قال: حدثنا عمرو بن عبد الله بن نوفل، عن الزهري، عن ابي سلمة، عن عائشة قالت: قال رسول الله: قال لي جبرئيل: قلبت الارض مشارقها و مغاربها، فلم أجد رجلا أفضل من محمد، و قلبت الأرض مشارقها و مغاربها، فلم أجد بيتا أفضل من بيت بني هاشم، [ قال أحمد: هذه الأحاديث وإن كان في روايتها من لا تصح به، فبعضها يؤكد بعضا، ومعني جميعها يرجع لما روينا عن واثلة بن الاسقع، وأبي هريرة.  دلائل النبوة /1، ص: 166]

  

٭ المصدر: دلائل النبوة

٭ المحدث: ابوبكر البيهقيؒ

٭ المجلد: 1

٭ الصفحة: 176

٭ الطبع: دار الكتب العلمية، بيروت، لبنان.

والله تعالي أعلم 

✍🏻... كتبه: *محمد عدنان وقار صؔديقي* 

8 فروري: 2021

حضور کے مشابہ لوگ

 ▪️ *وہ حضرات جو صورتا کسی نہ کسی زاویہ سے نبی اکرم کے مشابہ تھے* ▪️

  مجھے یہ جاننا ھے کیا ہماری امت میں صحابہ کرام میں سے یا غیر صحابہ میں سے کوئی شخص حضور اکرم سے دیکہنے بھالنے ( صورت ) میں  مشابہت رکہتا تھا؟

••• *باسمہ تعالی* •••

*الجواب وبہ التوفیق:* 

ایسے بہت سے لوگ ہوئے ہیں جو آنحضور کے مشابہ ہوئے ہیں : 

 1) حضرت آدم, 2) حضرت ابراہیم, 3) حضرت حسن , 4) حضرت حسین, 5) حضرت سیدہ فاطمہ , 6) حضرت ابراہیم فرزند نبی کریم , 7) حضرت جعفر طیار , 8) حضرت جعفر کے دو صاحبزادے 9) عبد ﷲ اور)10 عون, اور آپ کے چچا زاد بھائی 11) حضرت قثم بن عباس, 12) ابو سفیان بن نوفل بن الحارث بن عبد المطلب, 13) عبد اللہ بن الحارث بن عبد المطلب, 14) محمد بن عقیل, 15) مسلم بن عقیل, 16) سائب بن یزید امام شافعی کے جد امجد, 17) عبد ﷲ بن عامر بن کریز العبشمی , 18) کابس بن ربیعہ بن عدی, 19) علی بن نِجاد الرفاعی الیشکری, 20) قاسم بن عبد ﷲ بن محمد بن عقیل, 21) قاسم بن محمد ,22) ابراہیم بن عبد ﷲ بن الحسن بن الحسن ابن علی بن ابی طالب, 23) یحی بن القاسم بن جعفر بن محمد بن علی بن الحسین بن علی بن ابی طالب , 24) عبید ﷲ بن ابی طلحہ الخولانی, 25) مسلم بن معتِّب بن ابو لہب, 26) ثابت بنانی, 27) قتادہ بن دعامہ, 28) حضرت مہدی ,29) 

ایک قول حضرت عثمانی غنی کے متعلق بہی ھے ؛ لیکن بقول حافظ وہ قول من گھڑت ھے.

ان اسمائے گرامی کو شیخ رملی وغیرہ نے منظوم بہی کیا ھے:

🕯️ *سبل الهدي والرشاد* 🕯️

(الباب الثالث والعشرون في معرفة الذين كانت صفات أجسادهم تقرب من صفات جسده صلى الله عليه وسلم)

 وهم: آدم أبو البشر صلى الله عليه وسلم. ذكره صاحب (استجلاب ارتقاء الغرف بحب أقرباء الرسول وذوي الشرف).

وإبراهيم نبي الله ورسوله وخليله صلى الله عليه وسلم: جاء في غير ما حديث صحيح أنه كان يشبهه صلى الله عليه وسلم.

ومن أمته: أبو محمد الحسن وأبو عبد الله الحسين ابنا علي رضي الله تعالى عنهم.

روى البخاري عن ابن سيرين عن أنس قال: كان الحسن بن علي أشبههم برسول الله صلى الله عليه وسلم.

وروى البخاري أيضا عن الزهري عن أنس قال: لم يكن أحد أشبه بالنبي صلى الله عليه وسلم من الحسين بن علي. وفي لفظ لغيره: كان أشبههم وجها بالنبي صلى الله عليه وسلم.

قال الحافظ: قوله أشبههم أي أشبه أهل البيت. وقول أنس في رواية ابن سيرين يعارض قوله في رواية الزهري. ويمكن الجمع بأن يكون أنس قال ما قال في رواية الزهري في حياة الحسن لأنه كان يومئذ أشد شبها بالنبي صلى الله عليه وسلم من أخيه الحسين. وأما ما وقع في رواية ابن سيرين فكان بعد ذلك كما هو  ظاهر من سياقه والمراد: من فضل عليه الحسين في الشبه كان من عدا الحسن. ويحتمل أن يكون كل منهما كان أشد شبها به في بعض أعضائه فقد روى الترمذي وابن حبان من طريق هانئ بن هانئ عن علي قال: الحسن أشبه برسول الله صلى الله عليه وسلم ما بين الرأس إلى الصدر، والحسين أشبه بالنبي صلى الله عليه وسلم ما كان أسفل من ذلك.

وفي رواية عن أنس: كان الحسن أشبههم وجها. وهو يؤيد حديث علي انتهى.

* وأم الحسن، السيدة فاطمة الزهراء أمهما رضي الله تعالى عنهم.

* وأخوها إبراهيم ابن سيد الخلائق صلى الله عليه وسلم.

روى الخرائطي في (اعتلال القلوب) عن عبد الله بن عمر رضي الله تعالى عنهما أن رسول الله صلى الله عليه وسلم دخل على مارية وهي حامل منه بإبراهيم فذكر حديثا فيه أن جبريل صلى الله عليه وسلم بشره أنه أشبه الخلق به.

* وجعفر بن أبي طالب ذو الجناحين ابن عم رسول الله صلى الله عليه وسلم في صحيح البخاري أنه صلى الله عليه وسلم قال له: أشبهت خلقي وخلقي .

* وابناه عون وعبد الله.

روى النسائي عن عبد الله بن جعفر أن رسول الله صلى الله عليه وسلم قال لأخيه عون: إنه أشبه خلقي وخلقي.

* وقثم ابن سيدنا العباس عم رسول الله صلى الله عليه وسلم. وصفه ابن السكن بذلك.

* وأبو سفيان بن نوفل بن الحارث بن عبد المطلب رضي الله عنه.

* وابن ابنه عبد الله بن الحارث بن نوفل بن عبد المطلب الملقب فيما ذكر في (المحبر) و (الاستيعاب) بذلك أمير البصرة.

* وعبد الله بن نوفل بن الحارث بن عبد المطلب قال الزبير بن بكار: كان يشبه النبي صلى الله عليه وسلم.

* ومحمد ومسلم. ذكرهما ابن حبان في الثقات بذلك، ابنا عقيل بن أبي طالب.

* والسائب بن يزيد، الجد الأعلى للإمام الشافعي رضي الله تعالى عنهما، وصفه الزبير بن بكار بذلك.

روى الحاكم في مناقب الشافعي عن أنس بن مالك رضي الله تعالى عنه قال: كان رسول الله صلى الله عليه وسلم ذات يوم في فسطاط إذ جاء السائب بن عبيد الله ومعه ابنه فقال: (من سعادة المرء أن يشبه أباه)  وهذا الابن هو شافع بن السائب - ويمكن أن يعد هذا الولد في الأشباه أيضا لهذا.

* وعبد الله بن عامر بن كريز العبشمي.

* وكابس بن ربيعة بن عدي.

* وعلي بن نجاد بنون مكسورة فجيم خفيفة - ابن رفاعة الرفاعي اليشكري - بمثناة تحتية مفتوحة ومعجمة ساكنة.

* والقاسم بن عبد الله بن محمد بن عقيل.

* وعبد الله بن محمد بن عقيل بن أبي طالب ذكره المزي في ترجمة والده بذلك.

* والقاسم بن محمد. قال عبيد الله بن إسحاق فيما نقله العسكري كان أشبه الخلق برسول الله صلى الله عليه وسلم.

* وإبراهيم بن عبد الله بن الحسن بن الحسن أمير المؤمنين ابن أمير المؤمنين علي بن أبي طالب رضي الله تعالى عنهم.

* ويحيى بن القاسم بن جعفر بن محمد بن علي بن الحسين بن علي بن أبي طالب رضي الله تعالى عنهم.

* وعبيد الله بن أبي طلحة الخولاني.

* ومسلم بن معتب بن أبي لهب.

* قيل وعثمان بن عفان رضي الله تعالى عنه لكن قال الحافظ: إن الأثر المحكي في ذلك موضوع وإن الثابت في صفته رضي الله تعالى عنه خلاف ذلك.

* وثابت البناني  وقتادة بن دعامة. ذكرهما صاحب (استجلاب ارتقاء الغرق).

* ومحمد بن عبد الله المهدي الذي يخرج في آخر الزمان.

ذكر غالب ذلك الحافظ في الفتح في مناقب السيدين الحسن والحسين رضي الله تعالى عنهما.

وعده المهدي في الأشباه غلط. فقد روى أبو داود عن علي رضي الله تعالى عنه في صفة المهدي (يسمى باسم نبيكم يشبهه في الخلق ولا يشبهه في الخلق).

وعبد الله بن عوانة شريف مغربي قدم الديار المصرية زمن السلطان الأشرف قايتباي.

أخبرني غير واحد من الأشياخ الذين كانت لهم معرفة بصفات النبي صلى الله عليه وسلم أن هذا المغربي كانت صفته تقرب من صفة النبي صلى الله عليه وسلم وسألت شيخنا الإمام العلامة شيخ الإقراء بدمشق وإمام جامعها أبا العباس  أحمد شهاب الدين الرملي ثم الدمشقي الشافعي لما قدم الديار المصرية في آخر عمره أن ينظم أسماء المذكورين قبل أن أظفر بجماعة لبسوا في نظمه فأجاب إلى ذلك وسر بوقوفه على أسمائهم فقال:

اشعار 

بالمصطفى شبه بعض الناس * فاحفظهم ولا تكن بالناسي فاطمة الزهراء وابناها الحسن * ثم حسين وكلاهما حسن وابن رسول الله إبراهيم * ونوفل بن الحارث العظيم وابن ابنه انشر بالجميل ذكره * أبو محمد أمير البصرة وجعفر وابناه عبد  الله * وعونا أذكر لا تكن باللاهي  وابنا عقيل وهما محمد * ومسلم والسائب الممجد ابن يزيد وهو جد الشافعي * إمامنا الأعظم نجل شافع والحبر عبد الله ذا ابن عامر * ابن كريز العبشمي الفاخر وكابس والده ربيعه * ابن عدي نسبة رفيعه كذا علي بن علي بن نجاد * ابن رفاعة الرفاعي الجواد اليشكري وعد بعد اليشكري * يحيى هو ابن القاسم بن جعفر ابن محمد مولانا علي * ابن حسين بن علي الولي وولد العباس وهو قثم * وابن معتب المسمى مسلم والقاسم الثبت ابن عبد الله * بن محمد عظيم الجاه فجده عقيل الكريم * كذا ابن عبد الله إبراهيم وجده فالحسن بن الحسن * ابن  علي يا له من محسن والسيد المهدي الذي سيظهر * قبيل عيسى وبه يبشر وابن أبي طلحة عبد الله * وذاك خولاني بلا اشتباه وابن عوانة الشريف المغربي * أحمد لقب الشبيه بالنبي قد جاء في تاسع قرن قد مضى * ووجهه على البدور قد أضا وقد رأيته لطيف الذات * ممدحا بأحسن الصفات وذكروا عثمان في التشبيه * بالمصطفى وليس بالوجيه وأثر فيه أتى موضوع * مختلق في شبهه مصنوع وهو جميل الذكر عالي الدرجة * وبابنتيه المصطفى قد زوجه صلى عليه ربنا وسلما * والآل والصحب الكرام العظما

 وقد تمم ما أفاه الناظم أقل تلامذة المؤلف - هو شيخنا الشيخ شمس الدين محمد بن محمد بن محب الدين أحمد بن أحمد  القيسي المالكي فسح الله تعالى في مدته آمين منبها على ما في النظم من مخالفة الأصل في تسمية أبي سفيان بن نوفل بنوفل فقال:

وعد في أشباهه الخليل * وآدم المعظم الجليل صلى عليهما الإله دائما * مسلما ما لاح نجم في السما كذاك عبد الله بن نوفل * كذا أبو سفيان أخوه المعتلي وعده الناظم نوفلا بلا * شك مخالف لما قد نقلا كذلك المهدي أيضا منتقد * لما مضى في الأصل وهو المعتمد وعد في الأشباه أيضا ثابت * هو البناني وكذا قتادة ابن دعامة كذاك القاسم * كذاك عبد الله أبوه العالم وشافع ابن ذي الذكر الجميل * والفضل والتبجيل مولانا عقيل وشافع جد الإمام الشافعي * لما مضى عن صاحب الشرائع  صلى عليه الرب ذو الجلال * كذا الصحاب جملة والآل.

٭ المصدر: سبل الهدي والرشاد

٭ المؤلف: الشيخ يوسف الصالحي الشامي

٭ المجلد: 2

٭ الصفحة: 155

٭ الطبع: المجلس الأعلي للشئون الإسلامية، قاهرة، مصر.

🔆 *مصعب بن عمیر* 🔆

   حضور کے مشابہ اشخاص میں حضرت سیدنا مصعب بن عمیر بھی ہیں جو غزوۂ احد میں شہید ہوئے, یہ نبی کریم کے ہمشکل تھے ؛ اسی وجہ سے ان کا قاتل " ابن قمئہ " سمجھ رہا تہا کہ یہ حضور اکرم ہیں تبہی وہ چلا چلا کر کہہ رہا تہا محمد قتل کردیے گئے ہیں: 

💡 *السيرة النبوية* 💡

وقاتَل مصعب بن عمير دون رسول الله حتى قتل، فكان الذي قتله ابن قميئة الليثي، وهو يظن أنه رسول الله ، فرجع إلى قريش فقال:قتلتُ محمداً.

٭ المصدر: السيرة النبوية

٭ المؤلف: ابن هشام 

٭ المجلد: 3

٭ الصفحة: 36

٭ الطبع: دار الكتاب العربي، بيروت، لبنان.

✴️ مزید تفصیل کیلیے دیکھیں!!

 فتح الباری شرح البخاري، المجلد: 7، الصفحة: 122،  الطبع: دار الريان التراث، القاهرة، مصر.

الأعلاق النفيسة، لابن رسته، المجلد: 7، الصفحة: 200، المطبع: مطبعة بريل، ليدن، هولندا. 

والله تعالي أعلم 

✍🏻... كتبه: *محمد عدنان وقار صديقي* 

7 فروري: 2021

میرے ماں باپ قربان ہوں تجھ پر

 ▪️ *میرے ماں باپ قربان ہوں تجھ پر* ▪️

میرا سوال یہ ھے کہ "فداک امی وابی" (میرے ماں باپ تجھ پر قربان ہوں)

 کتنے صحابہ کرام کے لئے آپ صلی اللہ علیہ وسلم نے یہ جمله فرمايا؟

 از راہِ کرم جواب مرحمت فرمادیں!!!!

••• *باسمہ تعالی* •••

*الجواب وبہ التوفیق:* 

   ایسے  خوش نصیب صحابی دو ہیں جن کو زبان نبوت سے یہ جملہ عطا ہوا " کہ میرے ماں باپ تجھ پر قربان ہوں " یعنی ان دونوں حضرات صحابہ کی کارکردگی سے خوش ہوکر آقائے دو جہاں نے یہ پیارا محبت بھرا جملہ عنایت کیا ( دعا دی )

🔹 *حضرت سعد بن ابی وقاص* 🔹

      غزوۂ احد میں حضرت سعد کی داد شجاعت دیکھ کر نبی کریم نے فرمایا: سعد! تیر چلاتے رہو! میرے ماں باپ تم پر نچھاور ہوں.

حدثنا قتيبة، قال: حدثنا ليث عن يحي عن  ابن المسيب أنه قال: سعد بن ابي وقاص : لقد جمع لي رسول الله يوم أحد أبويه كليهما، يريد حين قال فداك أبي و أمي، وهو يقاتل.

ترجمہ: حضرت سعد بن ابی وقاص فرماتے ہیں : کہ رسول اکرم نے جنگ احد کے دن میرے لیے یہ دعائیہ کلمات کہے: تجھ پر میرے ماں باپ قربان ہوں.

• المصدر: صحيح البخاري

• المجلد 2

• الصفحة: 1102

• الرقم: 4057

• الطبع: الطاف اینڈ سنز، کراچی، پاکستان.

🔰 *حضرت زبیر بن العوام* 🔰

  غزوۂ خندق میں حالات کافی پریشان کن تھے , حضور نے کہا: بنو قریظہ ( یہودیوں کا قبیلہ) کی خبر کون لایئگا؟ یہ ذمہ داری حضرت زبیر بن العوام نے انجام دی تب حضور نے ان کو یہ دعا دی : ( روایت کے متعلق محدثانہ گفتگو فتح الباری میں ملاحظہ ہو) 

حدثنا أحمد بن محمد أخبرنا عبد الله أخبرنا هشام بن عروة عن أبيه عن عبد الله بن الزبير قال:  كنت يوم الأحزاب جعلت أنا وعمر بن أبي سلمة في النساء،  فنظرت، فإذا أنا بالزبير على فرسه يختلف إلى بني قريظة مرتين أو ثلاثا، فلما رجعت، قلت: يا أبت! رأيتك تختلف، قال أوهل رأيتني يا بني؟  قلت: نعم، قال: كان رسول الله صلى الله عليه وسلم قال: من يأت بني قريظة فيأتيني بخبرهم؟ فانطلقت، فلما رجعت، جمع لي رسول الله صلى الله عليه وسلم أبويه، فقال: فداك أبي وأمي.

 

٭ المصدر: صحيح البخاري 

٭ المجلد: 1

٭ الصفحة: 1011

٭ الطبع: الطاف اینڈ سنز، کراچی پاکستان.

 💟 *سوال* 💟

  صحیح بخاری کی روایت میں ھے کہ حضرت علی فرماتے ہیں کہ حضرت سعد کے علاوہ حضور اکرم نے کسی کے لیے بھی یہ جملہ " فداک ابی وامی" نہیں فرمایا تو پھر یہ جملہ حضرت زبیر بن العوام کیلیے کیسے مذکور ھے؟ 

حدثنا يسرة بن صفران، قال: حدثنا ابراهيم عن ابيه، عن عبد الله بن شداد، عن علي قال: " مَا سَمِعْتُ النَّبِيَّ صلى الله عليه وسلم جَمَعَ أَبَوَيْهِ لأَحَدٍ إِلاَّ لِسَعْدِ بْنِ مَالِكٍ، فَإِنِّي سَمِعْتُهُ يَقُولُ يَوْمَ أُحُدٍ: يَا سَعْدُ، ارْمِ فِدَاكَ أَبِي وَأُمِّي!".

٭ المصدر: صحيح البخاري 

٭ المجلد: 2

٭ الصفحة: 1103

٭ الرقم: 4059

٭ الطبع: الطاف اينڈ سنز، كراچي، پاكستان.

🕯️ *جواب* 🕯️

 فتح الباری میں امام ابن حجر عسقلانی نے اس کی توجیہ لکھی ھے: کہ حضرت علی کو یا تو حضرت زبیر والی بات کا علم نہ تھا یا علم تو تہا ؛ لیکن آپ کی مراد یہ تھی غزوۂ احد میں حضرت سعد بن ابی وقاص کے علاوہ کسی اور کو یہ دعا نہیں دی گئ ۔

  وفي هذا الحصر نظر؛ لما تقدم في ترجمة الزبير، أنه جمع له ابويه يوم الخندق، ويجمع بينهما بان عليا لم يطلع علي ذلك،  أو مراده بذلك مقيد يوم أحد، والله اعلم.

٭ المصدر: فتح الباري 

٭ المحدث: الحافظ ابن حجر العسقلاني 

٭ المجلد: 11

٭ الصفحة: 162

٭ الطبع: دار الرسالة العالمية، بيروت، لبنان.

  والله تعالي أعلم

✍🏻... كتبه: *محمد عدنان وقار صديقي*

6 فروري: 2021

چار ایسے بزرگ جنہوں نے ایک ہی رکعت میں ختم قرآن کیا

 ▪️ *چار ایسے بزرگ جنہوں نے ایک ہی رکعت میں خانۂ کعبہ میں یا اسکے نزدیک ( مقام ابراہیم) قرآن کریم ختم کیا* ▪️

ایک ویڈیو کلپ موصول ہوئی جس میں ایک بزرگ عالم دین بیان فرمارھے ہیں کہ چار اشخاص ہیں جنہوں نے ایک ہی رکعت میں خانہ کعبہ میں مکمل ختم قرآن فرمایا: وہ حضرت عثمان بن عفان ذوالنورینؓ , حضرت تمیم داریؓ , حضرت سعید بن جبیرؓ , اور حضرت امام اعظم ابو حنیفہؒ نعمان بن ثابت ہیں۔

اسکی تصدیق درکار ھے!!!

••• *باسمہ تعالی* •••

*الجواب وبہ التوفیق:* 

   مذکورہ بات بالکل درست ھے؛ تاریخ و رجال  کی کتابوں اور امام اعظمؓ کے مناقب و سیرت سے متعلق تالیفات میں یہ بات مذکور ھے: 

💎 *تاریخ دمشق* 💎

   امام ابن عساکرؒ نے تاریخ دمشق میں یہ بات نقل کی ھے: 

أخبرنا أبومنصور بن خيرون، أنبأنا أبو القاسم بن سعيد، قال: حدثنا أبوبكر بن الخطيب، أخبرنا الخَلَّال، أخبرنا علي بن عمرو الحريري، أن علي بن محمد بن كاس النخعي، حدثهم، حدثنا إبراهيم بن مخلد البلخي، حدثنا إبراهيم بن رستم المروزي، قال: سمعت خارجة بن مصعب، يقول: ختم القرآن في الكعبة أربعة من الأئمّة: عثمان بن عفَّان، وتميم الدّاري، و سعيد بن جُبَيْر، و أبوحنيفة.

٭ المصدر: تاريخ دمشق

٭ المجلد: 11

٭ الصفحة: 75

٭ الطبع: دار الفكر، بيروت، لبنان.

🕯️ *فائدہ* 🕯️

  مزید حوالوں کیلیے محمد علی عباد حمیسان صاحب کے کتابچے  " أعلام ختموا القرآن في ركعة " کی طرف رجوع کیا جاسکتا ھے,

 نیز یہ چار حضرات تو وہ ہیں جنہوں نے خانہ کعبہ میں یہ مبارک عمل انجام دیا , جبکہ خانہ کعبہ کے علاوہ ایک رکعت میں ختم قرآن کی فضیلت حاصل کرنیوالے اور بہی چند اشخاص ہیں جنکے اسماء مذکورہ کتاب میں " شیخ محمد علی " نے ذکر کیے ہیں: 

حضرت عثمان غنی , حضرت تمیم داری , حضرت سعید بن جبیر, حضرت امام ابوحنیفہ, حضرت ابو عبد ﷲ بن خفیف, حضرت ابراہیم بن اسماعیل القبری, حضرت ابوبکر الشحامی الشروطی ,حضرت ابو الفضل الصرام, حضرت جعفر الدرزیجانی, حضرت ابو احمد العسال, حضرت ابو العباس الحربی, حضرت ابو علی الضریر المقرئ, حضرت تقی الدین الواسطی, حضرت حسان انصاری, حضرت ابو السعود الجارحی, محمد المختار بن محمد الامین الشنطیقی, اور ایک صاحب کا بنا نام ذکر ھے.( رضی ﷲ عنہم و رحمہم ﷲ اجمعین) 

   یہ حضرات تو معروف و مشہور ہیں ان کے علاوہ بھی نیک لوگ ہونگے جنہوں نے ایک رکعت میں ختم قرآن کیا ہو۔

وﷲ تعالی اعلم 

✍🏻... کتبہ: *محمد عدنان وقار صؔدیقی*

5 فروری ؁ء2021

وہ صحابی جن کی ہر تجارت بابرکت تھی

 ▪️ *وہ صحابیؐ جنکی ہر تجارت بابرکت تھی* ▪️

  کیا کوئی ایسے صحابی ہیں جن کو حضور کریم نے دعا دی تہی کہ اللہ تمہارے ہاتھ میں برکت دے ( یعنی تم جو معاملہ کرو تمکو نفع ہی ہو خسارہ اور نقصان نہ ہو).

••• *باسمہ تعالی* •••

*الجواب وبہ التوفیق:* 

وہ صحابیؓ جنکو حضورؐ نے برکت کی دعا دی تہی ان کا نام "عروہ بن ابی الجعد البارقی"ہے , واقعہ یہ تہا کہ آپؐ نے ان کو ایک دینار دیا اور کہا: ایک بکری خرید لاؤ! یہ صاحب گئے اور انہوں نے ایک دینار میں دو بکریاں خرید لیں پھر ایک بکری ایک دینار میں فروخت کردی اور یہ صاحب ایک بکری اور ایک دینار لیے خدمت اقدس میں حاضر ہوئے اور سارا ماجرا کہہ سنایا تب حضورؐ نے ان کو معاملات میں برکت کی دعا دی ,پھر اس دعا کا ثمرہ یہ ہوا اگر یہ صحابیؐ خاک بھی خریدتے یا بیچتے تو ان کو نفع ہی ہوتا تہا۔

🔳 *صحیح بخاری* 🔳

حدثنا علي بن عبد الله، ثنا سفيان (ابن عيينة) ثنا شبيب بن غرقدة، قال: سمعت الحيَّ يتحدَّثون عن عروة هو البارقي، 

أنَّ النبيَّ صَلَّى اللهُ عليه وسلَّمَ أعْطَاهُ دِينَارًا يَشْتَرِي له به شَاةً، فَاشْتَرَى له به شَاتَيْنِ، فَبَاعَ إحْدَاهُما بدِينَارٍ، وجَاءَهُ بدِينَارٍ وشَاةٍ، فَدَعَا له بالبَرَكَةِ في بَيْعِهِ، وكانَ لَوِ اشْتَرَى التُّرَابَ لَرَبِحَ فِيهِ. قال سفيان : كان الحسن بن عمارة جاءنا بهذا الحديث عنه ، قال : سمعه شبيب من عروة ، فأتيته ، فقال شبيب : إني لم أسمعه من عروة . قال : سمعت الحي يخبرونه عنه.

٭ المصدر: صحيح البخاري

٭ المجلد: 1

٭ الصفحة: 987

٭ الرقم: 3642

٭ الطبع: الطاف اينڈ، سنز، کراچی، پاکستان.

🕯️ *سنن ترمذي* 🕯️

حدثنا أحمد بن سعيد الدارمي، قال: حدثنا حَبَّان وهو ابن حبانُ هِلالٍ أبو حبيب البصري، قال: حدثنا هارون المقرئ، وهو ابن موسي القارئ، قال: حدثنا الزبير بن الخِرِّيْت، عن أبي لبيد، عن عروة البارقِيُّ، قال:    دفعَ إليَّ رسولُ اللَّهِ صلَّى اللَّهُ عليْهِ وسلَّمَ دينارًا لأشتري له شاةً فاشتريتُ لَهُ شاتينِ فبِعتُ إحداهُما بدينارٍ وجئتُ بالشَّاةِ والدِّينارِ إلى النَّبيِّ صلَّى اللَّهُ عليْهِ وسلَّمَ فذَكرَ لَهُ ما كانَ من أمرِهِ فقالَ بارَكَ اللَّهُ لَكَ في صفقةِ يمينِكَ . فكان يخرج بعد ذلك الي كناسة الكوفة، فيربح الربح العظيم، فكان من أكثر أهل الكوفة مالا.

٭ المصدر: سنن الترمذي 

٭ المجلد: 2

٭ الصفحة: 536

٭ الرقم: 1258

٭ الطبع: دار الغرب الإسلامي، بيروت، لبنان.

وﷲ تعالی اعلم

✍🏻...کتبہ: *محمد عدنان وقار صؔدیقی* 

4فروری : ؁ء2021

کان بجنے کی وجہ

 ▪️ *کان بجنے کی وجہ* ▪️

فتاوی رضویہ کے حوالے سے یہ بات گردش میں ھے کہ کان بجنے کی وجہ یہ ھے کہ بعض روایات میں ھے کہ حضور ارشاد فرماتے ہیں : جب انتقال کرونگا صور پھونکنے تک قبر میں امتی امتی پکارونگا ؛کان بجنے کا یہی سبب ہے کہ وہ آوازِ جانگداز  اس معصوم عاصی نواز کی جو ہر وقت بلند ہے، گاہے ہم  سے کسی غافل و مدہوش کے گوش  تک پہنچتی ہے، روح اسے اِدْراک کرتی ہے۔ اسی باعث اس وقت درود پڑھنا مستحب ہوا کہ جو محبوب ہر آن ہماری یاد میں ھے کچھ دیر ہم ہجراں نصیب بھی اس کی یاد میں صَرف کریں!

اس روایت کی تحقیق و حوالہ درکار ہے!!!!

••• *باسمہ تعالی* •••

*الجواب وبہ التوفیق:* 

    یہ روایت فتاوی رضویہ میں مذکور ہے , الفاظ وہی ہیں جو سوال میں مکتوب ہیں: 

• نام کتاب : فتاوی رضویہ

• نام مؤلف : احمد رضا بريلوي

• جلد: 30

• صفحة: 712

• طبع: رضا فاؤنڈیشن، جامعہ نظامیہ رضویہ، اندرون لوہاری دروازہ لاھور، پاكستان.

🔹 *جامع الاحادیث* 🔹

   امام جلال الدین سیوطی نے جامع الاحادیث میں بھی یہ روایت ذکر کی ھے : 

* المصدر: جامع الأحاديث

* المحدث: الإمام السيوطي

* المجلد: 3

*الصفحة: 369

* الرقم: 9176

*الطبع: المكتبة التجارية، مكة المكرمة، السعودية.

🔳 *نوادر الاصول* 🔳

   حکیم ترمذی نے " نوادر الاصول" میں یہ روایت ذکر کی ھے کہ حضور نے حضرت عمر فاروق کو بتایا: کہ میں بعد وفات قبر میں اپنی امت کو یاد کرونگا اور پھر حکیم ترمذی نے لکہا کہ کانوں میں یہ آواز اسی نداء کی ھے اسی لیے اس وقت درود پڑھنا مستحب ھے : 

أنا بذلك صالح بن محمد، قال: ثنا زافر ابن سليمان، عن بكر بن خنيس، عن عباد، عن انس بن مالك، قال: قال رسول الله: ألا إني لكم بمكان صدق حياتي، وإذا متُّ، فقال عمر: يا رسول الله! إذا متَّ؟ قال: لا أزال أنادي في قبري:  رب أمتى أمتى حتى ينفخ فى الصور النفخةالأولى ثم لا تزال لى دعوة مجابة حتى ينفخ فى الصور النفخة‏الثانية‏.

فطنين الأذن من قبل الروح لانه  من حدة بصره وخفته وطهارته وحياته وسطوعه إلى المقام، أدرك في وقت سؤال رسول الله بباب الله له شيئا، وذكر الله اياه بخير، فرجع الي اصله المتمكن في رأسه وقلبه بذلك الخير وبالبشري، فطنت الاذن لصوت رجته، وما جاء به الخير، فلذلك قال: فليصل علي النبي، لانه ذكره عند الله في ذلك الوقت، وطلب له منه شيئا، فاستوجب منه الصلاة، ليكون فيه أداء حقه، فهذا وما أشبه مكرمات الموحدين من ولد آدم.

  لیکن نوادر الاصول کے محقق " توفیق محمود تکلہ " نے اس روایت کے متعلق لکہا ھے: کہ یہ مستند نہیں ؛ صالح بن محمد اور بکر بن خنیس دونوں راوی مجروح ہیں: 

شيخ المصنف هالك، كما تقدم مرارا، وفيه بكر بن خنيس، ليس بالقوي، يروي المناكير. انظر! تهذيب التهذيب (1/422).

• المصدر: نوادر الأصول

• المحدث: الحكيم الترمذي

• المحقق:توفيق محمود تكلة

• المجلد: 6

• الصفحة: 487

• الرقم: 1544

• الطبع: دار النوادر، بيروت، لبنان.

💠 *کان بجنے کے وقت درود پڑھنا* 💠

  اب رہی یہ بات کہ کان بجنے کے وقت درود پڑھنا ثابت ھے یا نہیں تو اس روایت کو متعدد محدثین نے ذکر فرمایا ھے؛ ہم کچھ حوالہ جات نقل کرکے پھر روایت پر محدثین کا کلام ذکر کرینگے: 

 

✴️ *عمل اليوم والليلة* ✴️

    امام ابن السنی نے یہ روایت نقل کی ھے کہ جب کان بجیں تو درود پاک پڑھو!

أخبرنا أبو صخرة عبد الرحمن بن محمد، ثنا محمد بن سفيان لوين، ثنا حبان بن علي، ثنا محمد بن عبيد الله بن أبي رافع، عن أخيه عبد الله بن عبيد الله، عن ابيه، عن جده (رضي الله عنه) قال: قال رسول الله صلي الله عليه وسلم: إذا طنت أذن أحدكم، فليذكرني، وليصل عليَّ، فليقل: ذكر الله بخير من ذكرني.

٭ المصدر: عمل اليوم والليلة

٭ المحدث: ابن السني

٭ الصفحة: 87

٭ الرقم: 166

٭ الطبع: مكتبة دار البيان، دمشق، سوريا.

۔

🔹 *اللآلي المصنوعة*🔹 

امام سیوطی نے بہی یہ روایت ذکر کی ھے: 

( العقيلي)  حدثنا محمد بن احمد بن النضر الازدي، حدثنا يحي بن يوسف الرمي، حدثنا حبان بن علي عن محمد بن عبيد الله عن معمر عن ابيه، عن ابي رافع قال: قال رسول الله: اذا طنت اذن احدكم، فليصل علي، وليقل: ذكر الله بخير من ذكرني، موضوع،قال البخاري: معمر وابوه كلاهما منكر الحديث، 

قلتُ: أخرجه من طريق الاول ابن السني في عمل اليوم والليلة، واخرجه الخرائطي في "مكارم الاخلاق" حدثنا سودان بن يزيد، حدثنا الهيثم بن جميل، حدثنا حبان و مندل، انبانا علي بن ابي رافع، عن جده مرفوعا به، والله اعلم.

٭ المصدر: اللآلي المصنوعة

٭ المحدث: الإمام السيوطي

٭ المجلد: 2

٭ الصفحة: 286

٭ الطبع: دار المعرفة، بيروت لبنان.

⚛️ *فيض القدير*⚛️

امام عبد الرؤف مناوی نے فیض القدیر شرح جامع الصغیر میں یہ ذکر کی ھے: 

اذا طنت في اذن احدكم،فليذكرني، وليصل علي، وليقل: ذكر الله من ذكرني بخير.

٭ المصدر: فيض القدير

٭ المحدث: الإمام المناوي

٭ المجلد: 1

٭ الصفحة: 399

٭ الطبع: دار المعرفة، بيروت، لبنان.

🔆 *جلاء الأفهام* 🔆

امام ابن قیم جوزی نے جلاء الافہام میں عن معمر بن محمد عن محمد بن عبید ﷲ عن عبید ﷲ بن ابی رافع عن ابی رافع عن النبی اس سند سے دو روایت ذکر کی ہیں: 

× المصدر: جلاء الأفهام

× المحدث: ابن القيم الجوزية

× الصفحة: 98

× الرقم: 104/ 105

× الطبع: دار عالم الفوائد، جدة، السعودية.

💟 *المقاصد الحسنة* 💟

  امام سخاوی نے "مقاصد حسنہ" میں یہ روایت ذکر کی ھے: 

اذا طنت اذن احدكم، فليذكرني، وليصل علي، وليقل: ذكر الله بخير من ذكرني بخير.( الطبراني وابن السني في عمل اليوم والليلة، والخرائطي في المكارم، وآخرون، عن ابي رافع مرفوعا بهذا، وسنده ضعيف ؛ بل قال العقيلي: إنه ليس له أصل.

∅ المصدر: المقاصد الحسنة

∅ المحدث: السخاوي

∅ الصفحة: 89

∅ الرقم: 70

∅ الطبع: دار الكتاب العربي، بيروت، لبنان.

🔰 *المنار المنيف* 🔰

   امام ابن قیم جوزی نے المنار المنیف میں لکہا ھے: کہ کان بجنے کے متعلق ہر حدیث جھوٹ ھے:

وكل حديث في طنين الأذن، كذب.

٭ المصدر: المنار المنيف

٭ المحدث: ابن القيم الجوزية

٭ الصفحة: 59

٭ الطبع: دار عالم الفوائد، جدة، السعودية.

🛑 *كشف الخفاء* 🛑

امام عجلونی نے کشف الخفاء میں یہ روایت ذکر کرکے  تفصیل سے محدثین کا کلام نقل فرمایا ھے :

اذا طنت اذن احدكم، فليذكرني، وليصل علي، وليقل: ذكر الله بخير من ذكرني.

وفي لفط زيادة "بخير "بعد ذكرني ايضا، وفي رواية إسقاط بخير من الأول، رواه الطبراني، وابن السني، والخرائطي، و آخرون عن ابي رافع مرفوعا، و سنده ضعيف؛  بل قال العقيلي: لا اصل له، لكن قال الزرقاني: كالمناوي وتعقب بان الحافظ نور  الدين الهيثمي قال: إسناد الطبراني في الكبير حسن، وقد رواه ابن خزيمة في صحيحه عن أبي رافع، وهو ممن التزم الصحيح، وبه شنعوا علي ابن الجوزي في زعمه: أنه موضوع. انتهي.

٭ المصدر: كشف الخفاء

٭ المحدث: الإمام العجلوني

٭ المجلد: 1

٭ الصفحة: 123

٭ الرقم: 292

٭ الطبع: مكتبة العلم الحديث، قاهرة، مصر.

🕯️ *روایت کی اسنادی حیثیت* 🕯️

☯️ *مجمع الزوائد* ☯️

  امام ہیثمی نے طبرانی کے حوالے سے یہ روایت نقل کرکے اسکی سند پر کلام کیا ھے اور کہا: کہ یہ روایت حسن درجے کی ھے: 

 رواه الطبراني في الثلاثة ( المعجم الصغير، الاوسط، الكبير)،  والبزار باختصار كثير، وإسناد الطبراني في الكبير حسن.

٭ المصدر: مجمع الزوائد 

٭ المجلد: 20

٭ الصفحة: 301

٭ الرقم: 17096

٭ الطبع: دار المنهاج، جدة، السعودية.

☮️ *كتاب الموضوعات*☮️

امام ابن الجوزی نے اس روایت کے دونوں طریق ذکر کیے ہیں :1) عن معمر , 2) عن حبان اور اس پر موضوع ہونے کا حکم لگایا ھے: 

 وهذا حديث موضوع علي رسول الله صلي الله عليه وسلم، قال يحيٰ بن معين: عبيد الله ليس بشيئ، وقال محمد بن طاهر: هو متروك الحديث، وقال البخاري: معمر و ابوه كلاهما منكَر الحديث.

٭ المصدر: كتاب الموضوعات

٭ المحدث: الإمام ابو الفرج ابن الجوزي 

٭ المجلد: 3

٭ الصفحة: 76

٭ الطبع: المكتبة السلفية، المدينة المنورة، السعودية.

📚  اس روایت کا مدار " محمد بن عبد ﷲ بن ابی رافع" ہیں ان سے روایت کرنے میں راوی اختلاف کرتے ہیں: جب مُعَمَّر روایت کرتے ہیں تو وہ اپنے والد محمد سے وہ اپنے والد عبیدﷲ سے وہ اپنے والد ابو رافع سے؛ لیکن جب محمد بن عبید ﷲ سے " حبان بن علی " روایت کرتے ہیں جیسا کہ ابن السنی کی سند ہے تو وہ اس طرح کہتے ہیں: عن حبان بن علی عن محمد بن عبید ﷲ عن اخیہ عبد ﷲ عن ابیہ عبید ﷲ عن ابیہ ابی رافع عن رسول ﷲ. 

الغرض! راوی معمر ہوں یا حبان بن علی دونوں ہی ضعیف تر راوی ہیں جیسا معمر کے متعلق اوپر صراحت ہوچکی۔

 امام سخاوی نے القول البدیع میں یہ روایت ذکر کی ھے اور کہا ھے: اسکے ثبوت میں نظر ہے نیز  اس کتاب کی تحقیق شیخ عوامہ نے فرمائی ھے ,شیخ عوامہ کے بقول: یہ روایت نہ ہی حسن ھے نہ من گھڑت ؛ بل کہ ضعیف جدا ( بہت زیادہ کمزور) ھے یعنی اسکی نسبت نبی کریم کی جانب نہ کیجائے۔  

💡 *القول البدیع* 💡

قلت (السخاوي) وقد أخرجه ابن خزيمة في صحيحه،  ومن طريقه أبو اليمن ابن عساكر، وذلك عجيب؛ لان اسناده غريب، كما صرح به ابو اليمن وغيره، وفي ثبوته نظر.

وقال الشيخ عوامة:

  والحديث ضعيف جدا لا كما قال العقيلي: ليس له اصل، ولا كما حكم عليه ابن الجوزي: بالوضع، ولا حسن كما قال الهيثمي في المجمع، ففي إسناده حبان بن علي العنزي وهو ضعيف عن محمد بن عبيد الله بن ابي رافع، وهو متروك، منكر الحديث.

 

٭ المصدر: القول البديع 

٭ المحدث: السخاوي 

٭ المحقق: الشيخ عوامة

٭ الصفحة: 423

٭ الطبع: مؤسسة الريان ، المدينة المنورة، السعودية.

💎 *خلاصۂ کلام* 💎

  سوال میں ذکر کی گئیں دونوں باتیں (کہ کان بجنے کی وجہ قبراطہر سے نبی اکرم کا امتی امتی کہنا ھے اور جب کان بجیں تو درود پڑھیں) مستند نہیں ؛ لہذا ان کی نسبت نبی کریم کی جانب نہ کی جائے۔ اب رہا یہ سوال کہ اگر یہ روایت اتنی ہی کمزور ھے کہ اسکا بیان کرنا درست نہیں ؛ کیونکہ اس میں ضعف شدید ھے تو پھر یہ روایت صحیح ابن خزیمہ میں کیوں موجود ھے؟

جواب اسکا یہ ہے کہ صحیح ابن خزیمہ بخاری و مسلم کے بعد اصح الکتب شمار ضرور ہوتی ھے یعنی اسکا درجہ صحیح ابن حبان و مستدرک حاکم سے اعلی ھے ؛ لیکن متاخرین کو یہ وہم ہوا کہ جو روایت بہی صحیح ابن خزیمہ میں ہوگی وہ صحیح ہوگی جبکہ محقق دکتور مصطفی اعظمی نے صحیح ابن خزیمہ ( جسکا اصل نام " مختصر المختصر من المسند الصحیح عن النبی " ہے ) کے مقدمہ تحقیق میں لکہا ھے : صحیح ابن خزیمہ صحیحین ( بخاری و مسلم ) کی طرح نہیں ھے کہ یوں کہہ دیا جائے کہ جو بہی روایت اس میں ہوگی وہ صحیح ہوگی ؛ بل کہ اس میں صحیح سے کم درجے کی روایات بہی ہیں اور ضعیف روایات پر بھی مشتمل ھے , نیز ضعیف شدید یا واہی روایات کا وجود بہت ہی کم اس کتاب میں ھے: 

اقول: إن صحيح ابن خزيمة ليس كالصحيحين، بحيث يمكن القول: إن كل ما فيه صحيح، بل فيه ما هو دون درجة الصحيح، وليس مشتملا علي الاحاديث الصحيحة و الحسنة فحسب، بل يشتمل علي أحاديث ضعيفة أيضا إلا ان نسبتها ضئيلة جدا، إذا قورنت بالأحاديث الصحيحة والحسنة، وتكاد لا توجد الاحاديث الواهية أو التي فيها ضعف شديد إلا نادرا كما يتبين بمراجعة التعليق.

٭ المصدر: مقدمة التحقيق علي صحيح ابن خزيمة

٭ المحقق: د/ مصطفي الأعظمي

٭ الصفحة: 22

٭ الطبع: المكتب الإسلامي، بيروت، لبنان.

وﷲ تعالی اعلم 

✍🏻... کتبہ: *محمد عدنان وقار صدیقی*

3 فروري: 2021

حافظ قرآن کو قبر کی مٹی نہیں کھاتی

 *حافظ قرآن کو قبر کی مٹی نہیں کہاتی*

کیا حافظ قرآن کے متعلق یہ روایت مستند ھے کہ رسولﷲ ﷺ نے فرمایا: جب حافظ قرآن مرجاتا ہے ﷲ تعالی زمین کو حکم دیتا ھے کہ اس کے گوشت (پوست) کو نہ کھانا! زمین عرض کرتی ھے : میرے معبود! میں اسکا گوشت کیسے کہاسکتی ہوں جبکہ اس کے شکم میں تیرا کلام موجود ھے۔

( کنز العمال, ص:139,جلد:1. دیلمی بروایت جابر)

••• *باسمہ تعالی*•••

*الجواب وبہ التوفیق:*

جی یہ روایت چند کتب حدیث میں مذکور ھے ؛اور  بلحاظ مرتبہ غریب ھے , جسکا حکم یہ ہوتاہے کہ اسکا ثبوت ظنی ھے ؛ لہذا حافظ قرآن کی کرامت پر اسکو محمول نہیں کیا جاسکتا ھے۔ مزید تفصیل درج ذیل ہے:

♦أخبرنا هبة الله بن حمد بن أحمد بن الحسن ، أبو الفضل الجوهري البُرُوجِردي إجازةً كتب إليَّ بها من بُرُوجِرد ، قال: أبنا الفقيه أبو الفتح عبد الواحد بن إسماعيل بن نغارة ، ثنا الشيخ المرشد أبو إسحاق إبراهيم بن شهريار - هو الكازروني - ثنا علي بن محمد ابن موسى الحافظ ، بالبصرة إملاءً ، ثنا علي بن الفضل بن نصر البلخي ، ثنا أحمد بن يعقوب ، ثنا سفيان بن عيينة ، عن عمرو بن دينار ، عن جابر بن عبد الله قال: قال رسول الله صلى الله عليه وسلم:إذا مات حاملُ القرآنِ أوحَى اللهُ إلى الأَرضِ لأكلِ لحمِه قال فتقولُ الأَرضُ وكيف آكُلُ لحمَه وكلامُك في جوفِه؟۔ ھذا حدیث غریب.

المصدر: معجم الشیوخ

المؤلف:ابن عساکرؒ

الراوی : جابرؓ بن عبد‍الله

 الصفحة:1214

الرقم:1586

الطبع:دار البشائر, دمشق ۔

الدرجة: ھذا حدیث غریب

⚡لیکن معجم الشیوخ والی روایت کی سند سے ایک راوی" محمد بن۔حسن البلخی"  حذف ہے جسکا ذکر " حافظ مقدسی" نے اپنی کتاب_ اطراف الغرائب والافراد_ میں کیا ھے :

🔅حديث: إذا مات حامل القرآن... الخ__ تفرد به محمد بن الحسن البلخي عن أحمد بن يعقوب عن ابن عيينة عنه.

المصدر: اطراف الغرائب والافراد

المؤلف: محمد بن طاہر المقدسی

الصفحة:305

الرقم:1620

الطبع: غیر مذکور۔

🔘 *احمد بن یعقوب البلخی*

 سند میں  ایک راوی " احمد بن یعقوب بلخی" ہیں جنکو ابن حجر ؒ نے کہا ھے : کہ یہ حضرت  "سفیان بن عیینہ ؒ "  کے حوالہ سے کچھ عجیب باتیں روایت کرتے ہیں یعنی ان پر حافظ کی یہ جرح ھے۔جبکہ حافظ نے ہی لکہا ھے کہ ان کو "ابن حبان" نے ثقہ راویوں میں شمار کیا ھے:

🎴أحمد بن يعقوب البلخي عن سفيان بن عيينة وغيره أتى بمناكير وعجائب انتهى.

 وذكره ابن حبان في الثقات فقال يكنى أبا صالح روى عن وكيع ومكي بن إبراهيم وأهل العراق حدث عنه أهل بلده.

المصدر: لسان المیزان

المؤلف: ابن حجر العسقلانیؒ

المجلد:1

الرقم:914

الصفحة:701

الطبع:دار البشائر الاسلامیة بیروت لبنان.

⚖ *ابن حبان کی نظر میں*

یہ راوی" احمد بن یعقوب" الفراء تبع تابعین میں سے ہیں اور ان کی کنیت _ ابو صالح_ ہے ۔بلخ سے ان کا تعلق ھے۔

احمد بن یعقوب الفراء من تبع الاتباع, من اھل بلخ , ابو صالح۔ ( الثقات/8. 38).

المصدر: تقریب الثقات

المؤلف: ابن حبان

الرقم:926

الصفحة:196

الطبع: دار المعرفة، بیروت لبنان۔

▪ *مسند الفردوس میں*

 إذا مات حاملُ القرآنِ أوحَى اللهُ إلى الأَرضِ ان لاتاكلیِ لحمِه قال فتقولُ الأَرضُ : الھی!وكيف آكُلُ لحمَه وكلامُك في جوفِه.

 المصدر: مسند الفردوس

المحدث: دیلمی

المجلد:1

الرقم: 1112

الصفحہ:284

الطبع:دار الکتب العلمیہ, بیروت لبنان۔

🔰 *کنز العمال میں*

  إذا مات حاملُ القرآنِ أوحَى اللهُ إلى الأَرضِ لأكلِ لحمِه قال فتقولُ الأَرضُ وكيف آكُلُ لحمَه وكلامُك في جوفِه.

    الراوي: جابر بن عبدالله

    المحدث: علاء الدین الھندی

    المصدر: کنز العمال

    المجلد: 1

    الصفحة:555

    الرقم: 2488

    خلاصة حكم المحدث:  غريب

    الطبع:مؤسسہ الرسالہ بیروت

   

🕯️ *زهر الفردوس* 🕯️

   امام ابن حجر عسقلانی کی یہ تالیف ھے اسکی تحقیق میں چند حضرات ( طلاب ) نے حصہ لیا ھے ان میں ایک محقق " د/ عربی دائز فریاطی " ہیں جنہوں نے اس روایت کے حاشیہ میں مذکورہ بالا تحقیق کرتے ہوئے لکہا : یہ روایت موضوع ھے اور وجہ احمد بن یعقوب بلخی کو بتایا ھے: 

• المصدر: زهر الفردوس

• المحدث: الإمام ابن حجر العسقلاني

• المحقق: د/ العربي دائز الفرياطي

• المجلد: 1

• الصفحة: 841

• الرقم: 405

• الطبع : جمعية دار البِرِّ، دبئ.

__÷ *الحاصل* ÷__

اس قدر شدید ضعف کے ہوتے مذکورہ فضیلت حافظ قرآن کی عظمت کے متعلق بیان کرنے میں توقف کیا جائے۔ 

وﷲ تعالی اعلم

✍🏻...کتبہ: *محمد عدنان وقار صدیقی*

۱۲ جون ،؁۲۰۱۹ء

طائف میں قیام کی مدت

 ▪️ *طائف میں قیام کی مدت* ▪️

جب نبی کریمؐ تبلیغ اسلام کے لیے طائف گیے تھےطائف میں کتنے دن گزار کر واپس ھوئے تھے؟ 

رھنمائی فرما کر مشکور ہوں!!!

*واجرکم علی اللہ*

••• *باسمہ تعالی* •••

*الجواب وبہ التوفیق:* 

     حضرت خدیجہؓ اور خیر خواہ چچا ابو طالب کی وقفے وقفے سے وفات کے بعد آپؐ کا کوئی حامی و مددگار نہ رہا؛ آپؐ نے قریش کی چیرہ دستیوں سے مجبور ہوکر اخیر شوال سنہ 10 نبوی میں طائف کا قصد فرمایا اور ساتھ میں زید بن حارثہؓ کو لے لیا۔

الغرض! طائف والوں نے کیا سلوک کیا یہ تو الگ واقعہ ھے ہم فقط اتنا بتانے کی کوشش کرینگے کہ شہر طائف میں اس تبلیغی سفر میں آپؐ کا وہاں کتنے دن قیام رہا: 

🔹 *زاد المعاد* 🔹

امام ابن قیمؒ نے "زاد المعاد" میں لکہا ھے: کہ آپؐ چند دن وہاں ٹہرے ؛ دنوں کی تحدید نہیں ذکر کی ھے: 

فخرج الي الطائف هو و زيد بن حارثة يدعو الي الله تعالي، واقام به أياما، فلم يجيبوه، وآذَوْهُ، و أخرجوه، ملخصا.

٭ المصدر: زاد المعاد 

٭ المؤلف: الإمام ابن القيمؒ

٭ الصفحة: 32

٭ الطبع: مؤسسة الرسالة، بيروت، لبنان.

⚛️ *المواهب الَّلدُنِّيَّة* ⚛️

امام قسطلانيؒ نے المواهب اللدنية میں طائف میں قیام کی مدت ایک ماہ لکھی ھے: 

ثم خرج عليه السلام إلي الطائف بعد موت خديجة بثلاثة اشهر، في ليال بقين من شوال، سنة عشر من النبوة؛ لما ناله من قريش بعد موت أبي طالب، وكان معه "زيد بن حارثة "فأقام به شهرا يدعو اشراف ثقيف إلي الله تعالي، فلم يجيبوه، و أغروا به سفهاءهم وعبيدهم يسبونه.

∅ المصدر: المواهب اللدنية

∅ المؤلف: العلامة احمد بن محمد القسطلانيؒ

∅ المجلد: 1

∅ الصفحة: 267

∅ الطبع: المكتب الإسلامي، بيروت، لبنان.

🔳 *طبقات ابن سعد* 🔳

امام محمد بن سعد زھریؒ نے طبقات کبیر میں شہر طائف میں ٹھہرنے کی مدت دس روز لکہی ھے: 

فأقام بالطائف عشرة أيام، لا يدع أحدا من أشرافهم إلا جاءه و كلمه، فلم يجيبوه. 

• المصدر: كتاب الطبقات الكبير

• المؤلف: محمد بن سعدؒ

• المجلد: 1

• الصفحة: 180

• الطبع: مكتبة الخانجي، قاهرة، مصر.

🕯️ *سبل الهدي والرشاد* 🕯️

     امام محمد بن یوسف صاحی شامیؒ نے " سبل الہدی والرشاد" میں لکھا ھے کہ آپؐ کا وہاں پر قیام دس روز رہا اور ایک قول (جسکو موصوف نے صیغہ تمریض قیل سے ذکر کیا ہے) ایک مہینے کا بھی ہے: 

فأقام بالطائف عشرة أيام، وقيل: شهرا، لا يدع أحدا من أشرافهم إلا جاء اليه وكلمه، فلم يجيبوه وخافوا علي أحداثهم منه، فقالوا: يا محمد! اخرج من بلدنا! وأغرَوْا به سفهاءهم وعبيدهم يسبونه، و يصيحون به؛  حتي اجتمع عليه الناس.

① المصدر: سبل الهدي والرشاد

② المؤلف: محمد بن يوسف الصالحي الشاميؒ

③ المجلد: 2

④ الصفحة: 577

⑤ الطبع: المجلس الأعلي للشئون الإسلامية، قاهرة، مصر.

💡 ••• *خلاصہ کلام* ••• 💡

 سیرت نگاروں نے طائف میں قیام کی مدت کے متعلق دو قول ذکر کیے ہیں : 1) دس دن . 2) ایک ماہ ؛ جبکہ سبل الہدی والرشاد میں ایک ماہ والے قول کے ضعیف ہونے کی جانب اشارہ ھے ؛ لہذا دس دن والا قول راجح ہے۔

وﷲ تعالی اعلم

✍🏻... کتبہ: *محمد عدنان وقار صؔدیقی*

۲ فروری: ۲۰۲۱ء؁

صدیق اکبر کا مجموعہ حدیث کو جلانا

 ▪️ *صدیق اکبرؓ کا مجموعۂ حدیث کو جلادینا* ▪️

فضائلِ اعمال _ حکایات صحابہ_ کے تحت آٹھویں باب میں ( علمی ولولہ اور اس کا انہماک) حضرت صدیق اکبر کا ایک واقعہ لکھا ھے : حضرت عائشہ فرماتی ہیں کہ میرے باپ حضرت ابوبکر صدیق نے پانچ سو (٥٠٠) احادیث کا ایک ذخیرہ جمع کیا تہا , ایک رات میں نے دیکھا کہ وہ نہایت بے چین ہیں, کروٹیں بدل رہے ہیں , مجھے یہ حالت دیکھ کر بے چینی ہوئی, دریافت کیا کہ کوئی تکلیف ہے یا کوئی فکر کی بات سننے میں آئی ھے؟ غرض تمام رات اسی طرح بے چینی میں گزری اور صبح کو فرمایا: کہ وہ احادیث جو میں نے تیرے پاس رکھوا رکہی ہیں, اٹھالا! میں لے کر آئی, آپ نے ان کو جلادیا, میں نے پوچھا کہ کیوں جلادیا؟ ارشاد فرمایا: مجھے اندیشہ ہوا کہ کہیں ایسا نہ ہو کہ میں مرجاؤں اور یہ میرے پاس ہوں, ان میں دوسروں سے سنی ہوئی روایتیں بھی ہیں کہ میں نے معتبر سمجہا ہو اور واقع میں وہ معتبر نہ ہوں اور اس کی روایت میں کوئی گڑ بڑ ہو جس کا وبال مجھ پر ہو۔

اس واقعے کی تحقیق درکار ھے!!

••• *باسمہ تعالی* •••

*الجواب وبہ التوفیق:* 

یہ واقعہ فضائل اعمال کے اندر حکایات صحابہؓ میں "علمی ولولہ اور اسکا انہماک" کے تحت مذکور ھے, اور محشی نے "تذکرة الحفاظ " كا حواله لكها هے.

• نام کتاب: فؔضائل اعمال

• نام مؤلف : شؔیخ زکریا صاحبؒ

• صفحة : 135

• طباعت: کلاسکل پرنٹرز،  اسلام آباد، پاکستان.

💠 *تذكرة الحُفَّاظ*💠

امام ذھبیؒ نے یہ واقعہ ذکر کیا ھے ؛ لیکن ساتھ ہی یہ بہی رقم فرمایا ھے: کہ یہ صحیح نہیں ھے:

 ☜ وقد نقل الحاكم فقال حدثني بكر بن محمد الصيرفي بمرو أنا محمد بن موسى البربري أنا المفضل بن غسان أنا علي بن صالح أنا موسى بن عبد الله بن حسن بن حسن عن إبراهيم بن عمر بن عبيد الله  التيمي حدثني القاسم بن محمد قالت عائشة:  جمع أبي الحديث عن رسول الله صلى الله عليه وسلم، وكانت خمسمائة حديث، فبات ليلته يتقلب كثيرا، قالت: فغمَّني،  فقلت: أتتقلب لشكوى أو لشيء بلغك؟ فلما أصبح، قال: أي بنية! هلمي الأحاديث التي عندك، فجئته بها، فدعا بنا، فحرقها، فقلت: لم أحرقتها؟ قال: خشيتُ أن أموت وهي عندي فيكون فيها أحاديث عن رجل قد ائتمنته ووثقت ولم يكن كما حدثني،  فأكون قد نقلت ذاك فهذا لا يصح والله أعلم " اهـ.

٭ المصدر: تذكرة الحفَّاظ

٭ المحدث: الإمام الذهبيّؒ

٭ الصفحة: 5

٭ الطبع: دائرة المعارف العثمانية، حيدرآباد، الهند. 

☪️ *الشبهات الثلاثون* ☪️

دکتور عبد العظیم ابراہیم نے فتنہ انکار حدیث کے رد پر ایک رسالہ لکھا ھے " الشبھات الثلاثون المثارة لإنكار السنة النبوية " _تیس ایسے شبہات جو انکار حدیث پر ابھار سکتے ہیں_  اس میں موصوف نے پانچویں شبہ کے تحت یہی واقعہ نقل کیا ھے اور امام ذھبیؒ کے حوالے سے ذکر فرمایا ھے اور کہا ہے: کہ منکرین حدیث اس واقعہ سے اپنا مدعی ثابت نہیں کرسکیں گے ؛ کیونکہ اولا تو یہ واقعہ ہی درست نہیں کہ یوں کہا جائے کہ صدیق اکبرؓ نے احادیث جلادیں تاکہ یہ اضافہ فی الدین نہ ہوجائے , دوسرے یہ کہ صدیق اکبرؓ کا جلانا ( اگر واقعہ صحیح بہی ہو) اس لیے نہ تہا کہ کتابت حدیث کی ممانعت تہی ؛ بلکہ ان کو احادیث کا املاء کرانے والے کسی ایک راوی پر اعتماد نہ ہوسکا اسلیے جلادیں تاکہ کوئی ایسی بات امت میں نہ پہونچے جسکا نبی کریم سے حتمی ثبوت نہ ہو:

💡 تفنيد هذه الشبهة ونقضها:

هذه الشبهة مبالغ فيها من قبل الذين يروجون لها الآن، بل هي أقوال مذكورة على عواهنها لا تثبت أمام النقد.

وأشهرها، بل وأقواها الواقعة المنسوبة إلى أبي بكر الصديق رضي الله عنه. فقد ذكرها الإمام الذهبي في كتابه [تذكرة الحفاظ: ج1 ص 5] مع سند طويل لها نقله الحاكم، والقصة بتمامها مع حذف السند، جاء فيها:

"قالت عائشة: جمع أبي بكر الحديث عن رسول الله صلى الله عليه وسلم، وكانت خمسمائة حديث، فبات ليلته يتقلب كثيراً. فغمنى فقلت: أتتقلب لشكوى أو لشيء بلغك؟ فلما أصبح قال: أي بنية، هلمي الأحاديث التي عندك فجئته بها، فدعا بنار فأحرقها؟ فقلت: لم أحرقتها؟ قال: خشيت أن أموت وهي عندي فيكون فيها أحاديث عنها رجل أئتمنته ووثقت [فيه] ولم يكن كما حدثني، فأكون قد نقلت ذاك".

هذه هي القصة، والإمام الذهبي من عادته في هذا الكتاب أن يسرد الأقوال دون التعليق عليها، ولكنه علق على هذه الرواية بقوله: "فهذا لا يصح، والله أعلم".

والذهبي إمام لا يشق له غبار في علوم الحديث ونقده وعبارته هذه ذات دلالة قاطعة على شكه في صحة هذه الرواية.

أما نحن فنرى صحتها وعدم صحتها سواء في أنها تخلو من الغرض الذي أراده منها زنادقة العصر، وأعداء سنة صاحب المقام المحمود.

هم يريدون منها أن أبا بكر رضي الله عنه أحرق ما عنده من أحاديث باعتبارها زيادة في الدين لم يأذن الله بها، أو – على الأقل – لعدم الثقة في رواة الأحاديث جميعاً. وما دام أبو بكر – مع صحبته وقرب عهده بالرسول قد تشكك إلى هذا الحد في بطلان الرواية عنه، فما بال الأمة في عصر "العولمة" تحتفظ بهذه الأحاديث؟ أليس لهم في صنع أبي بكر أسوة حسنة؟ أم هي الآن أدري بالسُّنَّة من أبي بكر رفيق النبي في الغار، وصاحبه الذي ما كان يمر يوم دون أن يراه ويسمعه؟!

إن هذه القصة على فرض صحتها ليس فيها دليل على ما أرادوه منها:

فأبو بكر رضي الله عنه تردد في صدق الذي أملي عليه مجموعة الأحاديث، فسارع – احتياطاً – إلى إعدامها بالحرق، حتى لا تنشر بين الناس أحاديث لم يتثبت كل التثبت من صدق صدورها عن رسول الله صلى الله عليه وسلم.

إنه لم يحرقها – إن كان حقاً قد حرقها – لأنها ليست من الدين كما يدعي منكرو السُّنَّة.

ولم يحرقها لعدم الثقة في رواة الأحاديث كلهم كما يروج الآن منكرو السُّنَّة الأغبياء.

وإنما حرقها لتردده في صدق راو واحد، هو الذي أملي عليه تلك الأحاديث.

وأبو بكر- مع هذا – لم يتهم من روى له تلك الأحاديث بالكذب عن رسول الله متعمداً، لأنه صحابي، والصحابة كلهم عدول بشهادة القرآن نفسه، وإنما هناك أسباب تحمل أصحاب الورع والتقوى من أمثال أبي بكر على دقة التحري، وترك ما يريب إلى ما لا يريب.

إن الحق قريب من طلابه المخلصين له، ولكن العناد يورد صاحبه المهالك. وأولى الناس وأقربهم من الهلاك المعاندون.

٭ المصدر: الشبهات الثلاثون المثارة لإنكار السنة النبوية

٭ المؤلف: د/ عبد العظيم ابراهيم محمد المرطعي

٭ الصفحة: 36

٭ الطبع: مكتبة وهبة، قاهرة، مصر.

🔳 *کنز العمال* 🔳

کنز العمال میں بہی یہ واقعہ مذکور ھے اور اسکی سند پر کلام بہی مذکور ھے نیز خاکستر کرنے کی وجہ بہی مذکور ھے کہ کتابت حدیث کی ممانعت تو نہیں تھی ؛ تاہم صدیق اکبرؓ کو ان روایات کے متعلق تشفی نہ تھی جو کسی سے انہوں نے املاء کی تھیں اسلیے جلادیا ورنہ ابوبکر صدیقؓ وقت کے حافظ الحدیث تھے.

⚛️ *باب في آداب العلم والعلماء*

 فصل في رواية الحديث

 29460 (مسند الصديق رضي الله عنه) قال الحافظ عماد الدين بن كثير في مسند الصديق: الحاكم أبو عبد الله النيسابوري حدثنا بكر بن محمد الصريفيني بمرو حدثنا موسى بن حماد ثنا المفضل ابن غسان ثنا علي بن صالح حدثنا موسى بن عبد الله بن حسن بن حسن عن إبراهيم بن عمرو عن عبيد الله التيمي حدثنا القاسم بن محمد قال: قالت عائشة: جمع أبي الحديث عن رسول الله صلى الله عليه وسلم فكانت  خمسمائة حديث، فبات ليلة يتقلب كثيرا، قالت: فغمني فقلت تتقلب لشكوى أو لشئ بلغك؟ فلما أصبح قال: أي بنية هلمي الأحاديث التي عندك فجئته بها فدعا بنار فأحرقها وقال، خشيت أن أموت وهي عندك فيكون فيها أحاديث عن رجل ائتمنته ووثقت به ولم يكن كما حدثني فأكون قد تقلدت ذلك. وقد رواه القاضي أبو أمية الأحوص بن المفضل بن غسان الغلابي عن أبيه عن علي بن صالح عن موسى بن عبد الله بن الحسن بن الحسن بن علي بن أبي طالب عن إبراهيم بن عمر بن عبيد الله التيمي حدثني القاسم بن محمد أو ابنه عبد الرحمن بن القاسم  شك موسى فيهما قال: قالت عائشة - فذكره وزاد بعد قوله: فأكون قد تقلدت ذلك ويكون قد بقي حديث لم أجده فيقال: لو كان قاله رسول الله صلى الله عليه وسلم ما غبي (خفی )على أبي  بكر إني حدثتكم الحديث ولا أدري لعلي لم أتتبعه حرفا حرفا.

 قال ابن كثير: هذا غريب من هذا الوجه جدا وعلي بن صالح لا يعرف والأحاديث عن رسول الله صلى الله عليه وسلم أكثر من هذا المقدار بألوف ولعله إنما اتفق له جمع تلك فقط ثم رأى ما رأى لما ذكرت قلت قال الشيخ جلال الدين السيوطي رحمه الله تعالى أو لعله جمع ما فاته سماعه من النبي صلى الله عليه وسلم وحدثه عنه به بعض  الصحابة كحديث الجدة ونحوه والظاهر أن ذلك لا يزيد على هذا المقدار لأنه كان احفظ الصحابة وعنده من الأحاديث ما لم يكن عند أحد منهم كحديث (ما دفن  نبي إلا حيث يقبض) ثم خشي أن يكون الذي حدثه وهم فكره تقلد ذلك وذلك صريح في كلامه.

• المصدر: كنز العمال

• المحدث: العلامة علاء الدين علي المتقي الهنديؒ

• المجلد: 10

• الصفحة: 285

• الرقم: 29460

• الطبع: مؤسسة الرسالة، بيروت، لبنان.

🔮 *الأنوار الكاشفة*🔮

فتنۂ انکار حدیث پر قدغن لگانے کیلیے کئی کتب تالیف کی گئیں اسی سلسلے میں علامہ معلمیؒ نے بہی قلم اٹھایا ھے اور منکرین حدیث کا جو شبہ مذکورہ واقعہ سے تہا اسکا رد فرمایا ھے : کہ یہ واقعہ درست نہیں ھے :

🔹 قال أبو رَيَّة (ص23): وروى الحاكم بسنده عن عائشة قالت: جمع أبي الحديث عن  رسول الله صلى الله عليه وسلم فكانت خمسمائة حديث، فبات يتقلب فلما أصبح قال: أي بنية! هلمي الأحاديث التي عندك، فجئته بها فأحرقها، وقال: خشيت أن أموت وهي عندك فيكون فيها أحاديث عن رجل ائتمنته ووثقت به ولم يكن كما حدثني فأكون قد تقلدت ذلك.

زاد الأحوص بن المفضل في روايته: أو يكون قد بقى حديث لم أجده فيقال: لو كان قاله رسول الله  صلى الله عليه وسلم ما خفي على أبي بكر )).

أقول: لو صح هذا لكان حجة على ما قلناه، فلو كان النبي صلى الله عليه وسلم نهى عن كتابة الأحاديث مطلقاً لما كتب أبو بكر. فأما الإحراق فلسبب أو سببين آخرين كما رأيت. لكن الخبر ليس بصحيح، أحال به أبو رية على تذكرة الحفاظ للذهبي وجمع الجوامع للسيوطي ولم يذكر طعنهما فيه، ففي التذكرة عقبه (( فهذا لا يصح )).

وفي كنز العمال (237:5) - وهو ترتيب جمع الجوامع ومنه أخذ أبو رية-: (( قال ابن كثير هذا غريب من هذا الوجه جداً،. وعلي بن صالح أحد رجال سنده لا يعرف )

أقول: وفي السند غيره ممن فيه نظر. ثم وجهه ابن كثير على فرض صحته " اهـ.

× المصدر: الأنوار الكاشفة

× المؤلف: الشيخ عبد الرحمن بن يحي المُعَلِّمِيِّ اليمانِيِّؒ

× الصفحة: 49

× الطبع: دار عالم الفوائد، مكة، السعودية.

••• *خلاصۂ کلام* •••

 یہ واقعہ مستند نہیں ؛ اسکا بیان کرنا درست نہیں اور فضائل اعمال میں اسکا ذکر فقط اس لیے ھے کہ شیخؒ نے کتابوں سے نقل کردیا ھے ؛ کیونکہ حضرت شیخؒ کا مقصد اس کتاب میں  تحقیق نہ تہا۔

وﷲ تعالی اعلم 

✍🏻...کتبہ: *محمد عدنان وقار صؔدیقی*

1فروری :؁ء 2021